KATAGARDA ISHIPA61
Uzuwi u ka̱ɗu a wu eri u Ka̱shile
Kadanshi a kubana u vuza vu kelime vi ishipa: A yaꞋan vu ɗa n anꞋin a umolu. Vishipa vu Dawuda.
1Ka̱shile, pana ma̱shi ma̱ va̱,zuwa atsuvu wa avasa a̱ va̱.2A uteku wa aduniyan, n ɗekei nu,n ɗeke wu ta̱ ana n takpai ka̱ɗu,vu banka mu a̱ ubuta̱ u kusheɗeku u na u laꞋi.3Adama a na avu ɗa ubuta̱ u kusheɗeku ali ɗe,avu ɗa ubuta̱ wu ukanji e kelime ka irala i va̱.4YaꞋan n da̱sa̱ngu a̱ ma̱va̱li ma̱ nu ko wannai.yaꞋan n ciya̱ ubuta̱ wu ida̱shi a ɗaka vu evelyu a̱ nu. Kuvuka5Ka̱shile, vu pana ta̱ akucina a̱ va̱,ɗa vu nekei mu ili yi uka̱ni ya aza a na i a kucikpa wu.6Zuwa wuma u mogono u geshe;vu zuwa yi u yongo n wuma ali a kubana a tsukaya.7YaꞋan u lyaꞋa tsugono e kelime ka̱ nu, Ka̱shile, ko wannai,zuwa ucigi u nu u na u tsu sabaꞋa ba n usuɓi u nu wu ere yi.8Adama a nannai mi ta̱ a kucanana ishipa n cikpa kula ku nu,n shatangu uzuwakpani u va̱ u kanna dem.