1Vuzavaguɗu mogono maꞋa,yaꞋan uma e jeꞋeke ikyamba,u da̱sa̱ngu ta̱ a kakuba ko tsugono ci ni a Icorobi,yaꞋan aduniyan a̱ gba̱ɗa̱.2Vuzavaguɗu vuzagbayin ɗa a Sihiyona,a̱yi ɗa wi o tsugono tsu uma ra̱ka̱.3YaꞋan a cikpa kula ku gbayin ku nu,n ku utsura ku ni, a̱yi ɗa ciɗa.4Mogono a utsura u nu vi ta̱ a kuciga afada a na i derere,vu zuwai ukuna u mejege,n usuɓi n kamayun,a kumaci ku Yakubu.5Cikpai Vuzavaguɗu Ka̱shile ka̱ tsu,kuɗa̱ngi e kelime ka̱ ni i cikpa yi,a̱yi ɗa ciɗa.6Musa n Haruna i ta̱ a̱ ka̱tsuma̱ ka anan ganu a̱ ni,Samaila kpamu feu wi ta̱ a̱ ka̱tsuma̱ ka aza a na e ci ɗeke kula ku ni.a yaꞋin meɗevile u Vuzavaguɗu,ɗa tana wu ushuki le.7U yaꞋin kadanshi n ele e keleshu,ɗa o tonoi kadanshi ka̱ ni n kadanshi ka na u shamkpai.8Vuzavaguɗu Ka̱shile ka̱ tsu,vu ushuku le ta̱,vu yotsongi le avu Ka̱shile ka kucinukpa unushi kaꞋa,ko a na wo okpoi vu takacika le ta̱.9Cikpai Vuzavaguɗu Ka̱shile ka̱ tsu,i ga̱nda̱ka̱ yi a aginda a ciɗa a̱ ni,adama a na Vuzavaguɗu Ka̱shile ka̱ tsu vuza ciɗa ɗa.
expand_more
The books couldn't be loaded. Check your connection and try again.