Read KATAGARDA ISHIPA 90

KATAGARDA ISHIPA90

Avasa a Musa, vuma vu Ka̱shile.

¹Vuzavaguɗu, makyan dem avu ɗa ubuta̱ wi ida̱shi i tsu.Ali tsukaya n tsukaya.

Ka̱shile vi ta̱ lo ko wannai

²Kafu vu yaꞋan nsasan,kafu a iɗikakafu kpamu vu yaꞋan aduniyan,avu Ka̱shile kaꞋa ko wannai.Vi n ugiti ba tana vi n ukocishi ba.

³Vu tsu bonoko ta̱ uma tsu na ishi kubuta̱,vu dana, <<O bono kubuta̱ a̱ ubuta̱ u na uta̱i.>>⁴A̱ya̱ ka̱kpa̱n wa̱ nu i ta̱ tsu kanna ke te,i ta̱ tsu kanna ke te ka na ka lazai,tsu makyan ma kayin ma na ma lazai.⁵Vu tsu pura̱ngu ta̱ uma tsu alavu a̱ ukpa̱i ta̱ tsu mita̱ ma na ma̱ tsu uta̱ n usana,⁶o gbonguro ali a yaꞋan a̱pa̱lu,ka̱ta̱ n kulivi a lumba e ɗekpe.

⁷Tsu kuwa̱ ta̱ adama a wupa u nu,tsu dagaza ta̱ adama asuvu a usuɗukpi a̱ nu.⁸Vu gere ta̱ unushi u tsu e kelime ka̱ nu,unushi u tsu wu usokongi kpamu,vu zuwai u ɗa a̱ ubuta̱ u na ve kene le.⁹Wupa u nu u jebe ta̱ ayin a wuma a̱ tsu,wuma u tsu u kotsoi tsa ayinviki.¹⁰A̱ya̱ a wuma a̱ tsu ra̱ka̱ a ɗaɗa amangatatsunkupaci baci m ma̱ta̱na̱ a̱ya̱ amanga̱na̱shi,n nannai dem ili i na a̱ya̱ a nanloa tsu tuka̱ tsu ɗaɗaatakaci n una̱mgbuka̱tsuma̱,gogoꞋo lo a laza,a̱tsu tamkpamu tsu puwa̱nka̱.¹¹Yayi u yevei utsura u wupa u nu?Yayi u yevei wovon u na wupa u nu u kutuka̱?¹²PiꞋisaka tsu ci yeve a na wuma u tsu u makyan me kenu maꞋa,adama a na tsu okpo aza a ugboji.

¹³Vuzavaguɗu, bono,ali n wannai ɗai tsa̱ kuka̱na̱ kuvana wu?Pana asuvayali agbashi a̱ nu.¹⁴Usana dem yotsongu tsu,ucigi u nu u na u tsu sabaꞋa ba,adama a na tsu canana ishipa i ma̱za̱nga̱a ayin a wuma a̱ u tsu ra̱ka̱.¹⁵Zuwa tsu ci yaꞋan ma̱za̱nga̱,tsu ka̱bunda̱i ka ayin a na ci atakaci,tsu ka̱bunda̱i ka̱ a̱ya̱ a na tsu takacikai.¹⁶YaꞋan a̱tsu agbashi a̱ nu,ci ene ulinga u gbayin u nu,yaꞋan ntsukaya n tsu me ene,utsura u tsugbayin tsu nu.

¹⁷Vuzavaguɗu Ka̱shile ka̱ tsu,yaꞋan una̱singai u nu u yongo n a̱tsu,vu zuwa tsu ci lyaꞋa kelime a ili i na ci a kuyaꞋan dem,vu neke tsu ulyaꞋi a ili i na ci a kuyaꞋan dem.