Katagarda ka Ansa20
1Ma̱kya̱n ili modoruko i ɗa, ili ku soꞋo yu utsura i tuka̱ n vishili i ɗa,Yaba dem vu na ma vakangi wi nu ugboji ba.2Usuɗukpi u wupa u mogono u tsu zuwa ta̱ kujeꞋe ke ki ikyamba, uteku tsu yura̱ i kawu,yaba dem vu na u zuwai ni wupa wi ta̱ a ku kuwa̱.3Ili i tsugbayin i ɗa vuma wu utuka̱ ka̱cika̱ni ubuta̱ u vishili.4Vuza wonvoli u tsu cimba kashina n lyushi ba,ka̱ta̱ ayin a vukyaꞋa a yawa baci wo okpo lekeɗi.5Kusheshe ku ka̱ɗu ku vuma ki ta̱ an mini mu uga̱vi,vuza na wi n kuyeve ɗa koci wi a kurono maꞋa.6Uma n a̱bunda̱i a tsu sala ta̱ ukuna wu ucigi u le,ama yayi wa kufuɗa kuciya̱ vuma vu usuɓi?7Vuza usuɓi u ci yaꞋan ta̱ nwalu n singai,aza una̱singai a ɗa muku n na mi a̱ kuta̱wa̱ n ka̱ca̱pa̱ ka̱ni.8Mogono ma na mi ida̱shi a kakuba ka afada,n a̱shi a̱ ni ɗa wi a̱ ku utuka̱ aza gbani-gbani ra̱ka̱.9Ya yi wa kufuɗa wa dana, <<Mpa n ciɗatangu ta̱ ka̱ɗu ka̱va̱,m buwa nu unushi u yoku ba>>?10Kagisamkpatsu ka uwa n ka modoruko,ra̱ka̱ vu le ili yu unata i ɗa u Vuzavaguɗu.11A tsu yeve ta̱ muku n kenken a ubuta̱ wu ukuna wi ili i na u tsu yaꞋansa,i ta̱ a kufuɗa kuyeve ko kuyongo ku le ku singai ku ɗa, ko ku mejege.12Atsuvu adama a kupana, a̱shi kpamu adama e ku ene,Vuzavaguɗu ɗa u yaꞋin le ra̱ka̱.13Ka̱ta̱ vo okpo vuza va alavu ayin tutu ba, adama ana talo unambi wi a̱ ku ka̱na̱ wu.ɓa̱yuwa̱ a̱shi a̱ nu, vi ta̱ a̱ kuciya̱ ilikulya ya a̱bunda̱i.14<<Katsuli ka tsu dana ta̱ ili ya i gaꞋan ba, ko kenu,>>ama makyan ma na baci u lazai, ka̱ ta̱ u yaꞋan a̱ra̱ɗi u dana u ciya̱ ta̱ ili i singai.15Azanariya n atali a singai i ta̱ lo gbani,ama una̱ u na u tsu dansa ka kuyeve, u laꞋa le ta̱ n ku gaꞋan ra̱ka̱.16Isai motogu ma vuza na u shamgbai tsu magan mo komoci ka na kalyaꞋi kutan,remei ucanuku u ni wo okpo magan adama o komoci ka.17Ilikulya i na a̱ ciya̱i a uye wa a uwa yi ta̱ n uyoꞋo u kulya ka̱u,ama a ukocishi wita̱ o ku okpo an kayala a una̱.18N odoki a ɗa kakuna ka tsu gaꞋan,la̱nsa̱ odoki a ugboji kafu vu bana kuvon.19Vuza na u tsu ka̱ra̱Ꞌa̱ n udansai a uwa, u tsu palukpa ta̱ ili i na yi u sokongi,adama nanai, yaꞋan dangi n vuza vu motonu ma̱ a̱bunda̱i.20Ɗa baci vuza u shikai dada ni ko a̱na̱kpa̱ ni,ma̱kuni ma̱ ni mi ta̱ a̱ ku kuwa̱ e mere ma ka̱yimbi.21Ili yu uka̱ni i na a̱ ciya̱i gogoꞋo a ugiti,wi o ku okpo wu una̱singai a ukocishi ba.22Ka̱ta̱ vu dana, <<Mi ta̱ a kutsupa ka gbani-gbani,>>Ama ka̱sukpa̱ Vuzavaguɗu, a̱ yi ɗa u ku wawa wu.23Kagisamkpatsu ka a uwa ili yu unata i ɗa u Vuzavaguɗu,kagisamkpatsu ka uwa ka gaꞋan ba.24Nwalu n vuma dem, Vuzavaguɗu ɗa u foɓusoi,ni ɗai vuma u kufuɗa kuyeve uye una wi o kutono?25Maza maꞋa u vuma u reme ili i yoku babu kushesheka̱ta̱ n ka̱ca̱pa̱ kpamu u ciɓa n uzuwakpani u ni.26Mogono mu ugboji ma tsu utuka̱ ta̱ uma a gbani-gbani,ka̱ta̱ kpamu u takacika le babu asuvayali.27Ayinviki a vuma kutashi ku ɗa ku Vuzavaguɗu,u tsu la̱na̱ ta̱ ali a̱ ka̱ɗu ka̱ ni n kusheshe ku ni.28Ucigi koɓolo n kamayun ka tsu kanza ta̱ mogono,kakuba ko tsugono ka̱ ni ka shamgba a ubuta̱ wu ucigi.29UgaꞋin wa a̱ɗa̱nga̱ni wi ta̱ a utsura u le,ama ugaꞋin wu nkoshi tankpamu wu ɗa ɗa ka̱nji ka̱ri.30Ulapi wu usuɗukpi u tsu utuka̱ ta̱ ka gbani-gbani,u tsu ciɗatangu ta̱ ka̱ɗu n kusheshe ra̱ka̱.