KATAGARDA ISHIPA59
Avasa a̱ kula̱nsa̱ wishi a̱ ubuta̱ wi irala
Kadanshi a kubana u vuza vu kelime vi ishipa: A yaꞋan vu ɗa n ka̱la̱ka̱tsu <<Ka̱ta̱ a yaꞋan munuka ba.>> Vishipa vu Dawuda. Ana Shawulu u suki uma a bana inda kpaꞋa ku Dawuda adama a na una yi.
1Ka̱shile ka̱ va̱, wawa mu a̱ ubuta̱ wi irala i va̱,ere mu wa aza na i a̱ ku tuka̱ mu n vishili makyan dem.2Wawa mu a̱ ubuta̱ uma a na a ci yaꞋan ka gbani-gbani,wawa mu a̱ ka̱tsuma̱ ka aza a̱ ku tsuwa̱n ku mpasa.3La̱na̱, o bopoi a kuvana adama a na una mu,uma a gbani-gbani o tsu ɓolongu ta̱ adama a na a yaꞋan tsurala nu mpa.a̱ ma̱ta̱ɗa̱ ko unushi wi ili i yoku ba, Vuzavaguɗu.4N yaꞋan unushi ba, n nannai dem i ta̱ ufoɓushi a̱ shilika̱ nu mpa.ɗa̱nga̱ vu ɓa̱nka̱ mu, vu la̱na̱ atakaci a̱ va̱.5Avu Vuzavaguɗu Ka̱shile MalaꞋimili Ka̱shile ki Isaraila,ɗa̱nga̱ vu takacika uduniyan,ka̱ ta̱ vu pana asuvayali a uma a gbani-gbaniaza o modoruko a nanlo ba. Kuvuka6O tsu bono ta̱ n kulivi,a̱ ka̱na̱ wali a na nsheꞋen na mi a̱ ka̱ ka̱ra̱sa̱ a̱ likuci.7Pana kadanshi ki ishikushi ka na ki a̱ ku uta̱ una̱ u le,kadanshi ke le ki ta̱ a na otokobi,ali, a kudana, <<Yayi, u kupanaka tsu?>>8Ama avu Vuzavuguɗu, zoꞋoso le,Vu tsu yaꞋanka ta̱ uduniyan dem ulami.9Avu vuza vu utsura u va̱, Ka̱shile, n zuwa ta̱ katsura ka̱va̱ wa̱ nu,avu ɗa ubuta̱ u kusheɗeku u va̱.10Ka̱shile vuza vu ucigi u na u tsu sabaꞋa ba.Ka̱shile ki ta̱ a ku wawa mu,ka̱ ta̱ u zuwa mu n zoꞋoso irala i va̱.11Ka̱ta̱ vu una le ba, Vuzavaguɗu ke keɗetsu ka̱ va̱adama a na ka̱ta̱ uma a̱ va̱ a cinukpa ba.n utsura u nu zuwa le a̱ ka̱na̱ ka̱ ka̱ra̱sa̱,ka̱ta̱ vu la̱nga̱sa̱ le,12Unushi wu una̱ u le,n kadanshi ku una̱ u le,yaꞋan e reme le adama a̱ra̱ɗi e le.Adama a ishikushi n aꞋuwa a na a ci yaꞋan,13La̱nga̱sa̱ le a̱ ka̱tsuma̱ ka wupa u nu.la̱nga̱sa̱ le ali o kotso ra̱ka̱,nannai ɗa e kuyeve a na Ka̱shile kaꞋa ki o tsugono ci Isarailaali a uteku wa aduniyan. Kuvuka14O tsu bono ta̱ n kulivi,a̱ ka̱na̱ wali a na nsheꞋen na mi a̱ ka̱ ka̱ra̱sa̱ a̱ likuci,15a̱ ka̱ka̱ra̱sa̱ a̱ ubuta̱ dem a̱ kula̱nsa̱ ilikulyaꞋaa̱ ka̱na̱ ma̱shi ɗa baci a̱ cuwa̱i ba.16Ama mpa mi ta̱ a kucanana ishipa a ukuna wu utsura u nu,usana mi ta̱ a kucanana ishipa adama a ucigi u nu u na u tsu sabaꞋa ba.Adama a na avu ɗa ubuta̱ wu ukanji va̱,ubuta̱ u kusheɗeku u va̱ a makyan ma atakaci.17Mi ta̱ a ku cikpa wu, avu katsura ka̱va̱,avu Ka̱shile, ubuta̱ wu ukanji uva̱, Ka̱shile ka na ka cigai mu.