Ilawsiti1
1Yasuuꞌa Umasiihiib ilawsiti, ikishiyaayeeh irhisti jillaay Ukwaasana barooh hiiyyaabu, ibakii aree willa iikti tindiit toona rhisiini. Baruuh umalakooh ukishiyaayooh Yuuhannaay dehaay diigwatiyaayt beet toona isookin.2Yuuhanna toona turhiyaneet kastooh sooya. Beet tuuna Ukwaasanaay ibhaliiwwa Yasuuꞌaab Umasiihiit tibadehaawwa tikati.3Oon oosruudi ibhali agriiyiiniib libaabiya. Baliin maasiwtiit toona tehooy kataab iginꞌaayeeb ideeb han libaabiyaan. Tuusꞌa tidwili sabbii tikati.4Yuuhannaayt tikaniisi tꞌasarama Aasiyaay whaashiib eefeent ookiik: tinꞌimaawwa umꞌasigwa bariisooh ikatiin baꞌiiktimna hookna; barooh wꞌeefeebwa, suur iifiibwa, harꞌook yꞌiiniibwa bariiteeh tinꞌimaawwa umꞌasigwa miriina. Eeshuuk yꞌasaramaayee bariitooh tehadꞌaayeeti suuriiwwa,5Yasuuꞌa Umasiihi ubadehi usidkiibwa, yꞌayaani hankaay firaaywa, tubuuti hadꞌaayi hadꞌaawwa bariisooh tinꞌimaawwa umꞌasigwa miriina.
Baruuh areeyiini hoon, aree ubooyiisooh tumaagnaaytiisoon ifdig hoon,6aree baruuh bariiyooh Ukwaasanaawwa Ubaabaawwa shagaamnayi jillaay fagiiriyaayeet hadꞌaayi ikwaas hoon. Umatuunwa yꞌakrirwa diimaab Yasuuꞌaab Umasiihiib baꞌiiktiin! Aamiin.7Shibibna, baruuh ibꞌaluukiib yꞌiini,aree kastaah tiliiliya barooh rhi iyadna,baliin barooh talꞌiyaan han rhi iyadna,aree kastaah tubuutiit gabiila bariiyooh jillaay waawi iyadna.Aflaay bak batiikti! Aamiin.8Wꞌankwana Ukwaasana, “Ani eesuurwa wꞌagiyaawwa akati, baruuh wꞌeefi, suur iifiib, harꞌook yꞌiiniib, Wꞌalyaab akati.” indi.9Ani Yuuhanna, usanuukna aree wꞌaraawuukna tilhanayteebwa tehadꞌaayeetiibwa utarmuumaaywa baliit Yasuuꞌiib hineeb ikatiint, Ukwaasanaay ibhaliyi sabbiiwwa, Yasuuꞌiib tibadehaati sabbiiwwa ani tugadiiri Baatmuuseeb daasaman.10Wꞌankwanaayt tuyintiib ani Ishuukeeb iifi. Anii harꞌii aree tageega hiss ambiilhooytiit kwinhiib amaasiw.11Whiss “Toona turhitniyeet kitiba malya ooktaab timadiina tꞌasarama beeti diigwata. Timadiina: Afasooswa, Samiirnaawwa, Bargamuumwa, Tiyaatiiraawwa, Saardiswa, Fiilaadalfiyaawwa, Laawdikiyaawwa ikatiin.” idi.12Whiss aneeb hadiidsamiib iishbibi jillaay harꞌa nakamanihoob, asaramaat dimꞌaraayt lambaati mꞌabaka rhan,13aree tilambaati mꞌabakaayi bitik gaal aadami oor tꞌiiti halak iragada ookiik iiktim akwaay iifi, aree dimꞌaraay shaash iginhi kehii iifi.14Bariiyuuh ugirmaawwa tehamoowwa, wꞌeera hamu tꞌiiteeba, ibꞌaluukiit eeraaba, aree tiliiliya toonꞌeeti balool tꞌiiteeba.15Iragadaayaah ashteet nꞌeetiib fathaktiniit tꞌiiteeba, aree whissuuh ukwaani hiss tꞌiiteebi.16Wꞌayooh umaykwaanaay asarama hayikw abkaabu, aree uyafii malu ginnali bꞌadhadh hasiib ifrꞌa eeya. Aree ifiiraah akraat yintiit talawiyaan.17Ani barooh rhanihoob, iragadaayeeh whii dhiban aree ayaana tꞌiiteena aki. Malya baruuh wꞌayooh umaykwaab anii kehii daasiyaayt: “Baarakwiya, ani eesuurwa wꞌagiyaawwa akati.18Ani beeb Udhhaniib Oongaalu, ani suur ayaabu, oontꞌa laakiin ani diimaawwa kassoohoobwa dhhaniibu. Ani tooyatwa yꞌayaabwa kasseeyooh kehii hadꞌaayeet abari.19Aflaay baruuk teena tirhitniyeet kitiba, oontꞌa teefeetwa harꞌook iikti tindiitwa kitiba.20Aniib wꞌayi umaykwaanaay rhitaneeb yhayikw yꞌasaramaawwa, idimꞌaraayt tilambaati mꞌabaka yꞌasaramaawwa bak ikatiin: yhayikw yꞌasarama tikaniisi tꞌasaramaati imalak ikatiin. Aree tilambaati mꞌabaka yꞌasarama tikaniisi tꞌasarama ikatiin.
Baruuh areeyiini hoon, aree ubooyiisooh tumaagnaaytiisoon ifdig hoon,6aree baruuh bariiyooh Ukwaasanaawwa Ubaabaawwa shagaamnayi jillaay fagiiriyaayeet hadꞌaayi ikwaas hoon. Umatuunwa yꞌakrirwa diimaab Yasuuꞌaab Umasiihiib baꞌiiktiin! Aamiin.7Shibibna, baruuh ibꞌaluukiib yꞌiini,aree kastaah tiliiliya barooh rhi iyadna,baliin barooh talꞌiyaan han rhi iyadna,aree kastaah tubuutiit gabiila bariiyooh jillaay waawi iyadna.Aflaay bak batiikti! Aamiin.8Wꞌankwana Ukwaasana, “Ani eesuurwa wꞌagiyaawwa akati, baruuh wꞌeefi, suur iifiib, harꞌook yꞌiiniib, Wꞌalyaab akati.” indi.9Ani Yuuhanna, usanuukna aree wꞌaraawuukna tilhanayteebwa tehadꞌaayeetiibwa utarmuumaaywa baliit Yasuuꞌiib hineeb ikatiint, Ukwaasanaay ibhaliyi sabbiiwwa, Yasuuꞌiib tibadehaati sabbiiwwa ani tugadiiri Baatmuuseeb daasaman.10Wꞌankwanaayt tuyintiib ani Ishuukeeb iifi. Anii harꞌii aree tageega hiss ambiilhooytiit kwinhiib amaasiw.11Whiss “Toona turhitniyeet kitiba malya ooktaab timadiina tꞌasarama beeti diigwata. Timadiina: Afasooswa, Samiirnaawwa, Bargamuumwa, Tiyaatiiraawwa, Saardiswa, Fiilaadalfiyaawwa, Laawdikiyaawwa ikatiin.” idi.12Whiss aneeb hadiidsamiib iishbibi jillaay harꞌa nakamanihoob, asaramaat dimꞌaraayt lambaati mꞌabaka rhan,13aree tilambaati mꞌabakaayi bitik gaal aadami oor tꞌiiti halak iragada ookiik iiktim akwaay iifi, aree dimꞌaraay shaash iginhi kehii iifi.14Bariiyuuh ugirmaawwa tehamoowwa, wꞌeera hamu tꞌiiteeba, ibꞌaluukiit eeraaba, aree tiliiliya toonꞌeeti balool tꞌiiteeba.15Iragadaayaah ashteet nꞌeetiib fathaktiniit tꞌiiteeba, aree whissuuh ukwaani hiss tꞌiiteebi.16Wꞌayooh umaykwaanaay asarama hayikw abkaabu, aree uyafii malu ginnali bꞌadhadh hasiib ifrꞌa eeya. Aree ifiiraah akraat yintiit talawiyaan.17Ani barooh rhanihoob, iragadaayeeh whii dhiban aree ayaana tꞌiiteena aki. Malya baruuh wꞌayooh umaykwaab anii kehii daasiyaayt: “Baarakwiya, ani eesuurwa wꞌagiyaawwa akati.18Ani beeb Udhhaniib Oongaalu, ani suur ayaabu, oontꞌa laakiin ani diimaawwa kassoohoobwa dhhaniibu. Ani tooyatwa yꞌayaabwa kasseeyooh kehii hadꞌaayeet abari.19Aflaay baruuk teena tirhitniyeet kitiba, oontꞌa teefeetwa harꞌook iikti tindiitwa kitiba.20Aniib wꞌayi umaykwaanaay rhitaneeb yhayikw yꞌasaramaawwa, idimꞌaraayt tilambaati mꞌabaka yꞌasaramaawwa bak ikatiin: yhayikw yꞌasarama tikaniisi tꞌasaramaati imalak ikatiin. Aree tilambaati mꞌabaka yꞌasarama tikaniisi tꞌasarama ikatiin.
The Seed Company