Basahin ang Ishipa i Sulemanu 6

Ishipa i Sulemanu6

¹Te ɗai Macigi ma̱ nu ma banai,avu mekere ma na ma laꞋi ntsuloboi a̱ ka̱tsuma̱ ka̱ a̱ma̱ci?Uye wene u ɗai macigi ma̱ nu mo tonoi,ciya̱ tsu ɓa̱nka̱ wu kula̱nsa̱ yi.²Macigi ma̱ va̱ ma gida̱la̱ ta̱ a kubana a kashina ka̱ ni,a̱ ubuta̱ u na ili i wali yi,a kaguɓa punu a kashina kakpamu o kuɓolongu a̱pa̱lu.³Mpa macigi maꞋa u macigi ma̱ va̱,macigi ma̱ va̱ kpamu ma̱ va̱ maꞋa,wi ta̱ a kaguɓa ka ushiga u ni punu apulufa.

Vishipa vu tawun

⁴Avu vu gaꞋan ta̱ tsu likuci i Tiriza, macigi ma̱ va̱,vu gaꞋan ta̱ tsu Urushelima,n tsuloboi tsu ka̱tsura̱ ko osojia na i uɓa̱ni n urotu u kakashi.⁵Takpa a̱shi a̱ nu wa̱ va̱,i ta̱ a̱ ku ripula̱sa̱ mu.Ka̱nji ka̱ nu ki ta̱ an ushiga wu nraɗikan na mi a̱ kugida̱la̱ aginda a Giliyadu.⁶Anga a̱ nu i ta̱ tsu ushiga wu nlalan na mu uta̱i a̱ ubuta̱ u naa̱ sumba̱i le a kugaɗukpa.Yaba dem n gbaɓi vi ni,babu vu vuza te vu le na wi endeꞋin.⁷Nguji n nu mi ta̱ a kutasatsu kucina̱ ku umaci u Ruman.⁸Ko ɗa baci Egbere amangatatsu i ɗe,n a̱ma̱ci a pulai amanga̱na̱shi,nu nkere n na n yeve ali ba,aza a na a laꞋi kukece,⁹a̱yi ɗa koci mi a kucigawi ta̱ n ugaꞋin tsu moɗoi,a̱yi endeꞋin a̱ ubuta̱ wa̱ a̱na̱ku a̱ ni,maku mu uleshi maꞋa wa̱ a̱na̱ku a̱ ni.Nkere mene yi baci ka̱ta̱ a dana, a̱yi vuza vu una̱singai ɗa,anan Sangina n a̱ma̱ci a pulai a tsu cikpa yi ta̱.¹⁰Yayi a̱ kuɓa̱tsa̱ na ɗe an kanna,ugaꞋin an wotoi, a kutasa an kanna,n tsuloboi tsa azangata a na i ugeri?

¹¹N gida̱la̱ ta̱ a kubana a kashina ka nɗanga n alumoadama a na me ene nɗanga n nam ɓatsai a̱ ka̱ɗa̱ka̱i ka,adama a na me eneko nɗanga mi itacishi n matsa ta̱,ko ruman u yaꞋan ta̱ a̱pa̱lu.¹²Kafu n zuwaka,a̱shi a wuya a zuwai mu,me enei ka̱ci ka̱ va̱ a̱ ida̱shi,koɓolo m mogono ekeke vu odoku vi ni.

¹³Bono, bono, avu mekere ma aza a Shulamiya,bono, bono adama a na ci inda wu.Mekere ma dansaiAdama a̱ n yiɗa̱i yi a kinda vuza vu Shulamiya,a na wi e kujeꞋe tsu Mahanayim?