Read Katagarda ka ISHAYA 51

Katagarda ka ISHAYA51

Wishi u Sihiyona u na u kukpa̱ɗa̱ kukotso

¹<<Panakai mu, a̱ɗa̱ vu na yi a kuguva kasingai,ɗa kpamu yi a̱ kula̱nsa̱ Vuzavaguɗu,la̱na̱i a kakpanlai ka na e sheꞋwei ɗa̱koɓolo n ubuta̱ u ka̱ta̱mba̱ u na a̱ ga̱va̱i ɗa̱.²Indanai Ibirahi eshekpu a̱ ɗa̱,koɓolo n Saratu a̱yi na u matsai ɗa̱.A ayin a na n ɗekei ni wi m maku ba,ama ɗa n zuwakai ni una̱singai ɗa n doku n zuwai kumaci ku ni ku yimkpai n ka̱bunda̱i.³Adama a na Vuzavaguɗu wi ta̱ e kuneke Sihiyona kadanshi ku uremi u ka̱ɗuka̱ta̱ kpamu wi indana agali a̱ ni ra̱ka̱ n asuvayali,u bonoko kakamba ka̱ ni tsu Adini,akamba a̱ ni o bono tsu kashina ka Vuzavaguɗu.A̱ kuciya̱ ta̱ ma̱za̱nga̱ n izoshi wa̱ ni,koɓolo n kucikpa ali n ishipa.

⁴<<Panakai mu uma a̱ va̱,ka̱ta̱ i zuwaka mu atsuvu, a̱ɗa̱ aduniyan a̱ va̱,adama a na mi ta̱ e kuneke wila̱,ka̱ta̱ n zuwa kasingai ka̱ va̱ ko okpo kutashi a̱ ubuta̱ u uma.⁵Usuɓi u va̱ wi ta̱ lo a kuyawa ɗevu m moloko,wishi u va̱ wi ta̱ lo a uye a̱ kuta̱wa̱,obolu a utsura a̱ va̱ i ta̱ a̱ kutuka̱ aduniyan n kasingai.Aza a na i ida̱shi a ka̱kina̱ ka̱ mini i ta̱ e kukeɗe a̱pa̱Ꞌa̱ wa̱ va̱,ka̱ta̱ kpamu a vana obolu a utsura a̱ va̱.⁶Ɗengusa̱i a̱shi a̱ ɗa̱ gaɗi zuva,ka̱ta̱ yi inda ɗaka vi iɗika,adama a na gaɗi wi ta̱ a̱ kupuwa̱nka̱ tsu ka̱nga̱,ka̱ta̱ iɗika i shama tsu kakashi,ka̱ta̱ aza a na i o kuyongo punu a̱ kuwa̱ tsa ayun.Ama wi ishi u va̱ wi o kukotso ba,usuɓi u va̱ feu wo kokpo uye ba.

⁷<<Panakai mu, a̱ɗa̱ vu na i yevei kasingai,a̱ɗa̱ aza na yi n wila̱ u va̱ a̱ a̱ɗu a̱ ɗa̱,Ka̱ta̱ i pana wovon wu ujari u uma bako wovon wi ishikushi i le ba.⁸Adama a na kayan ki ta̱ a kutakuma le tsu kuminya,ka̱ta̱ okpoɗou o sovo le o okpo an tsugbere,ama usuɓi u va̱ wi o kukotso ba,wishi u va̱ feu wi ta̱ o kuyongo ko wannai.>>

⁹Jimgba, jimgba, Vuzavaguɗu, ɗengusa̱ obolu a̱ nu n utsura,ɗa̱nga̱ tsu ayin cau,tsu na ili yi ishi n tsumani.Avu ɗa vu gbatyai Rahapu miri-miri ba,yayi u gbatyasai ka̱di ka nanlo ka?¹⁰Avu ɗa vu ɗekpetengi mala ma ba,mini ma na mi n uga̱vi ka̱u,yayi u yaꞋin uye punu a mala mu uga̱viadama a na aza a na a̱ ciya̱i ushibi a pasa punu?¹¹Ka̱ta̱ aza a na a̱ ciya̱i wishi u Vuzavaguɗu o bono.I ta̱ a kuꞋuwa a Sihiyona n ishipa,ma̱za̱nga̱ ma babu kukotso mi ta̱ o kokpo le tso oroliko.Uyo m ma̱ta̱na̱ mi ta̱ a̱ kuta̱wa̱ we le,ka̱ta̱ una̱mgbuka̱tsuma̱ n unambi u ma̱za̱nga̱ u kotso.

¹²<<Mpa ɗa vuza na n tsu dokusu wu ka̱ɗu utsura,avu ɗa ya vu pana wovon u vuza na wi a̱ kukuwa̱,umaci u vuma u na wi uyaꞋin tsu mita̱?¹³Ali ɗa vu cinukpai n Vuzavaguɗu, Vuza na u yaꞋin nu,a̱yi na u ba̱rukpa̱i gaɗiɗa kpamu u varai kumi ka aduniyan,ɗa vi a kulyaꞋa kelime n kupana wovon ali a kanna ka̱ɓa̱la̱adama a wupa u vuza gbani-gbani,vuza na u zuwai ɗe ka̱ci ka̱ ni a uye u na u kukuwa̱?Ama te ɗai biꞋi wupa u vuza gbani-gbani wa wi?¹⁴Aza a na i a kutakacika i ta̱ a kuyaꞋan uba̱ruwi gogoꞋo,i ta̱ a kuyaꞋan ayin a̱ a̱bunda̱i n wumaka̱ta̱ kpamu a lyaꞋa ilikulya i na a cikalai.¹⁵Adama a na mpa ɗa Vuzavaguɗu Ka̱shile ka̱ nu,vuza na u tsu vura̱ mala ka̱ta̱ aɓau a̱ ni a̱ shida̱,Vuzavaguɗu MalaꞋimili ɗa kula ku va̱.¹⁶Mpa n zuwa ta̱ kadanshi ka̱ va̱ punu a̱ una̱ u nu,ɗa m palai nu n kululu ku kukiye ku va̱.Mpa na n yaꞋin gaɗiɗa kpamu n varai kumi ka aduniyan,a̱yi na u danai Sihiyona, <A̱ɗa̱ ɗa uma a̱ va̱.> >>¹⁷Jimgbai, jimgbai,Ɗenga̱ kashani, avu Urushelima,avu na vu soꞋi ɗe e kukiye ku Vuzavaguɗu,moko ma wupa ma̱ ni,avu na vu soꞋi ali vi teneꞋikeɓeletsu ka na ka tsu zuwa uma ma maka le.¹⁸A̱ ka̱tsuma̱ ka limata i nubabu vuza te vu na u buwai a na wa kinda wu,muku n na vu woꞋi dembabu kpamu vuza te vu na u kuɓa̱na̱ yi kukiye a̱ ka̱tsuma̱ ke le¹⁹Ili i re i nampa ya i ta̱wa̱ ta̱ wa̱ nu,yayi u kudokusu wu utsura u ka̱ɗu?Kula̱nga̱su m munuka, n kambulu n kuvon,yayi u kudokusu wu utsura u ka̱ɗu?²⁰Muku n nu n lima̱ ta̱,a vaku ta̱ a nsanji mu uye dem,tsu mereꞋen ma na mazai a̱ bilili,i ta̱ tukpa n wupa u Vuzavaguɗu,n Uɓarangi u Ka̱shile ka̱ ɗa̱.²¹Adama a nannai pana ukuna u nampa, a̱ɗa̱ na i ci yaꞋan kagbanigbani,yo okpoi osoꞋi ama ba kusoꞋo ku ma̱ra̱ ba.²²Na ɗa ili i na Vuzavaguɗu MalaꞋimili u danai,Ka̱shile ka̱ ɗa̱ ka na ko tsu folono adama a uma a̱ ni u danai,<<La̱na̱, n takpa ta̱ kaꞋa ekiye a̱ numatan ma na ma tsu zuwa vo okpo adanshi ma̱ra̱ ma maka wu ta̱ va,keɓeletsu ka wupa u va̱ ka na vi ishio kusoꞋo va ka buwa ba.²³Mi ta̱ a kukucukpa ma zuwa matan ma e ekiye a aza a na i a kutakacika wu,aza na a danai nu,<Kuɗa̱ngu adama a na tsu wala gaɗi vu nu.>Ɗa ta na vu zuwai kokondo ka̱ nu ci iɗika,tsu uye adama a na uma a wala.>>