Read Esɑi 24

Esɑi24bba_sim

¹Wee Yinni Gusunɔ u koo tem kpuro kpeerɑsiɑmu ko bɑnsu.U koo mɛn tɔmbu kpuro yɑrinɑsiɑ,²yɑ̃ku kowobu kɑ tɔn dirobu,yinnibu kɑ yobu,wi u dɔrɑmɔ kɑ wi u dwemɔ,wi u mɔ bɑ bɔkurɑmɔ kɑ wi u bɔkurɑmɔ,wìn dibu bɑ nɛni kɑ wi u dibu nɛni.³Bɑ koo tem kpuro wɔri,kpɑ bu mɛn yɑ̃nu ɡurɑ,kpɑ mu ko bɑnsu.Yinni Gusunɔwɑ u yeni ɡeruɑ.⁴
Tem mu koo ɡberɑ.Mu ǹ mɑɑ ɡɑ̃ɑnu kpiisiɑmɔ.Mɛn tɔmbu bɑ ko n wɑsikirɑmɔ bɑ n ɡɔɔ dɔɔ.Mɛn wiruɡibu bɑ ǹ ko n mɑɑ dɑm mɔ.⁵Domi mɛn tɔmbu bɑ mu disi doke,bɑ Yinni Gusunɔn woodɑbɑ kɑ win yiirebu yinɑ.Mɑ bɑ ɑrukɑwɑni nɔru sɑriɡiɑye u rɑɑ kɑ bu bɔkuɑ kusiɑ.⁶Yen sɔ̃nɑ bɔ̃ri yi koo tem mɛ di,kpɑ mɛn tɔmbu bu nɔni sɔ̃ɔrɑkɔ̃sɑ ye bɑ kuɑn sɔ̃.Bɑ koo bu kpeerɑsiɑ.Be bɑ koo tiɑrɑ bɑ ǹ ko n mɑɑ dɑbi.⁷Ben resɛm ɡbɑɑnu nu koo ɡberɑ,kpɑ ben tɑm durom mu kpe.Be bɑ rɑɑ nuku dobu mɔ̀,bɑ koo weeweenu ko.⁸Bɑ ǹ mɑɑ bɑrɑnu kɑ mɔrɔkunu soomɔ,ni bɑ rɑ kɑ nuku dobu ko.Nuku dobun kuuki yi koo kpe.⁹Bɑ ǹ mɑɑ tɑm nɔrumɔ bɑ n kɑ womusu koosimɔ.Tɑm bɔɔbɔm mu koo sosiɑ be bɑ mu nɔrumɔn mi.¹⁰Wuu ɡe, ɡɑ koo ko bɑnsu.Yɛnusu su ko n wɑ̃ɑ dirisu.Goo kun mɑɑ duɔ mi.¹¹Bɑ ko n weeweenu mɔ̀ swɛɛ sɔɔ,yèn sɔ̃ tɑm sɑri.Nuku dobu koo doonɑ ben tem di.¹²Wuu ɡe, ɡɑ ko n sɑ̃ɑwɑ bɑnsu,kpɑ ɡen duu yenu nu n wɔrukɑ,¹³kpɑ tɔmbu bɑ n kɔ̃ɔkire tiɑ tiɑ tem mɛ sɔɔ,nɡe dɑ̃ɑ bii ni nu tiɑrɑsɑnɑm mɛ bɑ dɑ̃ru sirɑ,ǹ kun mɛ nɡe resɛm ye bɑ kunɔnu mɔ̀.

Bɑ nuku dobu kuɑ kɑm

¹⁴Be Yinni Gusunɔ u koo deri bɑ n wɑsibɑ ko n kuuki mɔ̀ kɑ nuku dobu.Be bɑ wɑ̃ɑ sɔ̃ɔ duu yeru ɡiɑ,bɑ koo Yinni Gusunɔ tɔmɑ win kpɑ̃ɑrun sɔ̃,bɑ n mɔ̀,¹⁵bɛɛ be i wɑ̃ɑ sɔ̃ɔ yɑri yeru ɡiɑkɑ be bɑ wɑ̃ɑ nim wɔ̃kun ɡooru ɡiɑ,i Gusunɔ Isirelibɑn Yinni bɛɛrɛ wɛ̃ɛyɔ.¹⁶Sɑ ko nɔ bɑ womusu mɔ̀ bɑɑmɑhɑnduniɑn ɡoonu nnɛ sɔɔbɑ mɔ̀, i ɡemɡii bɛɛrɛ wɛ̃ɛyɔ.Adɑmɑ nɛ, kon nɔɔɡiru suɑ nɑ n mɔ̀,ɡberɑ mɑn di, nɑ kɑm kuɑ,domi yibɛrɛbɑ bɑ hɑniɑ mɔ̀ bɑ yɑ̃nu ɡurɑmɔ.¹⁷Bɛɛ tem mɛn tɔmbu i ko i bɛrum soorɑdomi bɑ bɛɛ yɛ̃ri kɑ suuri bɛrie,¹⁸wi u dukɑ mɔ̀ bɛrum sɔ̃,kpɑ u suurɑ wɔri.Wi u mɑɑ yɑriɔ suurɑn di,kpɑ u yinɑ mwɑɑrɑ.Domi ɡurɑ bɑkɑ koo kindɑmɑ wɔllun di.Kpɑ tem kpɛɛkpɛɛku ɡu diiri.¹⁹Tem mu koo yĩiri kpɑ mu beu ko,kpɑ mu bɛsikirɑ.²⁰Mu ko n bɑ̃ɑrimɔ nɡe tɑm nɔro,kpɑ mu n yĩirumɔ nɡe kuu te woo ɡɑ sweemɔ.Mɛn durum yɑ ko n mu buniɛ,kpɑ mu wɔrumɑ mu kpɑnɑ mu se.

Bɑnnun kpeeru

²¹Sɑɑ ye sɔɔ, Yinni Gusunɔ u koo kperi sɛɛyɑsiɑ wɔllɔ. U koo sinɑmbu sɛɛyɑsiɑ tem mini,²²kpɑ bu bu yoru mwɑ bu bu tɑɑsi wɔrusɔ nɡe pirisɔmbɑ. Sɔ̃ɔ dɑbi dɑbirun biru, kpɑ bu bu sɛɛyɑsiɑ.²³Sɔ̃ɔ kɑ suru bɑ koo sekuru wɑ.Gusunɔ, wɔllu kɑ tem Yinni,u ko n win bɑndu diiwɑ Siɔnin ɡuurɔ, Yerusɑlɛmuɔ,kpɑ win tɔmbun ɡuro ɡurobu bu win yiiko wɑ.

Esɑi 24 / bba_sim

Bɑ nuku dobu kuɑ kɑm

Bɑnnun kpeeru

Siɑrɑbun womu

Esɑi24bba_sim