Read Yoobu 27

Yoobu27bba_sim

¹Yoobu u kpɑm win ɡɑri ɡerubu toruɑ u nɛɛ,²nɑ bɔ̃rumɔ nɑ mɔ̀,sere kɑ Yinni Dɑm kpuroɡiin wɑ̃ɑru,wi, wi u yinɑ u mɑn nɛn ɡem wɛ̃,mɑ u mɑn nuku sɑnkirɑnu sosiɑmmɛ,³ù n ɡesi derɑ nɑ wɑ̃ɑ nɑ wɛ̃siɑmɔ,⁴nɑ ǹ weesu mɔ̀.⁵Gusunɔ u mɑn bere n kɑ bɛɛ ɡem wɛ̃.Sere kɑ nɛn ɡɔɔn tɔ̃rɔ, ko nɑ n mɔ̀wɑ nɑ dɛɛre.⁶Nɑ yɔ̃rɑriwɑ mɑ nɛn dɑɑ yɑ wɑ̃.Nɛn ɡɔ̃ru ɡɑ ǹ mɑn tɑɑrɛ wɛ̃ɛre nɛn wɑ̃ɑrun tɔ̃ru ɡɑru sɔɔ.

⁷Gusunɔ u de tɔn kɔ̃son kɔkɔrɔyu nɛn yibɛrɛbɑ deemɑ,be, be bɑ mɑn seesimɔ mi.⁸Sɑnɑm mɛ Gusunɔ u tɔn kɔ̃son wɑ̃ɑru wunɑ,yĩiyɔ birɑ̀ bu mɑɑ nùn tie.⁹Gusunɔ u koo nùn swɑɑ dɑkisɑnɑm mɛ nɔni swɑ̃ɑrɑ nùn deemɑ?¹⁰I tɑmɑɑ u ko n win nuku dobu kɑsu Gusunɔ Dɑm kpuroɡiin mi?I tɑmɑɑ u koo Gusunɔ kɑnɑ sɑɑ kpuro?¹¹Kon bɛɛ Gusunɔn dɑm ɡɑri sɔ̃wɑ.Nɑ ǹ bɛɛ win himbɑ beruɑmmɛ.¹²Bɛɛ kpuro i wɑ nɡe mɛ u sɑ̃ɑ.Mbɑn sɔ̃nɑ i ɡɑri ɡerumɔ yi yi ǹ ɑsɑnsi mɔ.

Tɔn kɔ̃son doo nɔɔrɑ kun tɛɛmɔ

¹³Wee ye Gusunɔ Dɑm kpuroɡii u tɔn kɔ̃so yiiye.¹⁴Bɑ̀ n bibu mɑrɑ bɑ dɑbi, bɑ koo ɡbiwɑ tɑbu sɔɔ.Ben bibu bɑ ǹ dĩɑnu wɑsi bu di bɑ n kɑ wɑ̃ɑ.¹⁵Bɑrɑrɑ tɑ koo ben bwese te tɑ tie suɑ.Ben ɡɔminibu bɑ ǹ kpɛ̃ bu bu swĩiyɑ.¹⁶Bɑɑ bɑ̀ n ɡobi wɑɑmɔ nɡe tuɑ,mɑ bɑ yɑ̃nu ɡurɑmɔ nɡe yɑnim,¹⁷ɡemɡiiwɑ u koo yɑ̃ɑ ni dendi,kpɑ u ɡobi yi di.

¹⁸Tɔn kɔ̃so ù n diru bɑnɑ tɑ ko n sɑ̃ɑwɑ nɡe nɑrin wɛ̃ɛ,ǹ kun mɛ nɡe kuu te kɔ̃so u kuɑ.¹⁹U koo ɡbiwɑ kɑ ɡobiɡiru.Adɑmɑ bɑ ǹ nùn sikumɔ kɑ ɡobi yi. U ǹ yi wɑsi ɡɔriɔ.²⁰Nɑndɑbɑ bu koo nùn deemɑ subɑru sɔɔ nɡe nim mɛ mu dɑru bɔ̃ɔ sɑrɑmɔ.Woo ɡunɑ yɑ koo kɑ nùn doonɑ wɔ̃kuru.²¹Sɔ̃ɔ yɑri yerun woowɑ ɡɑ rɑ nùn wuke sɑɑ win wɑ̃ɑ yerun diɡu kɑ dɑ sere mi n tomɑ.²²Gusunɔ u ko n nùn tweemɔwɑ kɑ wɔnwɔndu sɑriru.Kpɑ u dukɑ yɑkurɑ u wɑ u kɑ sɛ̃ɛ ni suuri.²³Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀,kpɑ bu nùn wiɑ koosi sɑɑ ye u doonɔ.

Yoobu 27 / bba_sim

Tɔn kɔ̃son doo nɔɔrɑ kun tɛɛmɔ

Bwisi

Yoobu27bba_sim