পৰমগীত2asm_irv
প্রিয়াৰ কথা:
1মই যেন চাৰোণৰ এটি গোলাপ, উপত্যকাৰ এটি লিলি ফুল। প্রিয়ৰ কথা:2কাঁইটবোৰৰ মাজত লিলিফুল এটি যেনেছোৱালীবোৰৰ মাজত মোৰ প্রিয়া তেনে। প্রিয়াৰ কথা:3বননিৰ গছবোৰৰ মাজত সুমথিৰা টেঙাৰ গছ যেনে,যুৱকসকলৰ মাজত মোৰ প্ৰিয় তেনে।মই তেওঁৰ ছাঁয়াত বহি আনন্দ পাওঁ,মোৰ মুখত তাৰ ফল মিঠা লাগে।4তেওঁ মোক ভোজৰ ঘৰলৈ লৈ গ’ল,আৰু প্রেমেই হ’ল মোৰওপৰত তেওঁৰ নিচান।5কিচমিচৰ পিঠাৰে মোক শক্তিশালী কৰা,আৰু সুমথিৰা টেঙাৰে মোৰ প্ৰাণ জুৰুউৱা;কিয়নো প্ৰেমতে মই দুর্বল হৈছোঁ।6মোৰ মূৰৰ তলত তেওঁৰ বাওঁহাত আছে,আৰু তেওঁৰ সোঁহাতে মোক আকোঁৱালি ধৰিছে।7হে যিৰূচালেমৰ যুৱতীসকল,কৃষ্ণসাৰ আৰু পথাৰৰ হৰিণবোৰৰ নামেৰে মোৰ ওচৰত প্রতিশ্রুতি দিয়া,আমাৰ প্ৰেমৰ সময় শেষ নোহোৱালৈকেতোমালোকে আমাৰ ভালপোৱাত বিঘিনি নিদিবা।