Read KATAGARDA ISHIPA 94

KATAGARDA ISHIPA94

Ka̱shile ki a kuvaruku uma a̱ ni ba

¹Vuzavaguɗu, avu Ka̱shile ka kutsupa ili i na a yaꞋin,Ka̱shile avu na vu tsu tsupa ili i na a yaꞋin,utuka̱ wupa u nu,²kayaꞋinkafada ka aduniyan,ɗa̱nga̱ vu tsupa aza a̱ra̱ɗi,ili i na yu untsai le.³Ali n wannai ɗai aza a gbani-gbania kulyaꞋa kelime n kuyaꞋan ma̱za̱nga̱?Ali n wannai ɗai, Vuzavaguɗu?⁴Ali n wannai ɗai a̱ kuka̱na̱ ku dansa kavama,ali n wannai ɗai aza asuvawuya a kulyaꞋa kelime n a̱ra̱ɗi?⁵Vuzavaguɗu, i ta̱ o ku yokumo uma a̱ nu,o kudoro uma a̱ nu ili yi uka̱ni i nu.⁶A ku una agapa a̱ma̱ci, n omoci,nu mkpaꞋan kpamu,⁷a kudana, <<Vuzavaguɗu wi e kene tsu baKa̱shile ka Yakubu ka zuwaka n ili i na yi lo a̱ kugita̱ ba.>>

⁸Niniɗai yi okpoi a̱ta̱m,alau wannai ɗai i ku gbojo?⁹Ka̱shile ka na ka yaꞋin atsuvu, a̱yi wi a kupana ba?Ka̱shile ka na ka yaꞋin a̱shi a̱yi wi e kene ba?¹⁰A̱yi ɗa wi o kutono n uduniyan u na u buwai,wi a kutakacika le ba?A̱yi na wi a kupiꞋisaka uma,wi n kuyeve ba?¹¹Vuzavaguɗu u yeve ta̱ kusheshe ku vuma,u yeve ta̱ kusheshe ku ni gbani ɗa.

¹²Vuzavaguɗu, vuza vu ma̱za̱nga̱ ɗa vuza na vu gbarai,vuza na vi a kupiꞋisaka wila̱ u nu,¹³Adama a na u yongo asuvu a̱ ida̱shi a ayin atakaci,ali a̱ ga̱va̱ka̱i aza asuvawuya asaun.¹⁴Adama a na Vuzavaguɗu wi a ku iwan uma a̱ ni ba,wi tana a̱ ku ka̱sukpa̱ uma a̱ ni,ili yi uka̱ni i ni ba,¹⁵KuyaꞋan ka afada ki ta̱ o kubono a̱ ubuta̱ wa aza a usuɓi,aza e mejege i ta̱ a̱ kushuku n a ɗa.

¹⁶Yayi u kushamkpa ka mu u yaꞋan tsurala n aza a gbani-gbani?Yayi u kuɓa̱nka̱ mu adama a na n takacika aza a gbani-gbani?¹⁷Ishi baci Vuzavaguɗu u ɓa̱nka̱ mu ba,a na gogo na n yawa ta̱ ɗe a̱ ubuta̱ wa̱ a̱kpisa̱.¹⁸N danai, <<Mi ta̱ ukuna u kuyikpa̱,>> ama Vuzavaguɗu, ucigi u nu u na u tsu sabaꞋa ba u keɗe mu ta̱.¹⁹Ana atakaci a yaꞋin mu a̱bunda̱i,ɗa vu kparasai mu, vu zuwai mu n yaꞋin ma̱za̱nga̱.²⁰Wi ta̱ a kuyaꞋan vu ɓolongu tsugono n aza a gbani-gbani?Ko n aza a na a tsu zuwa wila̱ u kavama?²¹O tsu foɓusoko ta̱ uma a usuɓi ka gbani-gbani,a tsu kiɗaka ta̱ vuza vu babu unushi afada a̱ ukpa̱.²²Ama Vuzavaguɗu u tsu ere mu ta̱,Ka̱shile ka̱ va̱ a̱yi ɗa ubuta̱ u kusheɗeku u va̱.²³A̱yi ɗa u kutakacika le adama a kawuya ke le,wu una le adama a unushi u le,Vuzavaguɗu Ka̱shile ka̱ tsu ki ta̱ a ku una le.