Huꞌmau panaꞌamofihi bagaꞌa leꞌmo babahi higo ka lamanaꞌa lu limiꞌehina
1Huꞌmau ai koyapaꞌi mono ka loliꞌali bo enabaga leꞌmo babahi hu epalago enali enigiko enagakomagihi kaꞌa fato fatoꞌmofihi kapoꞌa fato fatoꞌmofihi lu epite biba biba hiꞌahana.2To kanaꞌa su halubeꞌmu nohinogo yaꞌma kana yatai panaꞌamofihi bagaꞌa leꞌmo babahi higo ai ka legeyaꞌa lu huto huto lu limiꞌehina. Panaꞌa ai asaga melugu nasanamofihi afoꞌafu lolo huto minalibe luto lu etoꞌehina bomofihi ai yanuguko mololago yamofihi silaga nasana huto huꞌehina.3Huꞌmamofihi fana mehaꞌamofihi sekele mamuꞌa hiti fulunaꞌa aitoga fi besa loꞌehinamo niꞌibe. To Huꞌmau minoto lito huꞌehinamofihi legege huꞌehinamofihi aitoga niꞌina yanamofihi amuyaꞌalo molo kehelito lulata nohina kagaꞌa yauba melugu kokulumagu anaꞌina silagaꞌi leꞌmo hetofa hulata nohibe. Aiꞌa yaꞌma foipanati nokala hu letolata nohina foyaꞌa li su hoto ifoga gihiti bo amuyaꞌa hiti enebe ligiꞌehina bo Huꞌma ai nohinalo lamagaꞌaga buto mino moloto minoꞌehina yabe.Panaꞌauba agelo enebe ligiꞌehinamofihi kaꞌa
4Ai buto minoto agelo enebe ligi su hoꞌehina yamofihi legegeto yaꞌma Huꞌmau emiꞌehina giꞌauba agelomagihi enigiꞌani be ligito tigo minoꞌehina giꞌa liꞌehina.5Ya huꞌehinaꞌmu Huꞌmau ka mone panaꞌa luꞌehina yaꞌma agelo moneꞌmofihi ma luto kaga lu emiꞌehinamo meniꞌigo panaꞌa aisigo kumu ma luto lu emiꞌehinaya fayahi keyeꞌahana:Kai yaꞌma panaꞌni nohatagihe.Naniꞌni yaꞌma yataꞌisikeleꞌmo huto huꞌohube.To agelo moneꞌmofihi ma luto meemiꞌehina:Nani yaꞌma afoꞌafita lolo hutonohunagihe.To ai yaꞌma panaꞌni lolo huto minalibe.6Mone yaꞌma minoto kohe toto panaꞌa ho lifinogo melugu limilubeꞌmu nohigo panaꞌamofihi kagaꞌa ma luto luꞌehina:Huꞌmamofihi agelo bonaꞌa enali asagaꞌilipi emite foke ka li emilabe.7To Huꞌmau agelo bonaꞌmagi kumu ma luto luꞌehinamo niꞌibe:Huꞌmau ligoai agelo bonaꞌmagihi babeyafaloli gelehe higoyasi enemehi lolo hite nehabe.To ageloꞌayaꞌma koko panaꞌamagihi enemehili gelehe higologo guluya mepofihi enemehi litelolo hite nehabe.8To ya huꞌehinaya panaꞌamu yaꞌma ma luto luꞌehinamo fayahi keyeꞌahanamo niꞌibe:Oho, Huꞌmao. Kai kefa hisa amuyaꞌa hitiyaꞌma minomo buto minalinaꞌmu yabe.To enali amuyaꞌamofihi fatusaꞌalito minotoenali foya hapaꞌalo leꞌmo fotogo hutokaba hulata nohane.9ai yaꞌma lamana kamofihikibita hulata nohibe.To anaꞌina foipanamofi kumufatehi lolo hu etolata nohane.Ya huꞌehinaꞌmuHuꞌmau, afokafu, keleꞌmo ho tiꞌehinagito gelo biseꞌnamofihikimiꞌehinauba kalalukafihienebe ligiꞌehigohofa toseꞌnaka sipi huto huꞌehinagihe.10Moneꞌya Huꞌmau ma luto luꞌehina niꞌibe:Sipi Bo, kai koyapaꞌi liliꞌna kanaꞌaguasagaꞌi yataꞌa meꞌi hitianagu neminana hiti lolo huꞌahata.To kokuluma hiti anagu neminana hitikayahakatu lolo hu etolata nohane.11Meꞌmo hiti kokuluma hitiasaga anaꞌinaꞌmu faꞌmene minetealipo fenene hilanaꞌmu yabe.Aku kaika mino amuya molotominalubeꞌmu hane.Enali yaꞌma i kololo bilata guketeya suhi lolo hite minetetafa laluneꞌmu habe.12I kololo bilata guketeya suhi lolo hite nehinogokaika yaꞌma gololo tiꞌahanamofihili kakito molotokosabaꞌna li lolo hilubeꞌmu hane.Kaika nohatanamofihi ana suko hutotafa melose minalubeꞌmu hane.To kufu kanaka yaꞌma mino lito butomeleꞌisi su mehalinaꞌmu yabe.13Huꞌmau aiꞌa panaꞌamofihi lu emiꞌehina kaꞌa yaꞌma agelo moneꞌi ai yaꞌma luto lu emilinaꞌa meniꞌibe:Kai otolamagaꞌniga mino lito buto nohitogofatehaka eneleꞌmo tulu hinogokigigusaꞌaluga minalanaꞌmu yabe.14Ya luto agelomagihi lu meepiꞌehinamo niꞌibe. Agelo silagaꞌi enali mehaꞌa hiti Huꞌmamofihi kele keleꞌa nehanaya bonaꞌi enubuto bilatanamagihi eneheꞌmete eneleꞌmo bati hilabe luto Huꞌmau enoho nolifibe.