1N kayin mpa alavu a kajiba ka̱ va̱,n la̱nsa̱i vuza na n cigai,n la̱nsa̱i ni ama me ene yi ba.2Mi ta̱ a̱ kuɗa̱nga̱ n ka̱ra̱Ꞌa̱ likuci,n tono uye-uye u likuci n asuvu a̱ likuci a,mi ta̱ a̱ kula̱nsa̱ vuza na ka̱ɗu ka̱ va̱ ka cigai,n la̱nsa̱ yi ta̱ ama me ene yi ba.3Aza a ku inda likuci a gasai nu mpaele na i a̱ kuka̱ra̱Ꞌa̱ likuci ya.<<Me ecei le, yi eneke mu ta̱ vuza na ka̱ɗu ka̱ va̱ ka cigai?>>4U geshe ba ana n lazai le,ɗa me enei vuza na ka̱ɗu ka̱ va̱ ka cigai.n ka̱na̱i ni n ka̱sukpa̱ yi u laza baali n tuka̱i ni a kpaꞋa ka̱ a̱na̱ku a̱ va̱,a̱ kunu ku na a̱na̱ku a̱ va̱ a matsai mu.5A̱ɗa̱ nkere n Urushelima,yaꞋankai mu uzuwakpanin kula ku nreꞋe nu nsheun,aza a ugaꞋin u kinda a aginda.Tsu na a tsu kucina n Ka̱shile MalaꞋimili,i kucina a na ya ku gbandarasa tsu bamakyan ma na ci a kupana uyoꞋo.6Yayi na lo a̱ ku uta̱ a kakamba kaan kogbodolu ka̱ ka̱nga̱,n ili i ma̱gula̱ni ma̱ Muru,ili i ma̱gula̱ni i na aza a tsulaga a yaꞋin?7La̱na̱, kakuba ka kuɗika Sulemanu mogono kaꞋa,uka̱ra̱Ꞌi n a̱yi osoji amangatatsu a ɗa o kusoku yi,osoji a Isaraila a ɗa aza a na a fuɗai kuvon.8Ra̱ka̱ vu le i ta̱ n otokobi,eyevi a̱ vishili a ɗa ka̱u,yaba dem n kotokobi ka̱ ni a̱ ma̱kuta̱,i ta̱ ufoɓushi adama a umaa gbani-gbani a na a̱ tsu ɗa̱nga̱ n kayin.9Mogono Sulemanu u yaꞋankai ka̱ci ka̱ ni,kakuba ka kuɗika mogono,ka na u yaꞋin nu nɗanga n Lebano.10U yaꞋin aburakpatsu a kuɗika kakuba ka n azurufa,a palai kucina̱ ku ni nkakashi ka azanariya,nkere n Urushelima n kalai ni n ucigi.11Uta̱i a̱ɗa̱ nkere n Sihiyona,yi ene mogono Sulemanu u ukai okolokolo,a na a̱na̱ku a̱ ni a ukai nia kanna ko yolo ka̱ ni,kanna ka na ka̱ɗu ka̱ ni ka yaꞋain ma̱za̱nga̱.
expand_more
The books couldn't be loaded. Check your connection and try again.