Read Katagarda ka ISHAYA 62

Katagarda ka ISHAYA62

Kula ku savu ku Sihiyona

¹Adama a Sihiyona mpa ma kupaɗa bini ba,adama a Urushelima kpamu mpa mo kokpo bini feu ba,sai ayin a na kasingai ka̱ ni ka akanai tsu kutashi,wishi u ni kpamu tsu ma̱kuni ma na mi utasiki.²Aduniyan i ta̱ e kene kasingai ka̱ nu,ka̱ta̱ ngono dem me ene tsugbayin tsu nu,i ta̱ kpamu e kuɗeke wu n kula ku savukula ku na Vuzavaguɗu n ka̱ci ka̱ ni u kuneꞋe wu.³Vi ta̱ o kokpo oroliko o tsuloboi a̱ ubuta̱ we ekiye a Vuzavaguɗu,koɓolo m ma̱kun mo tsugono e ekiye a̱ Ka̱shile ka̱ nu.⁴O kudoku e ɗeke wu Kagali ba ko iɗika i na i na̱mgba̱i ba,Ama kula ku savu ku nu ku ɗaɗa iɗika i ma̱za̱nga̱ i Ka̱shilen vuka vu savu vu Ka̱shileadama a na Vuzavaguɗu wi ta̱ a kupana uyo n avu,ka̱ta̱ u bonoko wu,vuka vu savu vu Ka̱shile.⁵Tsu na maku ma vali ma tsu zuwa ka̱ɗu ka̱ ni a̱ ubuta̱ u vuka vu savu vi ni,tsu nanlo tsu ɗa muku n nu n kutono wu,tsu na vuza vu vuka vu savu u ci yaꞋan ma̱za̱nga̱ adama a vuka vu savu vu ni,nannai ɗa Ka̱shile ka̱ ɗa̱ ka kuyaꞋan ma̱za̱nga̱ n avu.⁶N zuwa ta̱ aza a kindi a nshilya n ɗa̱, avu Urushelima,a kupaɗa bini n kanna ko n kayi ba.A̱ɗa̱ vu na i zuwai Vuzavaguɗu wi a kuciɓasa n a̱ɗa̱,ka̱ta̱ yu uvuka ba,⁷ka̱ta̱ i neke Vuzavaguɗu wuvuki ba, sai ayin a na u zuwai Urushelima u shamgbai,ali u zuwa wo okpo ubuta̱ u kucikpa punu a aduniyan dem.

⁸Vuzavaguɗu u kucina ta̱ n kukiye ku usingai ku nikoɓolo n kubolu ku gbayin ku ni,<<Mi o kudoku me neke ili i kashinawa aza na i a tsurala n a̱ɗa̱ ba,omoci o kudoku kusoꞋo ma̱ra̱ma na a̱ɗa̱ i yaꞋin ba,⁹ama aza a na a kyaꞋi va i ta̱ a a kulyaꞋa i ɗaka̱ta̱ a cikpa Vuzavaguɗu,aza na kpamu o ɓolongi umaci wu nɗanga u na u geꞋwei va i ta̱ a kulyaꞋa u ɗa,punu a ulanga u ma̱va̱li ma̱ va̱.>>

¹⁰Walai punu, walai punu n utsutsu wa,lapulakai uma uye.Zamai, zamai uye u gbayin,takpai atali a.Zuwai akashi a urotu adama a na aduniyan ra̱ka̱ e ene.

¹¹Vuzavaguɗu u dansa ta̱ ɗea̱ ubuta̱ wa aduniyan ra̱ka̱.<<Dana uma a Sihiyona,<Indanai, Kishi ka̱ ɗa̱ ki ta̱ lo a̱ kuta̱wa̱,wi ta̱ koɓolo n katsupu ka̱ ni a̱ kuta̱wa̱.> >>¹²I ta̱ e kuɗeke le uma a ciɗa,aza a na Vuzavaguɗu u shiba̱i,i ta̱ e kuɗeke Urushelima, ubuta̱ u malilikuci i na a iwain ba.