Read Katagarda ka ISHAYA 2

Katagarda ka ISHAYA2

Kusan ku Vuzavaguɗu

¹Na ɗa kene ku na Ishaya maku ma Amazo me enei adama a Yahuda n Urishelima.

²A kanna ku uteku,kusan ku kpaꞋa ku Vuzavaguɗu ki ta̱ a kuyaꞋan ugiti,ki ta̱ o kokpo ku gbayin wa aza a na a buwai,ka̱ta̱ a̱ ɗengusa̱ ku ɗa ku laꞋa nsasan n na m buwai dem,ka̱ta̱ kpamu iɗika kakau i na i buwai n a̱bunda̱i i shida̱ ɗe.

³Uma n a̱bunda̱i i ta̱ a̱ kuta̱wa̱ ka̱ta̱ a dana,<<Ta̱wa̱i tsu banai a̱ ubuta̱ u kusan ku Vuzavaguɗu,a kpaꞋa ku Ka̱shile ka Yakubu.Adama a na u yotsongu tsu uye u ni,ka̱ta̱ a̱ tsu tsu tono ura̱ u ni.>>Wila̱ u Vuzavaguɗu wi ta̱ a̱ kuta̱ a Sihiyona,ka̱ta̱ kadanshi ka̱ ni kuta̱ a Urishelima feu.⁴Wi ta̱ a kuyaꞋanka iɗika kakau afada,ka̱ta̱ kpamu u tatsukpa vishili u uma n a̱bunda̱i.I ta̱ a kulapa otokobi e le a̱ ka̱ta̱la̱ a ɗa,ka̱ta̱ kpamu a jara nsara n le mo okpo tsu nkaun n kugeceke ili.Iɗika yo kudoku ya̱ shilika̱ n iɗika i yoku ba,ko o doku o yotsongbonoi tsu na a kuyaꞋan kuvon kpamu.

⁵A̱ɗa̱ ntsukaya n Yakubu,ta̱wa̱i tsu walai a̱ ubuta̱ u kutashi ku Vuzavaguɗu.

Kanna ka Vuzavaguɗu

⁶Mayun Vuzavaguɗu vu ka̱sukpa̱ ta̱ uma a̱ nuaza a kpaꞋa ku Yakubuadama a na a shana ta̱ n ukuna u tsuboci wa aza a kasana,o yongoi a kuyaꞋansa ulinga u kula̱na̱ tsa aza A̱filisiya̱ɗa o ɓolongi una̱ n aza o kutono a̱ma̱li.⁷Iɗika i le i shana ta̱ n Azurufa koɓolo n azanariya,uciyi u le wi n uteku ba.Iɗika i le i shana ta̱ n odoku,ekeke o odoku e le i n uteku n kula ba.⁸Iɗika i le i shana ta̱ n a̱ma̱li kakau,a ci cikpa ta̱ ili i na a yaꞋin n ka̱ci ke le,i na ekiye e le a yaꞋin.⁹Adama a nannai i ta̱ o kubonoko vuma ukuna u gbani,umaci u vuma dem u ciya̱ ugoyi,adama a nannai ka̱ta̱ vu cinukpaka le ba.

¹⁰Banai i uwa a akpanlaika̱ta̱ i sheɗeku punu a kayala,adama o wovon u Vuzavaguɗukoɓolo n ugaꞋin u tsugbayin u ni.¹¹A̱shi a vuza va a̱ra̱ɗi i ta̱ a̱ kuciya̱ kugoyi,ka̱ta̱ a̱ra̱ɗi a uma a yaꞋan ucipiki,ka̱ta̱ yeve Vuzavaguɗu endeꞋen u ciya̱ ucikpi a kanna ka nanlo.

¹²Vuzavaguɗu MalaꞋimili u zagba ta̱ ɗe kannaka na aza a na i n a̱ra̱ɗi n ugbamukaci,ele na a tsu kungbasa ka̱ci ke lera̱ka̱ ci le i ta̱ a kuyaꞋan ugoyi.¹³Uma a ugaɗi tsu nɗanga n sida n Lebano i ta̱ a kuyaꞋan wuni,nannai ɗa feu a kuyaꞋan n uma a gbagbaꞋin ra̱ka̱ a na i tsu nɗanga n Oku ma aza a Bashan,¹⁴nu nsasan mu ugaɗi demali n aginda a ugaɗi feu,¹⁵mashilya mu ugaɗi de demkoɓolo m mashilya ma gbayin,¹⁶n antsu a gbagbaꞋin a̱ mini dem a na i a Tarishin antsu e kenkeꞋen a singai feu.¹⁷Ugbamukaci u vuma wi ta̱ a̱ kuciya̱ kugoyi,ka̱ta̱ a̱ra̱ɗi a uma a yaꞋan ucipiki,ka̱ta̱ yeve Vuzavaguɗu endeꞋen u ciya̱ ucikpi a kanna ka nanlo,¹⁸ka̱ta̱ a̱ma̱li a̱ puwa̱nka̱ gbende-gbende.

¹⁹Uma i ta̱ a kusuma a kuꞋuwa a aɓatsu punu a akpanlaikoɓolo n enle punu a iɗika,adama a wovon u Vuzavaguɗukoɓolo n ugaꞋin u tsugbayin u nia ayin a na baci u ɗa̱nga̱i ɗa u gba̱ɗa̱i iɗika.²⁰A kanna ka nanlo uma i ta̱ a kuvakankumpopi n a̱zuwa̱a̱ma̱li a na a yaꞋin n Azurufa n a na a yaꞋin n azanariya dem,a na a yaꞋankai ka̱ci ke le adama a na a cikpa.²¹I ta̱ a kusuma kubana a aɓatsu a gbagbaꞋina na i a akpanlai n amgbuadama o wovon u Vuzavaguɗukoɓolo n ugaꞋin u ni,a ayin a na baci u ɗa̱nga̱i kugba̱ɗa̱sa̱ iɗika.²²ka̱sukpa̱ kuneke katsura ka̱ nu u vuma,a̱yi na wi n ikyamba nu mpasa.A̱yi yiɗa̱i tamkpamu wi?