KATAGARDA ISHIPA12
Avasa a̱ kula̱nsa̱ uɓa̱nki
Kadanshi a kubana u vuza vu kelime vi ishipa: Vishipa vu Dawuda: a kubana u ma̱zuɓi, a yaꞋan vu ɗa tsu ka̱la̱ka̱tsu ka<<Shiminitu>>
1Wawa tsu Vuzavaguɗu,babu aza a̱ ma̱riki a na a buwai tsu Ka̱shile,aza a usuɓi o kotso ta̱ a̱ ka̱tsuma̱ ka aduniyan.2Yaba dem a kuyaꞋanka toku aꞋuwa,o modoronoi n una̱ wa singai.3Vuzavaguɗu, zuwa elentsu aza o modoruko a paɗa bini,vu zuwa una̱ wa aza a̱ra̱ɗi u paɗa bini.4Aza a na a tsu dana, <<Ci ta̱ a̱ kuciya̱ ulyaꞋi n elentsu a̱ tsu,ci ta̱ a kudansa ili i na tsu cigai,yayi u kusa̱nka̱ tsu?>>5Vuzavaguɗu u danai,<<Mi ta̱ a̱ kuta̱wa̱ gogo na,adama a na i ta̱ o kudoro aza a unambi.aza a na a takacikai kpamu a̱ yura̱ adama atakaci.Mi ta̱ e kuneke le ida̱shi i ma̱ta̱na̱ i na i a̱ kula̱nsa̱.>>6Kadanshi ka Vuzavaguɗu ki ta̱ ciɗa,kadanshi ka̱ ni ki ta̱ tsa azurufa koci,azurufa a na a̱ luwa̱i n akina ali kucindere.7Vuzavaguɗu ere tsu,ere tsu ekiye a uma a gbani-gbani,vu ere tsu ko wannai8Adama a na uma a gbani-gbani i ta̱ lo a̱ kuka̱ra̱Ꞌa̱ a̱ ubuta̱ dem,a kucikpa ili i na yi i gbani-gbani.