1Wasina bi Hana ruparima iwona bo,“Tagu, Yawe God biidi avinuwamiise;Yagu maragata touna yavereveregu,bi iviyawiigu na iinuwamiise,noko kiiravine kagu aviya iinamayedi.2O Yawe God, getana iiyabo kabikabikuwayina ware tam naboni.Getana god mududi memeGetana miiribabara ware tam naboni, yama God.3Na anawona bo, ‘Yami kabigeegeeyana kokabitoura;yami noghota mayeyana sisiyidi tughuridi kotoura.Basuna Yawe God bera tupadi iyakowabi yami bera initupawamiwamiredi.’4Yawe God, tam aviya damdi yadi riwariwa kugiidi;bi wawaya noganogadi kukabi wiimaragasidi.5Iiyawogha roro simoura kirakiina, kata kam kiiravine sinabagibagi,bi gomagomaridi katana sakamkam kirakii.Wasike gagarina katana ivituwa da natunatuna sevenbi wasike wiituwa kirakiina na getana iiyabo da iyiwiiteni.6Tam rabobo kwiitubuyi bi yawa kwavereyana;Wawaya karawage kwatoredi bi kwakabiwiigeghomiiridi.7Yawe God, kwabera na wawaya mududi sagomara bi mududi samoura;kwabera na mududi kwatoreyowoyedi bi mududi kwatoregeeyedi.8Moyamoyakidi popokuma kwakabiwiimiiridibi wiikanighughuvidi yoghoma kwarukabepidida kiikiiwawo yawata samakebi kabikuwaya gawaridi sirapeneyana.Bi kubura tupana na tam Yawe God rapemve;bi bera tupadi kadi gaware kutoredi.9Yam wawaya kabikabikuwayidi kwiitarababaranedi,bi wawaya wiikawakeekeedi wiididibara kuburine sanagho.Wawaya gemeyani yadi maragatama kadi aviya sinageeiwayidina10Kam aviya kwakasiwiiberodi,yam nuwapughu abamama inaguguri na ware warikeyakeya naboni toudi biiyadiYawe God, tam kubura tupana kunitupawamiwamirenibi yam kiiwawo kunakabiwiimaragasi,bi yam wiivinevinegha kiiwawona maragata kunavereni.”11Bi Elkana yana wawaya yawata siveramagha yadi bareye Rama kwanatune, bi Samwel, Sailo kwanatune imakae da Yawe God ibagibagiyeni bi Eli touna prist yana wiibadana rogune. Raghanina Samwel ivimagura na iyiwiita da God yana bare kamone iyabagibagi. Bi God da wawaya na Samwel siyakabikabigeegeeyena kirakiiyeni. Bi Eli natunatuna yadi bata na toudi prist kawakekedi. Na Yawe God, peroveta tana idaru inagho Eli biidi bi iyawoneni da bera beroberodima natunatuna gegha iyitarababaranedi, na Yawe God inageghomiiri da Eli natunatuna yadi bata tomotomogha gabudarina tanagha inikasunughana. Bi noko murine na Eli natunatuna tupadi woudiye sinarabobo.