Owera kobodorouti8
1Taie Sauro ro ubi to gomidai Sitibini na-gopia-rimo. Ina arua meamea kimibiria urubia Sitibini edi pamo durupi ro idobi mutu gowou-rimo bobo to iato gedea-rimo. Kimibiria urubia a-iadotiti-mo
Iedi atu saiki ro nato Ierusarema sabowa ato kimibiria urubia kiado neido garatamuai. Arua kimibiria urubia neio ioudo aise gorowadaudiro Iudia duriomoro to, arua Samaria duriomoro to. Iesu edi kitiodorai urubia ro neio ro se gorowomidiro Ierusarema sabowa ato.3Sauro ro kimibiria urubia aboto ubauba kisioidiro neido gatamuai. Nou moto gabogabo na-godouti kimibiria urubia iato na-gorowomidiro, upi dubu nou ro ioudo aise giwosuwoduti-ro taie dibura to imese giaremo.
Taie Epioupia dubu ro koroho nakomu aise gairio Piripi nou ro iato garamairiai-ro taie nou abato aise gomi.32Epioupia dubu ro nedi owera ro Tarena Buka rido nou gioputi.
Sipisipi batina beda sosoro kowou ra opia ri nu ibo gowou-rimo. Ina sipisipi dawade beda sosoro kirahumai ra owera tato sobo kowasio ato nu idaibo sosoro gotoi.33Urubia ro nu siripo gowai-rimo ina neio ro nu ubauba se goworohuti-rimo. Kaupoti nou aise gimaria nou iato na-gopia-rimo keremiro iato aise gemasiai-rimo.
Ata mere ata nou ro arasomai pua nou masiro ararasoro na, nou keremiro iato aise goroporeai nedi duriomoro ro nato.34Epioupia dubu ro ibo, ‘Nedio owera ro na-iamo Aisaia ia simara sapuwo to a-iamo ra? O ata dubu sapuwo to a-iamo ra? Ina nu maumo beda sosoro ra?’35Taie nedi owera ro Piripi ro neido gatamuai nou kemowauti mea owera Iesu sapuwo to, iato nou ro aise gimibiria.36Neitiro gabo ato na-gou-rido neido girarowea-rido obo paruo na-gomidiro-ro. Epioupia dubu ro ibo, ‘Obo tomidiro-die daio, mo nedi tau ro nato kowarumia modobo ra obo to?’38Taie koroho nakomu nou ro iato aise gairio, neitiro imese giodori-ma obo to. Edi Epioupia dubu ro obo to iato gowarumia,39ioudo na-gidiai-rido Piripi nato potoro se gowea, Tarena Urio ro Piripi neido goupiriai Asota sabowa to gimeihai. Iedi Epioupia dubu ro nou ro Piripi ina owea pua. Nou imese gorowameai auna kamade mutu.40Kaupoti Piripi nou Asota sabowa to ito na-gimeihai, Iesu sapuwo to ina mea owera urubia iato gimowauti. Ibose nou ta-gadoro-ro Asota sabowa rido sabowa gabogabo urubia na-gorowomidiro nou ro iato gimowauti mea owera Iesu sapuwo to, womu tato Siseria sabowa to ti-gorowateai-ro.
Iedi atu saiki ro nato Ierusarema sabowa ato kimibiria urubia kiado neido garatamuai. Arua kimibiria urubia neio ioudo aise gorowadaudiro Iudia duriomoro to, arua Samaria duriomoro to. Iesu edi kitiodorai urubia ro neio ro se gorowomidiro Ierusarema sabowa ato.3Sauro ro kimibiria urubia aboto ubauba kisioidiro neido gatamuai. Nou moto gabogabo na-godouti kimibiria urubia iato na-gorowomidiro, upi dubu nou ro ioudo aise giwosuwoduti-ro taie dibura to imese giaremo.
Piripi gimowauti mea owera Iesu sapuwo to Samaria duriomoro ato
4Kimibiria urubia sabowa gabogabo to etio ro gororoburutai-rimo, neio ro Iesu sapuwo to mea owera nato gobodorouti-rimo.5Ina Piripi Samaria sabowa to na-godori-ro, nou ro urubia sirio mea owera Godi ro kohodowa dubu nou sapuwo to iato gimowauti.6Ina urubia sirio ro Piripi owera na-gemewidiro-rimo nou ro edi pupuwo korosa tanaro ro na-gisioidiro neio auna ia ubi ro giamo nou owera gare kemedea.7Taie urubia etio ra ubauba urio ro na-giworohuti-rimo, nou ro nato aise gimabodoidiro, edio ubauba urio ro neio iamo mutu gorowosuwoduti-rimo. Ina sairo ubauba urubia, idaro togiri urubia ta-giworoho-rimo, Piripi ro meana aise giwaititi.8Urubia ro na-giauri-rimo edi tanaro ro Piripi ro na-gisioidiro, auna kamade ro gereredea iedi sabowa ro nato.9Ina Piripi ido gou ito Samaria sabowa to, ata pakani dubu nou masiro Saimoni iato ta-imidirotiti, ina urubia auna ia kimaragoidiro ro iwatititi nou aboto. Saimoni auna keremowabu dubu e, nou ibo iarotiti, ‘Mo gebari pere ie.’ Iato erere urubia ro Saimoni owera na-gemewidiro-rimo, neio ro ibo ‘Nedi dubu ro Godi edi pupuwo ro nou ro toworohutititi. Nou masiro Auna Pupuwo Dubu’.11Saimoni ro edi pakani tanaro ro na-isioidirotiti, urubia sirio nou ro kimaragoidiro siriosirio imowaititi, ina nu neio ro aise obodorotiti-mo.12Kaupoti Piripi ro urubia na-gimowauti Godi ro kiwaboi tanaro beda sosoro ra, ibose ie Iesu Keriso edi pupuwo korosa ro nou sapuwo to, imese sirio urubia aise gimibiria-rimo. Taie iedi urubia sirio ro upi dubu nou ro obo to aise giwarumiauti.13Edi pakani dubu ro Saimoni nou ibose ta-gimibiria, Piripi ro nou obo to ta-gowarumia. Piripi ro edi pupuwo korosa tanaro ro na-gisioidiro Saimoni auna kimaragoidiro ro gowati, nou Piripi abato aupise gateidiro.14Edi 12 kitiodorai urubia ro Ierusarema sabowa ato na-gorowomidiro, neio ro na-girorowai-rimo ibo Samaria urubia ta-gimibiria-dumo Godi edi mea owera ro, neio ro Pita ra Ioane ra se gimeiriai-marimo Samaria sabowa to.15Neitiro ito na-gorowateai-rido, kimibiria urubia na-giwia-rido, neitiro ro Godi aboto iato gararatoro-rido Tarena Urio neio aboto emeiriai ri.16Nedi urubia ro obo to ta-giwarumiauti Piripi ro, neio Abera Naramu Iesu urubia to orowomidiro rie. Kaupoti Tarena Urio neio aboto tau se ateai pua.17Iato Pita ra Ioane ra na-gou-rido, tu iato gitomo-rido urubia eputa ato, iedi tau ro nato Tarena Urio neio aboto nato gateai-ro.18Iedi pakani dubu ro Saimoni nou ro na-gowea edi tanaro ro, Iesu ro kitiodorai-ma dubu teibo nou ro mani egea se gimia-ma.19Nou ro iato gutura neitiro aboto ibo, ‘Mo ibose ubi ie nitiro ro nedi pupuwo korosa tanaro ro komia. Ina mo ro urubia idaibo sosoro anama-iwaseidiro-ri Tarena Urio neio aboto nato amadi-ate-ri.’20Pita ro ibo, ‘Idaibo tanaro kisioidiro pua! Tarena Urio Godi ro wisa tato emeiriotiti-die. Oro ibo a-imaragoidiro ra Tarena Urio mani to omidai ri? Gabo tato ia ie! Oro mani mutu Godi ro ba-mipisiamuti-ma!21Oro modobo pua neitiro aboto karadabuai nedi woko ro nou kosioidiro aboto. Mabu oro niro turi imese moro ato owamo-die,22oro modobo ie kerewesegerai mea mino to, nedi ubauba tanaro ro ba-demeserai, ina Abera Naramu aboto ba-dararatoro. Etu umoro ra oro ubauba nou ro ama-ematopeamuti-ri.23Mo umoro ie, oro ta-neibimai serawo kimaragoidiro tiamo oro abato. Oro ubauba ohu ato omidiro.’24Saimoni ro ibo, ‘Nitiro teibo mo sapuwo to Abera Naramu kararatoro modobo ie. Modobo pua idaibo tanaro mo aboto kororosioidiro.’25Pita ra Ioane ra urubia na-gimowauti-rido Abera Naramu sapuwo to neitiro ro simara idomari to Iesu ta-giauri-rido nou ro etou tanaro na-isioidirotiti taie, neitiro imese gorowameai-rido Ierusarema sabowa to, ipi gabo ato beda sabowa ro giamo neitiro ro mea owera Iesu sapuwo to Samaria urubia iato gimowauti-rido.Piripi ro Epioupia gabamani dubu gatamudiro
26Piripi Samaria duriomoro ato na-gomidiro Godi sowake urio ro ibo Piripi aboto, ‘Ba-dohau nigori boido aro-die, gabo Ierusarema sabowa rido torobu-die Gasa sabowa to.’ Urubia iato irowomidirotiti pua edi gabo ro goto se duriomoro ato owamo.27Taie iedi owera ro nou ro na-girorowai, ioudo aise gaimai-ro. Neido na-gou ipi gabo ato urubia dubu isana ioudo a-gou-ro, Ierusarema sabowa rido Godi kemowabu aboudo gorowameai-ro. Nou Epioupia dubu e, Epioupia duriomoro ato nou eputa orobo masiro Kanadake, mani nou ro emeaurititi. Nedi dubu ro goto ato koroho nakomu woiri teibo mutu gabo ato gou-ro, nou ohu ato gomidiro. Nou na-gou-ro gabo ato, Godi ipusu owera dubu Aisaia odio Tarena Buka ro noudo geremoputi.29Tarena Urio ro ibo Piripi aboto, ‘Iedi koroho nakomu ro demarario nou aboto ba-daradabuai, atu se ba-dou-do.’30Piripi na-girario koroho nakomu gomo to, nou ro neido girorowai nedi dubu ro Aisaia buka rido gioputi. Nou ro ibo, ‘Oro ro edi Tarena Buka ro na-eremoputi maumo a-womidai ra?’31Taie Epioupia dubu ro ibo, ‘Mo ro mea se beda sosoro anama-omidai-ri? Modobo ie ata mo abato komidiro buka maumo nou ro amadi-owawea-ri.’Taie Epioupia dubu ro koroho nakomu aise gairio Piripi nou ro iato garamairiai-ro taie nou abato aise gomi.32Epioupia dubu ro nedi owera ro Tarena Buka rido nou gioputi.
Sipisipi batina beda sosoro kowou ra opia ri nu ibo gowou-rimo. Ina sipisipi dawade beda sosoro kirahumai ra owera tato sobo kowasio ato nu idaibo sosoro gotoi.33Urubia ro nu siripo gowai-rimo ina neio ro nu ubauba se goworohuti-rimo. Kaupoti nou aise gimaria nou iato na-gopia-rimo keremiro iato aise gemasiai-rimo.
Ata mere ata nou ro arasomai pua nou masiro ararasoro na, nou keremiro iato aise goroporeai nedi duriomoro ro nato.34Epioupia dubu ro ibo, ‘Nedio owera ro na-iamo Aisaia ia simara sapuwo to a-iamo ra? O ata dubu sapuwo to a-iamo ra? Ina nu maumo beda sosoro ra?’35Taie nedi owera ro Piripi ro neido gatamuai nou kemowauti mea owera Iesu sapuwo to, iato nou ro aise gimibiria.36Neitiro gabo ato na-gou-rido neido girarowea-rido obo paruo na-gomidiro-ro. Epioupia dubu ro ibo, ‘Obo tomidiro-die daio, mo nedi tau ro nato kowarumia modobo ra obo to?’38Taie koroho nakomu nou ro iato aise gairio, neitiro imese giodori-ma obo to. Edi Epioupia dubu ro obo to iato gowarumia,39ioudo na-gidiai-rido Piripi nato potoro se gowea, Tarena Urio ro Piripi neido goupiriai Asota sabowa to gimeihai. Iedi Epioupia dubu ro nou ro Piripi ina owea pua. Nou imese gorowameai auna kamade mutu.40Kaupoti Piripi nou Asota sabowa to ito na-gimeihai, Iesu sapuwo to ina mea owera urubia iato gimowauti. Ibose nou ta-gadoro-ro Asota sabowa rido sabowa gabogabo urubia na-gorowomidiro nou ro iato gimowauti mea owera Iesu sapuwo to, womu tato Siseria sabowa to ti-gorowateai-ro.