Read KATAGARDA ISHIPA 16

KATAGARDA ISHIPA16

Kuzuwa ka̱ɗu u Vuzavaguɗu

Vishipa vu Dawuda.

¹Ere mu Ka̱shile,adama a na avu ɗa ubuta̱ u kusheɗeku u va̱.²Ɗa n danai Vuzavaguɗu,<<Avu ɗa Vuzavaguɗu vu va̱,ili i singai i na mi n i ɗa ra̱ka̱, wa̱ a̱ nu u ɗa yi uta̱i.>>³Adama aza a ciɗa a iɗika ya,ele ɗa i n tsugbayin,ele ɗa a zuwai mu ma̱za̱nga̱.⁴Aza a na a zagbai o tono a̱ma̱li o yoku,o tsu ronoko ta̱ ka̱ci ka̱ le atakaci ka̱u.Mi o kuɓolongu n e le,a̱ ubuta̱ u kuyaꞋan ka alyuka ba.Mi a kucikpa a̱ma̱li e le ba.⁵
Vuzavaguɗu avu ɗa ili i na mi n i ɗa koci,avu ɗa vu nekei mu ili i na n cigai dem,wuma u va̱ wi ta̱ ekiye a̱ nu.⁶
KuneꞋe ku na vu yaꞋankai mu,ki ta̱ n ugain ka̱u,mayun ku singai ku ɗa.⁷
N cikpa ta̱ Vuzavaguɗu, a na wi o kutono nu mpa,n kayin kpamu ka̱ɗu ka̱ va̱ ke ci neke mu ta̱ kadanshi.⁸N yeve ta̱ makyan dem Vuzavaguɗu wi ta̱ nu mpa.Adama a na wi ta̱ e kukiye ku singai ku va̱,mi a̱ kurikpa̱ ba.⁹
Adama a nannai ka̱ɗu ka̱ va̱ ki ta̱ m ma̱za̱nga̱,wuma u va̱ kpamu wi ta̱ a̱ ma̱za̱nga̱,ikyamba i va̱ feu yi ta̱ a kuyongo babu koyoku.¹⁰Adama a na va̱ ku ka̱sukpa̱ mu,n yongo a kasaun ba,ko vu ka̱sukpa̱ vuza vu usuɓi u shama ba.¹¹Vi ta̱ a̱ ku yotsongu mu uye,uye u na u kubana a̱ ubuta̱ u wuma,kuyongo ku nu koɓolo nu mpa ili i ma̱za̱nga̱ i ɗa,ida̱shi e kukiye ku usingai ku nu,uyoꞋo u ɗa ko wannai.