1 Bitrus1
1Bitrus, Yasuuꞌa Umasiihiib ulinguuma ikatiinaay, Ukwaasanaay oodehay girba hasheeb barar Boontuusiibwa, Galaatiyaawwa, Kabbadookiyaawwa, Aasiyaawwa, Biitiiniyaawwa girba dehayiit ikweer bareeh ookiik oon ujawaab kitbaabi.2Ukwaasana Ubaaba udehayiitooh waasiya hookna, bariiyaah Aashuuk aree bareek mugaddasaab ikwasiin hookna. Baraak Yasuuꞌa Umasiih tisnaakirna, ubooyiisooh han safamtaana.
Tinꞌimaawwa umꞌasigwa kasseeh baꞌiyaaw hookna.3Ukwaasana, Wꞌankwanaayoon Yasuuꞌaab Umasiihiib Ubaaba nhamdeet toonaati. Ukwaasana winneet daayiibu, baruuh Yasuuꞌaab Umasiih tuyatii yakisiyaayt hinin gayii midhhanwa sꞌayaawwa oontꞌa hoon eefeeb yhii hoon.4Ukwaasana tibreeteeb naat dehoon daasaabi. Beet tuuna aree door han kasuusta tari kakatꞌamta tari kakwidhta.5Baraak Ukwaasanaay iimaan tibariina akay, bariiyaah yꞌakrir tꞌaakhara ookiik idaab hookna iyadna. Malya baruuh ishidhhin hookna indi, baruuh diimaab bak dehookna niyaamaabi.6Baraak oontꞌa gwida doora akraab jarrabamtaaneek han, beet tooyin itmidhidh tiyadna.7Wꞌiimaanuukna idimꞌara tunꞌeetii itookwiit tꞌiiteena jarrabami indi. Tuun tutajriba aree wꞌiimaanuukna idimꞌara wꞌitookwiitnaayka alyakaab ikatiyeet toona rhistini. Tuun batuuh aree Yasuuꞌa Umasiih itꞌagiirihoob baraak hamaadwa takweetwa matuunwa imaar tiyadneet toona rhistini.8Baraak Yasuuꞌaab rhaab kitteena, oontꞌa han karhitaana. Laakiin masi barooh areeteena, aamanteena akay teen tifirhaati mhakwal warit firha kiihaayna.9Baraak umidhhan imaar tiyadna. Oon usabbii aree wꞌiimaan tibariina.10Bareekna beeti yꞌeent tinꞌimaateeb hadiidiyaan inabiya, oon umidhhaniit hayꞌaatiib hadiidiyaan. Baraah baraakna umidhhan haay timeerni salal winneet yhariwna.11Umasiihiib Aashuuk bareeyooh iifiin. Yasuuꞌa lhamiyeet toonaawwa malya aree winneet tageegiiniyeet toonaawwa Aashuuk bareeh sooyiin. Aflaay baraah Yasuuꞌa uukna aab iiktiyeeb kanaant yhariwna, beet tuuna aree tiikti.12Laakiin baraah bareek shagaameeneet toona nuun igarooyeehna biishagaamayneet toona soomamiyaan. Baraah Eeshuuk Imugaddasaayi akriree bareekna sooyaana, Aashuuk Imugaddasa bareeh tibreetee dehaay diigwatamaaba. Tuun tudiigwat aree bareekna eebhat kantiim, aree imalak han batooh iktiinneet yhariwna.13Digwagwna, tikwakwna kwinna. Yasuuꞌa Umasiih lawiiniyihoob, Ukwaasana bareekna dehookna ishbuub indiyeet toona winneet sꞌayaamaana.14Yꞌar yꞌatꞌaaneet sakaana. Umidhhanuukna infisaakna yhariwneet tinaatee biiꞌabaakneet toonaati. Suur aree bak akay tiifiina.15Ukwaasana bareekna waasiya hookna, baruuh aree tageegaabuuyt, Ukwaasanaay uudehay ikweerneeb ookwiraay tꞌiiteena kwiriina.16Uuktaab “Ani mugaddasuuyt, baraakna han ibakii mugaddasaab akeena.” diyaabi.17Baraak “Ukwaasana Baaboon ikati.” tiyadna. Laakiin Ukwaasana wawaastiib kiibari. Baruuh kasseeh oodehay gaalka shagaayiisooh jasaayiini. Aflaay baraak tooy tubuutiib yꞌiibaabkinaayeet teefeenihoob ibakii Ukwaasana rikwiina.18Ookwiraay titakwi baabariib baraakna hoobeesookna tikanneeb hooy tidhhanna. Laakiin tꞌashti tari idimꞌara tꞌiiteet teena diimaab baadaayayt, baraak hooy dhhanaab bitkaayneet toona tikteenna.19Baraak Umasiihiib oobooy wꞌalyaanaay tidhhanna. Baruuh aree gwihaab baabariib nhas argini booy tꞌiiteebi.20Yasuuꞌa tuduniya akhligamaat bitkaayi door waasamaabi. Laakiin bareeyookna sabbii aree baruuh een wꞌagiyaay eembꞌi ookiik yꞌaab kiiki.21Baruuh eeyanihoob, baraak Ukwaasana aamanteeni jillaay iimilhiyookna dehaay eeya. Ukwaasana barooh tooyat hooy yakisiyaayt tageegaat hayꞌaatiib isoowin. Oon usabbii baraak wꞌiimaanwa isꞌayaawwa Ukwaasanaay tidꞌiina.22Baraak oosdik tisnaakirna aree ishuukaakna inhasna. Oontꞌa sidik taktak areeyaana, laakiin kassooh uginꞌiisookna ibakii ooreer soorarimna.23Ukwaasana tudiigwattooh diimaab ikwaar tindiinaatii, gayiit firayt yhii hookna akay toon toona dꞌiina.24Uuktaab,“Kassaah uudehay oosyaam tꞌiiteeba,aree kassuuh umatuunuuhna umingaayi hindiyeet ikati.Uusyaam balamiini, aree yhindi dhadhibeena,25laakiin Wꞌankwanaay ibhali diimaab daayi iyadna.” indi uuktaab.Aree aan ibhali bareeyookna dehaay bhaliimiyaab Usakana Udaayiib ikatiin.
Tinꞌimaawwa umꞌasigwa kasseeh baꞌiyaaw hookna.3Ukwaasana, Wꞌankwanaayoon Yasuuꞌaab Umasiihiib Ubaaba nhamdeet toonaati. Ukwaasana winneet daayiibu, baruuh Yasuuꞌaab Umasiih tuyatii yakisiyaayt hinin gayii midhhanwa sꞌayaawwa oontꞌa hoon eefeeb yhii hoon.4Ukwaasana tibreeteeb naat dehoon daasaabi. Beet tuuna aree door han kasuusta tari kakatꞌamta tari kakwidhta.5Baraak Ukwaasanaay iimaan tibariina akay, bariiyaah yꞌakrir tꞌaakhara ookiik idaab hookna iyadna. Malya baruuh ishidhhin hookna indi, baruuh diimaab bak dehookna niyaamaabi.6Baraak oontꞌa gwida doora akraab jarrabamtaaneek han, beet tooyin itmidhidh tiyadna.7Wꞌiimaanuukna idimꞌara tunꞌeetii itookwiit tꞌiiteena jarrabami indi. Tuun tutajriba aree wꞌiimaanuukna idimꞌara wꞌitookwiitnaayka alyakaab ikatiyeet toona rhistini. Tuun batuuh aree Yasuuꞌa Umasiih itꞌagiirihoob baraak hamaadwa takweetwa matuunwa imaar tiyadneet toona rhistini.8Baraak Yasuuꞌaab rhaab kitteena, oontꞌa han karhitaana. Laakiin masi barooh areeteena, aamanteena akay teen tifirhaati mhakwal warit firha kiihaayna.9Baraak umidhhan imaar tiyadna. Oon usabbii aree wꞌiimaan tibariina.10Bareekna beeti yꞌeent tinꞌimaateeb hadiidiyaan inabiya, oon umidhhaniit hayꞌaatiib hadiidiyaan. Baraah baraakna umidhhan haay timeerni salal winneet yhariwna.11Umasiihiib Aashuuk bareeyooh iifiin. Yasuuꞌa lhamiyeet toonaawwa malya aree winneet tageegiiniyeet toonaawwa Aashuuk bareeh sooyiin. Aflaay baraah Yasuuꞌa uukna aab iiktiyeeb kanaant yhariwna, beet tuuna aree tiikti.12Laakiin baraah bareek shagaameeneet toona nuun igarooyeehna biishagaamayneet toona soomamiyaan. Baraah Eeshuuk Imugaddasaayi akriree bareekna sooyaana, Aashuuk Imugaddasa bareeh tibreetee dehaay diigwatamaaba. Tuun tudiigwat aree bareekna eebhat kantiim, aree imalak han batooh iktiinneet yhariwna.13Digwagwna, tikwakwna kwinna. Yasuuꞌa Umasiih lawiiniyihoob, Ukwaasana bareekna dehookna ishbuub indiyeet toona winneet sꞌayaamaana.14Yꞌar yꞌatꞌaaneet sakaana. Umidhhanuukna infisaakna yhariwneet tinaatee biiꞌabaakneet toonaati. Suur aree bak akay tiifiina.15Ukwaasana bareekna waasiya hookna, baruuh aree tageegaabuuyt, Ukwaasanaay uudehay ikweerneeb ookwiraay tꞌiiteena kwiriina.16Uuktaab “Ani mugaddasuuyt, baraakna han ibakii mugaddasaab akeena.” diyaabi.17Baraak “Ukwaasana Baaboon ikati.” tiyadna. Laakiin Ukwaasana wawaastiib kiibari. Baruuh kasseeh oodehay gaalka shagaayiisooh jasaayiini. Aflaay baraak tooy tubuutiib yꞌiibaabkinaayeet teefeenihoob ibakii Ukwaasana rikwiina.18Ookwiraay titakwi baabariib baraakna hoobeesookna tikanneeb hooy tidhhanna. Laakiin tꞌashti tari idimꞌara tꞌiiteet teena diimaab baadaayayt, baraak hooy dhhanaab bitkaayneet toona tikteenna.19Baraak Umasiihiib oobooy wꞌalyaanaay tidhhanna. Baruuh aree gwihaab baabariib nhas argini booy tꞌiiteebi.20Yasuuꞌa tuduniya akhligamaat bitkaayi door waasamaabi. Laakiin bareeyookna sabbii aree baruuh een wꞌagiyaay eembꞌi ookiik yꞌaab kiiki.21Baruuh eeyanihoob, baraak Ukwaasana aamanteeni jillaay iimilhiyookna dehaay eeya. Ukwaasana barooh tooyat hooy yakisiyaayt tageegaat hayꞌaatiib isoowin. Oon usabbii baraak wꞌiimaanwa isꞌayaawwa Ukwaasanaay tidꞌiina.22Baraak oosdik tisnaakirna aree ishuukaakna inhasna. Oontꞌa sidik taktak areeyaana, laakiin kassooh uginꞌiisookna ibakii ooreer soorarimna.23Ukwaasana tudiigwattooh diimaab ikwaar tindiinaatii, gayiit firayt yhii hookna akay toon toona dꞌiina.24Uuktaab,“Kassaah uudehay oosyaam tꞌiiteeba,aree kassuuh umatuunuuhna umingaayi hindiyeet ikati.Uusyaam balamiini, aree yhindi dhadhibeena,25laakiin Wꞌankwanaay ibhali diimaab daayi iyadna.” indi uuktaab.Aree aan ibhali bareeyookna dehaay bhaliimiyaab Usakana Udaayiib ikatiin.
The Seed Company