Taitasi1
1Mo Pauro ie nedi peba titi owera ro mo ro nisioidiro Taitasi oro aboto. Godi edi woko ro mo ro wisa tato se nemesioidirotiti, ibose mo Iesu Keriso ro kotiodorai dubu e. Mabu Godi ro urubia keba se ta-gihodowa nou kowasoro urubia to ararasoro ri. Ina mo ro nedi woko ro nou ri nisioidiro nou urubia kimibiria pupuwo kiwaititi aboto, ibose neio ro morobise tuputupu tanaro isioidiro ri.2Neio umoro kiamo modobo ie ibo neio Godi mutu womu tato womu tato aise ama-irowomidiro-ri. Nou ro duriomoro ido to gosioidiro, tauo keba se nedi owera ro nou ro nou gasaubiai-ro. Godi karasaubuti owera karo pua, nou ro morobise owera karo ie.3Ina noudo ie Godi ro nedi tau ro nou gohodowa, nou ro mea owera Iesu sapuwo to urubia aboto nato gowapotai-ro. Nou ro nedi tanaro ro na-gosioidiro taie mo woko nou ro aise nomia-ro, urubia mea owera imowauti ri Iesu sapuwo to. Nimo kiapopo dubu Godi mo nou ro nemowapotai-ro nedi woko ro osioidiro ri.4Taitasi oro mo ia morobise mere to napoi, nedi peba titi owera ro oro ia aboto nisioidiro. Neitiro atu se kimibiria maumo ato kaupoti ie.
Wisa tato kiwarebai, miro mutu Abera Godi nimo kiapopo dubu Iesu mutu, neitiro aboudo ie.
Neio edi merebusere ro modobo ie kimibiria merebusere to kararasoro. Nedi merebusere ro modobo pua siripo tanaro kisioidiro, ibose mamio abeamio owera kirowidiro tato korowomidiro.7Mabu Iesu urubia kemeauri urubia Godi edi woko ro neio aboto gaiwai-ro neio ro mea se emesioidiro ri, ina neio modobo ie ubauba tato se korowomidiro.
Neio modobo pua keremowabu, ibose arua urubia ro kimowauti owera ubi tato to kiasoro, neio modobo pua serawo samo to koititi, ibose neio modobo pua auna kidio urubia to kararasoro, neio modobo pua karaberemo, ina neio ro modobo pua arua urubia kisaubuti mani piro to kimade.8Kaupoti nedi urubia ro modobo ie apira urubia kiworohuti. Idaibo urubia neio auna ubi ie meamea tanaro se kisioidiro. Neio ro sirio tanaro kisioidiro maumo ato, durupi aise kimododidiro modobo ie. Neio modobo ie Godi sosoro gabo ato tuputupu urubia to kararasoro. Neio modobo ie pokiri iopu tato se korowomidiro, ibose neio keremiro mea mino to kiwaboi.9Mo iana owera ibo ie Iesu urubia kemeauri urubia neio modobo ie koko se kirarebidiro morobise kitamudiro aboudo. Neio neitiro ro beda sosoro nitamudiro-rido, nedi kitamudiro ro nou se ba-dibodoro-mo. Mabu nedi kemeauri urubia ro kimibiria urubia ie, neio ro pupuwo modobo ato amadimi-imowaititi-ri. Ina beda urubia ro ebeiouti-dumo nedi mea kitamudiro owera ro, neio modobo ie Iesu urubia kemeauri urubia ro paea se kituputiwado.
Wisa tato kiwarebai, miro mutu Abera Godi nimo kiapopo dubu Iesu mutu, neitiro aboudo ie.
Iesu urubia etio ro emeauri-dumo neio sapuwo to ie
5Taitasi oro Kiriti Ura ato nou ri nemeserai mabu mo ro auna woko ta-nimeserai iporeawado tato, oro ro nou ba-dimododiawado. Oro ro urubia sabowa gabogabo ato ba-diaubo Iesu urubia kemeauri urubia to ararasoro na. Oro mo ro keba se beda owera to nemowautiti nou se ba-disioidiro.6Iesu urubia kemeauri urubia neio modobo ie ata ubauba tato korowomidiro. Ibose neio modobo ie erere se simara ia orobo mutu komidiro.Neio edi merebusere ro modobo ie kimibiria merebusere to kararasoro. Nedi merebusere ro modobo pua siripo tanaro kisioidiro, ibose mamio abeamio owera kirowidiro tato korowomidiro.7Mabu Iesu urubia kemeauri urubia Godi edi woko ro neio aboto gaiwai-ro neio ro mea se emesioidiro ri, ina neio modobo ie ubauba tato se korowomidiro.
Neio modobo pua keremowabu, ibose arua urubia ro kimowauti owera ubi tato to kiasoro, neio modobo pua serawo samo to koititi, ibose neio modobo pua auna kidio urubia to kararasoro, neio modobo pua karaberemo, ina neio ro modobo pua arua urubia kisaubuti mani piro to kimade.8Kaupoti nedi urubia ro modobo ie apira urubia kiworohuti. Idaibo urubia neio auna ubi ie meamea tanaro se kisioidiro. Neio ro sirio tanaro kisioidiro maumo ato, durupi aise kimododidiro modobo ie. Neio modobo ie Godi sosoro gabo ato tuputupu urubia to kararasoro. Neio modobo ie pokiri iopu tato se korowomidiro, ibose neio keremiro mea mino to kiwaboi.9Mo iana owera ibo ie Iesu urubia kemeauri urubia neio modobo ie koko se kirarebidiro morobise kitamudiro aboudo. Neio neitiro ro beda sosoro nitamudiro-rido, nedi kitamudiro ro nou se ba-dibodoro-mo. Mabu nedi kemeauri urubia ro kimibiria urubia ie, neio ro pupuwo modobo ato amadimi-imowaititi-ri. Ina beda urubia ro ebeiouti-dumo nedi mea kitamudiro owera ro, neio modobo ie Iesu urubia kemeauri urubia ro paea se kituputiwado.