KATAGARDA ISHIPA2
Mogono ma na Ka̱shile ka zagbai
1Yiɗa̱i i zuwai uduniyan wi e kusheshe ka gbani-gbani?Yiɗa̱i i zuwai ɗa uma i o kufoɓuso ka a gbani-gbani ka na a̱ kuciya̱ ili ba?2Yiɗa̱i i zuwai ɗa ngono ma aduniyan o foɓusoi kuvon?Yiɗa̱i i zuwai ɗa aza o tsugono o ɓolongi ka̱ci ke le,a kuyaꞋanka Vuzavaguɗu ugbami u kaci m mogono ma na wu erengi.3A danai,<<YaꞋan tsu uta̱ka̱ ka̱ci ka̱ tsu o tsugono ci le,n tsugono tsu Vuzavaguɗu koɓolo n mogono ma na u zagbai,tsu fa̱ta̱tsa̱ ekiye e le.>>4Ama ɗa Vuzavaguɗu u zoꞋosoi le ɗe gaɗi a kakuba ko tsugono ci ni,u bonokoi le ili yi izoshi.5Ɗa u ɓarangi le n wupa,wupa u ni u zuwai le a̱ rikpa̱i.6U danai, <<A Sihiyona kusan ku ciɗa ku va̱,ɗa n zuwai mogono ma̱ va̱.>>7Ɗa mogono ma, ma danai, mi ta̱ a kusala ili i na Vuzavaguɗu u danai.U danai mu,<<Avu maku ma̱ va̱ maꞋa,anana mo okpo ta̱ esheku a̱ nu.8Folono mu, mi ta̱ e kuneke wu iɗika ra̱ka̱ yi okpo ili yi uka̱ni i nu,Ka̱ta̱ aduniyan okpo upecu u nu.9Vi ta̱ a kulyaꞋaka le tsugono n kalangu ka̱ viyum,vu ɓoso le miri-miri tsu mogbodo ma̱ ciꞋin.>>10Adama a nannai, yaꞋin cicoꞋo, a̱ɗa̱ ngono,i vaꞋanku a̱ɗu a̱ ɗa̱, a̱ɗa̱ aza o tsugono.I bonoko a̱ɗu a̱ ɗa̱ ubuta̱ u te,a̱ɗa̱ aza o tsugono tsa aduniyan.11YaꞋankai Vuzavaguɗu tsugbashi n wovon,i yaꞋan ma̱za̱nga̱ n i jeꞋekei ikyamba,12Kuɗa̱ngi i lyaꞋaka maku ma kayala,adama a na ka̱ta̱ u yaꞋan wupa i kuwa̱ ba,adama a na wupa u ni wi ta̱ a kufuɗa kuɗa̱nga̱ n kute,Aza a̱ ma̱za̱nga̱ a ɗa aza a na a banai wa̱ a̱ ni kula̱nsa̱ ubuta̱ u kusheɗeku.