1 Yuuhanna1
1Beet toona idabaay tiiktiit hinin nimaasiw, igwꞌadeesoon rhina, nishbib aree yꞌayeesoon tatehina. Beet batooh umidhhani bhaliyeeb tikatiit aree soona hookna.2Umidhhan lawiya akay, hinin barooh rhinaayt tibadehaateen soona, malya umidhhan udaayim sooni hookna niyad. Umidhhan udaayim Ubaabaay geeb iifiib aree dehoon lawiya.3Hinin iknaayaan sidik rhinaneetwa nimaasweetwa toona soona hookna. Aflaay hinin eetriim han tikatiin. Hinin imoormiyaan Ubaabaay geebwa Wꞌoorooh, Yasuuꞌaab Umasiihi geebwa ikatiin.4Hinin tifirhaateen timmiimaat nikwasiyi jillaay, teen teena bareekna beeti nikatib.5Toon tudiigwat Yasuuꞌii nimaasiw aree oontꞌa dehookna hadiidnay. Ukwaasana nuuru, aree bariiyooh thibin iyadneena kiihaay.6Ukwaasana nimooraam diit laakiin thibniib saknayeek, aflaay gwisir hadiidnay, aree usidkii kashagaamna.7Laakiin unuuriib saknayeek, baruuh unuuriib eefiyeet toonaatiit, hinin taktaki geeb moormiib nikati, aree Wꞌooruuh Yasuuꞌiib uubooy kastooh tumaagnaaytii isinhiis hoon.8Hinin maagnaayt kinbari niyadeek, ishuukeen neetil, aree uusdik hoon kiihaay.9Laakiin timaagnayteen Ukwaasanaay dehaay nitfadhiidheek, baruuh sidkiibu aree aadilu aree timaagnayteen afooyi hoon indi. Aree kassooh wꞌamaag saktii isinhiis hoon.10Maagnayt dꞌiyaab kinki niyadeek, Ukwaasana nisgweesiir aree tukalmaatuuh tehooyteeyoon mhiin kitbari.
The Seed Company