Yoobu20bba_sim
1Sofɑɑ Nɑɑmɑɡii u Yoobu sɔ̃ɔwɑ u nɛɛ,2wee nɛn bwisikunu derɑ nɑ burisinɛ.Yen sɔ̃nɑ nɑ sɛnde n kɑ nun wisi.3Nɑ wunɛn ɡerusibu nuɑ, bi bu mɑn duɑ too.Adɑmɑ nɛn bwisi koo de n nun wisi.4Sɑɑ mìn di bɑ tɔnu tɑkɑ kuɑ,5ɑ ǹ yɛ̃ mɑ kɔ̃sɑn kowon nɑsɑrɑ ku rɑ tɛ?Mɛyɑ mɑɑ win nuku dobu kun tɛɛmɔ.6Bɑɑ ù n kpɑ̃ u wɔllu bɑbɑmɔ,ǹ kun mɛ u ɡuru winu dɛkɑmɔ,7u koo kɑm kowɑ nɡe swɑɑ swĩi bi tɔnu u kuɑ.Be bɑ rɑɑ nùn wɑɑmɔ, bɑ koo nɛɛ, mɑnɑ u wɑ̃ɑ.8Bɑ koo nùn duɑriwɑ nɡe dosu.U koo doonɑwɑ nɡe wɔ̃kurun kɑ̃siru.9Be bɑ rɑɑ nùn wɑɑmɔ, bɑ ǹ mɑɑ nùn wɑsi.Mi u rɑɑ wɑ̃ɑ bɑ ǹ mɑɑ nùn wɑsi mi.10Sɑ̃ɑrobu bɑ koo win bibu wɔri.Nɡe mɛyɑ u koo kɑ bu wesiɑ ye u rɑɑ bu mwɑɑri kɑ dɑm.11U dɑm mɔ, mɑ u sɑ̃ɑ nɡe ɑluwɑɑsi.Adɑmɑ u koo kɑ ye kpuro kpunɑwɑ sikirɔ.12Kɔ̃sɑ rɑ n dowɑ win nɔɔ sɔɔ,kpɑ u n ye bɛri win yɑrɑɔ,13yɑ n ɡirɑri sere win dɑroɔ.U ku rɑ n kĩ u ye deri.14Adɑmɑ yɑ koo de win dĩɑnu nu sosiɑ win nukurɔ,kpɑ nu ɡɔsiɑ nɡe wɑɑ dɛ̃ɛ.15Gɑbun dukiɑ ye u mwɛɛ, u koo ye siɑ.Gusunɔwɑ u koo ye yɑrɑ win nukurun di.16Ye u koo nɔ, yɑ ko n sɑ̃ɑwɑ nɡe wɑɑ dɛ̃ɛ,kpɑ yu nùn ɡo.17U kun tɑmɑɑ tim kɑ bommu koo nùn kokuɑ nɡe nim torɑ.18U koo win dukiɑ wesiɑ ye u wɑ mi.U ǹ mɑɑ yen ɑrufɑɑni dimɔ.19Domi u sɑ̃ɑrobu dɑm dɔre.Mɑ u ben yɛnusu mwɛɛrɑ, u ǹ wiɡuu bɑnɛ.20Win bɔsɔnu ku rɑ yibu.Adɑmɑ bɑɑ ye u kĩru bo, u ǹ kpɛ̃ u ye tii yiiyɑ.21Gɑ̃ɑnu sɑri ni u ǹ tii koosi.Adɑmɑ win dukiɑ yɑ ǹ tɛɛmɔ.22Bɑɑ ù n ye mɔ yɑ kpɑ̃, u ko n nuki sɑnkirewɑ.Sɑ̃ɑru tɑ koo nùn wɔriwɑ.23Wee sɑnɑm mɛ u win nukuru yibiɑmɔ,Gusunɔ u koo nùn wɔri kɑ mɔru bɑkɑ.Kpɑ u de sɛ̃ɛnu nu nùn wisi nɡe ɡurɑ.24Bɑɑ ù n tɑbu yɑ̃ɑ sisuɡinu dukɑ suurimɔ,bɑ koo nùn twee kɑ sii ɡɑndun tɛndu.25Bɑɑ ù n sɛ̃u teu wunɑ win wɑsin di,ǹ kun mɛ ù n yɑɑsɑ wukɑ win woo sɔndun di,ɡɔɔn bɛrum koo nùn surɑ.26Asɔrɔ yɑ koo win dukiɑ deemɑ.Kpɑ dɔ̃ɔ wi tɔnun bii kun sɔ̃ruɑ u nùn mwɑ,wi kɑ win yɑ̃nu.27Wɔllu tɑ koo win durum sɔ̃ɔsi,kpɑ tem mu nùn seesi.28Win dirun ɑrumɑni kpuro koo kɑm koYinni Gusunɔn mɔrun tɔ̃ru sɔɔ.29Yeniwɑ Yinni Gusunɔ u tɔn kɔ̃sobu yiiye.Yerɑ yɑ bu mɑrɑ siɑ.