Read KATAGARDA ISHIPA 119

KATAGARDA ISHIPA119

Una̱singai wa aza o kutono wila̱

¹Aza a̱ ma̱za̱nga̱ a ɗaaza a na i n unushi ba,aza a na i o kutono wila̱ u Vuzavaguɗu.²Aza a̱ ma̱za̱nga̱ a ɗaaza a na a cinukpain kadanshi ka̱ ni ba,aza a na i a̱ kula̱nsa̱ yin a̱ɗu ele ra̱ka̱,³ele na i a kuyaꞋanka gbani-gbani ba,ama i ta̱ an nwalu a uye u ni.⁴Vu zuwa ta̱ ili i kutono i nuadama a na o tono i ɗa mayin.⁵Ishi baci ka̱ɗu ka̱ va̱ ki a sabaꞋa ba,a̱ ubuta̱ u kutono ili i na u dansai,⁶mi shi o ko okpo n wono baɗa baci m bonokoi ka̱ɗua̱ ubuta̱ u kutono ili i na u dansai.⁷Mi ta̱ a kucikpa wu n ka̱ɗu ka mayun,A makyan ma na n piꞋisaiafada a̱ usuɓi u nu.⁸Mi ta̱ o kutono ili i na u dansai,ka̱ta̱ vu varuku mu ra̱ka̱-ra̱ka̱ ba.

Kutono wila̱ u Vuzavaguɗu

⁹Nini ɗai ka̱ɗa̱nga̱ni ko kuyongo ciɗa?A̱ ubuta̱ u kutono kadanshi ka̱ nu.¹⁰N ka̱ɗu ka̱ va̱ ra̱ka̱, n la̱nsa̱i nu,ka̱ta̱ vu ka̱sukpa̱ mun katsukpa kadanshi ka̱ nu ba.¹¹N sokongu ta̱ kadanshi ka̱ nu a̱ ka̱ɗu ka̱ va̱,adama a na ka̱ta̱n yaꞋanka wu unushi ba.¹²Vuza vu una̱singai ɗa vi, avu Vuzavaguɗu,piꞋisaka mu ili i na vu dansai.¹³N una̱ u va̱ u ɗa n keceiafada a na vu nekei tsu ra̱ka̱.¹⁴Mi ta̱ a̱ ma̱za̱nga̱ mokutono kadanshi ka̱ nu,tsu na vuma u ci yaꞋan ma̱za̱nga̱ma̱ kuciya̱ udukuyan wa̱ a̱bunda̱i.¹⁵Mi ta̱ a̱ kuka̱na̱ kusheshe,a̱ ukuna wi ili i kutono i nu,ka̱ta̱ n zuwaka n uye u nu.¹⁶Mi ta̱ a̱ ma̱za̱nga̱n ili i na vu dansai,mi a kucinukpa n kadanshi ka̱ nu ba.

Ma̱za̱nga̱ a̱ wila̱ u Vuzavaguɗu

¹⁷YaꞋanka kagbashi ka̱ nu kasingai,adama a na u ciya̱ wuma,u kutono kadanshi ka̱ nu.¹⁸Ɓa̱yuwa̱ a̱shi a̱ va̱,adama a na me ene,ili i mereve i gbagbaꞋina̱ ka̱tsuma̱ ka̱ wila̱ u nu.¹⁹Mpa komoci kaꞋa aduniyan,ka̱ta̱ vu sokongu ku mukadanshi ka̱ nu ba.²⁰Ili i na n laꞋi n kuciga ka̱u a makyan demɗaɗa n tono afada a̱ nu.²¹Vu tsu ɓarangu ta̱ aza a ugbamukaci,ele na a katsukpai kadanshi nu.²²Uta̱ka̱ mu o kugoyi ku le n a̱ra̱ɗi ele,adama a na n tono ta̱ ili i na vu dansai.²³Ko a na wo okpoiaza o tsugono a gbaɓa ta̱ kaci,a̱ kula̱nga̱sa̱ mu kula,kagbashi ka̱ nu ki ta̱e kusheshe ili i na vu dansai.²⁴Mayun, n tsu pana ta̱uyoꞋo u kadanshi ka̱ nu,ke ci neke mu ta̱ odoki.

Uzuwi u ka̱ɗu o kutono wila̱ u Vuzavaguɗu

²⁵Mi ta̱ ivaꞋin ma̱kpa̱ɓa̱ a̱ kubuta̱,wawa wuma u va̱tsu kadanshi ka̱ nu.²⁶Ana n tonokoi nu ukuna u va̱ɗa vu ushuki mu,piꞋisaka mu ili i na vu dansai.²⁷Ɓa̱nka̱ mu n yeve ili i kutono i nu,ka̱ta̱ n yongo a kuciɓasan ulinga wi ili mereve i nu.²⁸Ka̱ɗu ka̱ va̱ ka̱ kula̱ ta̱adama a una̱mgbuka̱tsuma̱,zuwa mu n tsurukpatsu kadanshi ka̱ nu.²⁹Ere mu a uye wa aꞋuwa,yaꞋan n ciya̱ kasingai a̱ wila̱ u nu.³⁰N zagba ta̱ uye u ma̱riki,n zuwa ta̱ ka̱ɗu ka̱ va̱a̱ ubuta̱ wa afada a̱ nu.³¹Vuzavaguɗu, n ka̱na̱ ta̱kadanshi nu gbagu,ka̱ta̱ vu ka̱sukpa̱ mun yaꞋan wono ba.³²N ilaɗi i ɗa, mi o kutonokadanshi ka̱ nu,adama a na vu zuwa ta̱ka̱ɗu ka̱ va̱ ko yongo ba̱ri.

Avasa adama e kuyeve ku wila̱ u Vuzavaguɗu

³³Vuzavaguɗu, piꞋisaka muili i na vu dansai,ka̱ta̱ n tono i ɗa ko wannai.³⁴Neke mu kuyeve,adama a na n tono wila̱ u nu,ka̱ta̱ ta na n tono u ɗan ka̱ɗu ka̱ va̱ dem.³⁵Tono nu mpa n tsu uye u kadanshi ka̱ nu,adama a na ta ɗemi a̱ kuciya̱ ma̱za̱nga̱.³⁶Zuwa ka̱ɗu ka̱ va̱,a̱ ubuta̱ u kutono kadanshi ka̱ nu,ba a̱ ubuta̱ u kula̱nsa̱ku udukuyan ba.³⁷Takpa a̱shi a̱ va̱a̱ ubuta̱ wu ili i kavama,ere wuma u va̱ tsu kadanshi ka̱ nu.³⁸Shatangu kadanshi ka̱ nu,u kagbashi ka̱ nu,u na vu yaꞋankaiaza a na e nekei nu tsugbayin.³⁹Takpa ka mu wono u nami a kupana wovon,adama a na afada a̱ nu ili i singai i ɗa.⁴⁰Mpa ɗa na a mali mi ili i kutono i nu,ere mu a̱ ka̱tsuma̱ ku usuɓi u nu.

Kuneke katsura a̱ wila̱ u Vuzavaguɗu

⁴¹Vuzavaguɗu, yaꞋanucigi u nu u na u tsu sabaꞋa bau ta̱wa̱ wa̱ va̱,wishi u nu kpamu u ta̱wa̱ tsu uzuwakpani u nu,⁴²ka̱ta̱ n ciya̱ ili i na n ku ushukuvuza na wi a kushika mu,adama a na n zuwaka ta̱kadanshi ka̱ nu katsura.⁴³Ka̱ta̱ vu takpa kadanshika̱ ma̱riki a̱ una̱ u va̱ ba,adama a na a afada a̱ nu u ɗa n keɗei a̱pa̱Ꞌa̱.⁴⁴Mi ta̱ o kutono wila̱ u nua makyan dem, ko wannai,⁴⁵ka̱ta̱ n yaꞋan nwalu n va̱ ba̱ri,adama a na mi ta̱a̱ kula̱nsa̱ ili i kutono i nu.⁴⁶Mi ta̱ a kudansa ukunau kadanshi u nu e kelime ko ngono,mi ta na a kupana wono ba.⁴⁷Adama a na n tsu pana ta̱uyoꞋo u kadanshi ka̱ nu,adama a na n ciga ta̱ u ɗa.⁴⁸Mi ta̱ e kuneke kadanshi ka̱ nu tsugbayin,adama a na n ciga ta̱ kaꞋa,kpamu ka̱ta̱ n ka̱ na̱ kusheshe a ili i na vu dansai.

Kuzuwa ka̱ɗu a̱ wila̱ u Vuzavaguɗu

⁴⁹Ciɓa n kadanshi ka navu yaꞋankai kagbashi ka̱ nu,adama a na vu zuwa mu ta̱ n keɗei a̱pa̱Ꞌa̱.⁵⁰Ma̱za̱nga̱ ma̱ va̱ a̱ ka̱tsuma̱ ka atakaciɗaɗa uzuwakpani u nuu tsu ere ta̱ wuma u va̱.⁵¹Aza a ugbamukaci a yaꞋanka mu ta̱ ulami,ama n vadalukpuka wila̱ u nu kucina̱ ba.⁵²N ciɓai n afada a Vuzavaguɗu,ɗa n ciya̱i uneki u kadanshi.⁵³Wupa u tsu ka̱na̱ mu ta̱ ka̱uadama a uma a gbani-gbani,aza a na a̱ ka̱sukpa̱i wila̱ u nu.⁵⁴Ili i kutono i nuyo okpo mu ta̱ ishipa,a kpaꞋa ku na mi o limoci.⁵⁵Vuzavaguɗu, n ciɓa ta̱ n kula ku nu n kayin,mi ta̱ ta na o kutono wila̱ u nu.⁵⁶Nava ɗaɗa n kiwanai kuyaꞋansa,adama a na n zuwaka ta̱ n ili i kutono i nu.

Uneki u kaci a̱ wila̱ u Vuzavaguɗu

⁵⁷Vuzavaguɗu ɗa upecu u va̱,n yaꞋan ta̱ uzuwakpanin tono kadanshi ka̱ nu⁵⁸N la̱nsa̱ wu ta̱ n ka̱ɗu ka̱ va̱ dem,yaꞋan n ciya̱ mapasa ma singaitsu na vu yaꞋin kadanshi.⁵⁹N coꞋoko ta̱ n uye u va̱,ɗa n kpatalai n tonoi kadanshi ka̱ nu.⁶⁰Ɗa n dakakai n la̱nga̱sa̱ makyan ba,n tonoi kadanshi ka̱ nu.⁶¹Uma a gbani-gbania shiya mu ta̱ n awin,ama n cinukpa n wila̱ u nu ba.⁶²Kayin ke pece baci n tsu ɗa̱nga̱ ta̱ n cikpa wu,adama afada a usuɓi a̱ nu.⁶³Mpa ka̱ja̱Ꞌa̱ kaꞋa u yaba demna wi a kupana wovon u nu,n aza na a zuwakai n ili i kutono i nu.⁶⁴Vuzavaguɗu, ucigi u nuu na u tsu sabaꞋa bau shana ta̱ aduniyan ra̱ka̱,piꞋisaka mu ili i na vu dansai.

UgaꞋin u wila̱ u Vuzavaguɗu

⁶⁵Vuzavaguɗu, vu yaꞋanka ta̱ kagbashi ka̱ nu kasingai,tsu na vu yaꞋin kadanshi.⁶⁶PiꞋisaka mu n yeve afada asingai,adama a na n neke ta̱ katsuraa kadanshi ka̱ nu.⁶⁷Kafu vu takacika mu, n nusa ta̱ ɗe,ama gogo na n tono ta̱ kadanshi ka̱ nu.⁶⁸Avu vuza singai ɗa,kpamu vi yaꞋan ta̱ kasingai,piꞋisaka mu ili i na vu dansai.⁶⁹Aza a ugbamukaci i ta̱a kudansa aꞋuwa adama a̱ va̱,n zuwaka ta̱ n ili i kutonoi nu n ka̱ɗu ka̱ va̱ ra̱ka̱.⁷⁰A̱ɗu ele a kpanduku ta̱,ama mpa mi ta̱a̱ ma̱za̱nga̱ n wila̱ u nu.⁷¹UgaꞋan ta̱ a na n takacikai,adama a na m piꞋisa ili i na vu dansai.⁷²Wila̱ wu una̱ u nu u laꞋaka mu ta̱,n a̱kpa̱n a azanariya n azurufa.

Ma̱riki ma̱ wila̱ u Vuzavaguɗu

⁷³Ekiye a̱ nu a ɗa a yaꞋin muo foɓusoi mu,neke mu kuyeve, adama a nam piꞋisa kadanshi ka̱ nu.⁷⁴Aza a na i a kupana wovon u nuyaꞋan ene mu ka̱ta̱ a yaꞋan ma̱za̱nga̱,adama a na n keɗe ta̱a̱pa̱Ꞌa̱ a kadanshi ka̱ nu.⁷⁵Vuzavaguɗu, n yeve ta̱wila̱ u nu derere ɗa,kpamu a̱ ka̱tsuma̱ ka̱ ma̱riki ka̱ nuɗa vu yaꞋankai mu afada a usuɓi.⁷⁶YaꞋan ucigi u nuu na u tsu sabaꞋa ba,u neke mu utsura u ka̱ɗu,tsu na vu danai kagbashi ka̱ nu,⁷⁷YaꞋan vu sa̱Ꞌa̱ mu, adama a na n yongo n wuma,adama a na mi ta̱ a̱ ma̱za̱nga̱ n wila̱ u nu.⁷⁸YaꞋan aza a ugbamukaci a yaꞋan wono,adama a ka gbani-gbani ka naa yaꞋankai mu ko unushi,ama mi ta̱ e kusheshe a ukunawi ili i na vu dansai.⁷⁹YaꞋan aza a na ia kupana wovon u nu,o bono wa̱ va̱,ele na e yevei kadanshi ka̱ nu.⁸⁰YaꞋan ka̱ɗu ka̱ va̱ ko yongo ko unushia ukuna wi ili i na vu dansai,adama a na ka̱ta̱ mo okpo n wono ba.

Avasa a̱ kula̱nsa̱ wishi

⁸¹Vuzavaguɗu, wuma u va̱ wi ta̱ a mali ka̱ua̱ kula̱nsa̱ wishi u nu,n keɗe ta̱ a̱pa̱Ꞌa̱ a kadanshi ka̱ nu.⁸²A̱shi a̱ va̱ a̱ ga̱la̱ ta̱a kuvana uzuwakpani u nu,ɗa n danai,<<Wannai ɗai va kuneke mu kadanshi?>>⁸³Adama a na mo okpo ta̱tsu kedele ku ukpan ka na a saki a̱ ka̱nga̱,dem n nannai n cinukpan ili i na vu dansai ba.⁸⁴Ali n wannai ɗai kagbashi ka̱ nuka kulyaꞋa kelime n kugbama asuvu?Wannai ɗai va kuyaꞋanka aza a nai a kutakacika mu afada?⁸⁵Aza a ugbamukaci a̱ ga̱va̱ ka̱ mu ta̱ kpenleadama a na n yikpa̱ punu,o tono wila̱ u nu ba.⁸⁶Kadanshi ka̱ nu ra̱ka̱ili i kuzuwaka katsura kaꞋa,ɓa̱nka̱ mu, irala i va̱ i takacika mu ta̱ ko unushi,⁸⁷Kenu ɗa ubuwai o kotso nu mpa aduniyan,ama mpa n ka̱sukpa̱ ili i kutono i nu ba.⁸⁸Adama a ucigi u nu una u tsu sabaꞋa ba,wawa wuma u va̱,ka̱ta̱ n tono kadanshi ka̱ una̱ u nu.

Uneki u ka̱ɗu a̱ wila̱ u Vuzavaguɗu

⁸⁹Vuzavaguɗu, kadanshi ka̱ nuki ta̱ lo ko wannai,ka shamgba ta̱ n utsura gaɗi.⁹⁰Ma̱riki ma̱ nu a tsukaya a kubana tsukaya ra̱ka̱,vu shikpa̱i aduniyanɗa tana a ɗa ashamgbai mayin.⁹¹Ili ra̱ka̱ yi ta̱ lo ali n gogo naadama afada a̱ nu,adama a na ili ra̱ka̱agbashi a̱ nu a ɗa.⁹²Ishi ba ci n ciya̱ ma̱za̱nga̱a̱ wila̱ u nu ba,mi ishi ta̱ a̱ ku kuwa̱a̱ ka̱tsuma̱ ka atakaci a̱ va̱.⁹³Mi a ku cinukpa n ili i kutono i nu ba,adama a i ɗa, ɗa vu erei wuma u va̱.⁹⁴Wawa mu, adama a na mpa wa̱ nu u ɗa mi,n la̱nsa̱ ta̱ ili i kutono i nu.⁹⁵Uma a gbani-gbanii ta̱ a kuvana una mu,ama n ciɓa ta̱ n kadanshi ka̱ nu.⁹⁶N zuwaka ta̱ a na ko ili,yi lo o kuyongo ko wannai ba,ama kadanshi ka̱ nu ki n uteku ba.

Ucigi u wila̱ u Vuzavaguɗu

⁹⁷Tsu na n cigai wila̱ u nu,n tsu ka̱na̱ ta̱ kushesheku u ɗa kanna dem.⁹⁸Kadanshi ka̱ nu ka zuwa mu ta̱n ciya̱i ugboji n laꞋi irala i va̱,adama a na makyan demkaꞋa ki ta̱ nu mpa.⁹⁹N ciya̱ ta̱ kuyeve n laꞋi nlum n va̱ ra̱ka̱,adama a na mi ta̱ e kusheshea ukuna u kadanshi ka̱ nu.¹⁰⁰N laꞋa ta̱ nkoshi m gba̱ra̱-gba̱ra̱ kuyeve,adama a na n zuwaka ta̱n ili i kutono i nu.¹⁰¹N tsu suma ta̱ kuyongo ku gbani-gbani,adama a na n tono kadanshi ka̱ nu.¹⁰²N vadalukpa ka afada a̱ nu kucina̱ ba,adama a na avu ɗa vu piꞋisakai mu.¹⁰³UyoꞋo u kadanshi ka̱ nu a̱ una̱ u va̱,u laꞋa ta̱ ishigi uyoꞋo.¹⁰⁴A̱ ubuta̱ wi ili i kutono i nu ɗa n ciya̱i kuyeve,adama a nannai n iwan ta̱uye wa aꞋuwa ra̱ka̱.

Wila̱ u Vuzavaguɗu kutashi ku ɗa

¹⁰⁵Kadanshi ka̱ nu ki ta̱tsu ma̱kuni e ene a̱ va̱,kutashi kpamu a uye u va̱.¹⁰⁶N kucina ta̱ kpamu ka shamgba ta̱a na ma kuzuwakan afada a̱ usuɓi u nu.¹⁰⁷Vuzavaguɗu n takacika ta̱ ka̱u,bonoko wuma u va̱ tsu kadanshi ka̱ nu.¹⁰⁸Vuzavaguɗu isa ili i na n kucinakai nupiꞋisaka mu afada a̱ nu.¹⁰⁹A makyan dem wuma u va̱wi ta̱ a̱ ka̱tsuma̱ ka̱ ma̱da̱ka̱,ama n cinukpa wila̱ u nu ba.¹¹⁰Uma a gbani-gbania zuwaka mu ta̱ maza,ama n katsukpa a ili i kutono i nu ba.¹¹¹Ili i na vu dansaiili yu uka̱ni i va̱ i ɗa ko wannai,ka ɗaɗa ma̱za̱nga̱ ma̱ ka̱ɗu ka̱ va̱.¹¹²N coꞋoko ta̱n ili i na vu dansai ko wannai.

Wila̱ u Vuzavaguɗu Ma̱ta̱na̱ maꞋa

¹¹³N iwan ta̱ uma a̱ una̱ ure,ama n ciga ta̱ wila̱ u nu.¹¹⁴Avu ɗa ubuta̱ u kusheɗeku u va̱m ma̱ra̱ga̱ ma̱ va̱,n keɗe ta̱ a̱pa̱Ꞌa̱ a kadanshi ka̱ nu.¹¹⁵YaꞋin daꞋangi nu mpaa̱ɗa̱ uma a gbani-gbani,adama a na n tonokadanshi ka̱ Ka̱shile ka̱ va̱.¹¹⁶Neke mu wuma tsu navu yaꞋin kadanshi,adama a na n ciya̱ wuma,ka̱ta̱ vu ka̱sukpa̱ mu n yaꞋan wonoa̱ a̱pa̱Ꞌa̱ a na n keɗei ba.¹¹⁷Ka̱na̱ mu, adama a na n ciya̱ wishi.N tono ili i na vu dansai ko wannai.¹¹⁸Vu iwan ta̱ aza a na a katsukpaiili i na vu dansai,adama a na ma̱ya̱nsa̱ka̱ me le gbani ɗa.¹¹⁹Vu tsu vakangu ta̱uma a gbani-gbaniaduniyan ra̱ka̱ tsa̱ a̱shinda̱,ɗaɗa i zuwai ɗa n cigaikadanshi ka̱ nu.¹²⁰Ikyamba i va̱ i jeꞋe ta̱adama o wovon u nu,kpamu mi ta̱ a kupanawovon wa afada a̱ nu.

Kutono ku wila̱ u Vuzavaguɗu

¹²¹N yaꞋan ta̱ ili yu usuɓi m mejege,ka̱ta̱ vu ka̱sukpa̱ muekiye a irala i va̱ ba.¹²²Ka̱sukpa̱ kagbashi ka̱ nuko yongo m ma̱ta̱na̱,ka̱ta̱ vu ka̱sukpa̱ azaa ugbamukaci o doro mu ba.¹²³A̱shi a̱ va̱ a̱ ga̱la̱ ta̱a kuvana wishi u nu,n kadanshi ku usuɓi ka̱ nu.¹²⁴yaꞋanka kagbashi ka̱ nutsu ucigi u nu u na u tsu sabaꞋa ba,vu piꞋisaka mu ili i na vu dansai.¹²⁵Mpa kagbashi ka̱ nu kaꞋa,neke mu cicoꞋo,adama a na n yeve kadanshi ka̱ nu.¹²⁶Vuzavaguɗu makyan ma yaꞋan ta̱a na va kuyaꞋan ili,adama a na uma o koɗo ta̱ wila̱ u nu.¹²⁷Adama a na n cigai ta̱kadanshi ka̱ nu ali u laꞋi azanariya,u laꞋi azanariya koci.¹²⁸Adama a na kpamu mi ta̱a kuzuwaka n ili i kutono i nu mayin,n iwan ta̱ ukuna wa aꞋuwa ra̱ka̱.

Mali mo kutono wila̱ u Vuzavaguɗu

¹²⁹Kadanshi ka̱ nu ili i mereve i ɗa,ɗaɗa i zuwai ɗa n zuwaikadanshi ka̱ nu a̱ ka̱ɗu ka̱ va̱.¹³⁰Ku utuka̱ kadanshi ka̱ nue keteshe ku tsu neke ta̱ kutashi,ku tsu neke ta̱ kuyeve u vuza na wi n kuyeve ba.¹³¹M apukai una̱ u va̱ ka̱u,n ka̱na̱i ayinviki gaɗi-gaɗi,adama a ucigi u kadanshi ka̱ nu.¹³²Kpatala wa̱ va̱vu yaꞋanka mu kasingai,tsu na wu untsukai vu yaꞋankaaza a na a cigai kula ku nu.¹³³Tono nu nwalu n va̱ tsu na vi yaꞋin kadanshi,ka̱ta̱ vu ka̱sukpa̱ ka gbani-gbani ka̱ ciya̱ mu ba.¹³⁴Shiba̱ mu ekiye aza o modoruko,ka̱ta̱ n zuwaka n ili i kutono i nu.¹³⁵YaꞋan kutashi ku nu ku akanaa̱shi a kagbashi ka̱ nu,ka̱ta̱ vu piꞋisaka mu ili i na vu dansai.¹³⁶Kujilya a̱ kutsuwa̱na̱ a̱shi a̱ va̱ tsu mini,adama a na uma o tono wila̱ u nu ba.

Ma̱riki ma̱ wila̱ u Vuzavaguɗu

¹³⁷Vuzavaguɗu, avu vuza vu usuɓi ɗa,afada a̱ nu kpamu i ta̱ mejege.¹³⁸Kadanshi ka na vu nekei ra̱ka̱, ku usuɓi kaꞋa,kpamu ili i kuzuwaka katsura kaꞋa.¹³⁹Mali ma̱ va̱ wa̱ numa takacika mu ta̱,adama a na irala i va̱i iwan ta̱ kadanshi ka̱ nu.¹⁴⁰O kondo ta̱ kadanshi ka̱ nu mayin,kpamu mpa kagbashi ka̱ nu n ciga ta̱ kaꞋa.¹⁴¹Mpa ili i yoku i ɗa ba, ili i kugoyi,ama n cinukpa n ili i kutono i nu ba.¹⁴²Usuɓi u nu, usuɓi u ɗa ko wannai,wila̱ u nu mayun ɗa ayin dem.¹⁴³Mi ta̱ n atakacin una̱mgbuka̱tsuma̱,ama kadanshi ka̱ nu keci neke mu ta̱ ma̱za̱nga̱ a̱ ka̱ɗu.¹⁴⁴Kadanshi ka̱ nu ki ta̱ mejege ko wannai,ke ci neke mu ta̱ kuyeveadama a na n ciya̱ wuma.

Avasa a̱ kula̱nsa̱ wishi

¹⁴⁵Vuzavaguɗu, ushuku mun ka̱ɗu ka̱ va̱ kaꞋa ra̱ka̱ mi a̱ ma̱shi,mi ta̱ o kutono ili i na vu dansai.¹⁴⁶Mi ta̱ e meɗevile wa̱ nu, wawa mu!Ka̱ta̱ n tono kadanshi ka̱ nu.¹⁴⁷Kafu kayin ka asa n shika̱ ta̱ a̱ kula̱nsa̱ uɓa̱nkin keɗe ta̱ a̱pa̱Ꞌa̱ a kadanshi ka̱ nu.¹⁴⁸Kayin ra̱ka̱ n lata ba,e kusheshe a ukuna wuuzuwakpani u Vuzavaguɗu.¹⁴⁹Pana ka̱la̱ka̱tsu ka̱ va̱adama a ucigi u nuu na u tsu sabaꞋa ba,ere wuma u va̱ tsu afada a̱ nu.¹⁵⁰Aza a gbani-gbani a naa takacikai mu,a yawa ta̱ ɗevu,uma a na i daꞋangi n wila̱ u nu.¹⁵¹Ama avu Vuzavaguɗu, vi ta̱ ɗevu,kadanshi ka̱ nu kpamu mayun ɗa.¹⁵²Ali n cau ɗa n yevei a kadanshi ka̱ nu,vu zuwa ta̱ kaꞋa ko wannai.

Ufolu adama a̱ uɓa̱nki

¹⁵³Indana atakaci a̱ va̱ ka̱ta̱ vu isa mu,adama a na n cinukpa n wila̱ u nu ba.¹⁵⁴Shamkpa mu ka̱ta̱ vu shiba̱ mu,ere mu tsu na vu dansai.¹⁵⁵Wishi wi ta̱ daꞋin n aza agbani-gbani,adama a na a̱ la̱nsa̱ e yeve ili i na vu dansai ba.¹⁵⁶Vuzavaguɗu, asuvayali a̱ nu a gbayin a ɗa,ere wuma u va̱ tsu afada a̱ nu.¹⁵⁷Irala i na yi a kutakacika mu, i ta̱ n a̱bunda̱i,ama n katsukpa kadanshi ka̱ nu ba.¹⁵⁸Mi indai aza a kavamaɗa m panai unata u le,adama a na o tonokadanshi ka̱ nu ba.¹⁵⁹Vuzavaguɗu la̱na̱ tsu nan cigai ili i kutono i nu,ere wuma u va̱ tsuucigi u nu u na u tsu sabaꞋa ba.¹⁶⁰Kadanshi ka̱ nu ra̱ka̱ mayun ɗa,afada a usuɓi a̱ nu ko wannai ɗa.

Kubonoko ku ka̱ɗu a̱ wila̱ u Vuzavaguɗu

¹⁶¹Aza o tsugono a kutakacika mu ko unushi,ama ka̱ɗu ka̱ va̱ ki ta̱o wovon u kadanshi ka̱ nu.¹⁶²Mi ta̱ a̱ ma̱za̱nga̱ n a̱bunda̱in kadanshi ka̱ nu,tsu vuza na u ciya̱i ucanukuu gbani n a̱bunda̱i.¹⁶³N kovo ta̱ aza aꞋuwa,kpamu n tsu pana ta̱ unata u le,ama n ciga ta̱ wila̱ u nu.¹⁶⁴A kanna lakam n ci cikpa wu ta̱ kucindere,adama afada a usuɓi u nu.¹⁶⁵Aza a na a cigai wila̱ u nua̱ ciya̱ ta̱ ida̱shi i ma̱ta̱na̱ ka̱u,kpamu ko ili yi lo a kuzuwa le a̱ ta̱ɗa̱tsa̱ ba.¹⁶⁶vuzavaguɗu, mi ta̱ a kuvana wishi u nu,mi ta̱ o kutono kadanshi ka̱ nu.¹⁶⁷N tono ta̱ kadanshi ka̱ nu,n ciga ta̱ kaꞋa n ka̱ɗu ke te.¹⁶⁸N zuwaka ta̱n ili i kutono i nun kadanshi ka̱ nu,adama a na vu yeve ta̱ili i na mi a kuyaꞋan ra̱ka̱.

Avasa a̱ kula̱nsa̱ uɓa̱nki

¹⁶⁹Vuzavaguɗu, yaꞋan ma̱shi ma̱ va̱ma yawa wa̱ nuneke mu kuyeve tsu na vu dansai¹⁷⁰YaꞋan ufolu u va̱ u ta̱wa̱ wa̱ nu,isa mu tsu na vu yaꞋin kadanshi.¹⁷¹YaꞋan nla̱ba̱ ma̱ una̱ u va̱ u cikpa wu,adama a na vu piꞋisaka mu ili i na vu dansai.¹⁷²YaꞋan kelentsu ka̱ va̱ ka canana kadanshi ka̱ nu,adama a na kadanshi ka̱ nu ra̱ka̱ ku usuɓi kaꞋa.¹⁷³YaꞋan kukiye ku nu kuyongoufoɓushi kuɓa̱nka̱ mu,adama a na n zagba ta̱ ili i kutono i nu.¹⁷⁴Vuzavaguɗu, mi ta̱ a mali ma wishi u nu,n ci ciya̱ ta̱ ma̱za̱nga̱ n wila̱ u nu.¹⁷⁵Ka̱sukpa̱ mu n wuma,adama a na n cikpa wu,kpamu yaꞋan afada a̱ nu a̱ ɓa̱nka̱ mu.¹⁷⁶M puwa̱nka̱ ta̱ tsu mokyonma na ma̱ puwa̱nka̱i.La̱nsa̱ kagbashi ka̱ nuadama a na n cinukpa n kadanshi ka̱ nu ba.