KATAGARDA ISHIPA47
Ka̱shile mogono ma aduniyan ra̱ka̱
Kadanshi a kubana u vuza vu kelime vi ishipa: Vishipa vu muku n Kora.
1Ɓasai ekiye, adama a̱ ma̱za̱nga̱,a̱ɗa̱ uma ra̱ka̱!YaꞋin ishipa n utsura,cikpai Ka̱shile.2Vuzavaguɗu MalaꞋimili,ili i wovon i ɗa,a̱yi mogono ma gbayin maꞋa,vuza vu tsugono tsa aduniyan ra̱ka̱.3U nekei tsu ulyaꞋi a̱ ubuta̱ u uma ra̱ka̱,u zuwai uduniyan a ɗaka vu ene a̱ tsu.4U zagbakai tsu iɗika yi uka̱ni i tsu,i ɗaɗa ili ya̱ a̱ra̱ɗi i uma a̱ ni,kumaci ku yakubu ku na wi a kuciga. Kuvuka5Ka̱shile ka kumba ta̱ a gaɗi vu kakuba ko tsugono ci ni,a̱ ka̱na̱i yoroli i ma̱za̱nga̱ n a̱ lika̱i ishari,a makyan ma na Ka̱shile ki a ku kumba.6Cananai ishipa i kucikpa Ka̱shile.cananai ishipa i kucikpa mogono ma̱ tsu.7Ka̱shile mogono ma,aduniyan maꞋa ra̱ka̱.canana ka yi ni ishipa i kucikpa.8Ka̱shile ki ta̱ ida̱shi a kakuba ko tsugono ka ciɗa ka̱ ni,Ka̱shile ki ta̱ a kulyaꞋa tsugono tsa aduniyan.9Aza e kelime a kumaci ka aduniyan o ɓolongi,a gasai koɓolo n a̱ tsu,a̱ tsu uma a̱ Ka̱shile ki Ibirahi,adama a na ngono ma aduniyan ra̱ka̱,n Ka̱shile n ɗa,Ka̱shile ka na i a kucikpa mayin.