Katagarda ka ISHAYA12
Ishipa i kucikpa
1A kanna ka nanlo avu vi ta̱ a kucanana,<<Mi ta̱ a kucikpa wu Vuzavaguɗu,ko a na vi a wupa nu mpa.Wupa u nu u laza ta̱ɗa avu vu nekei mu kadanshi ku uremi u ka̱ɗu.2<<Mayun Ka̱shile kaꞋa kishi ka̱ va̱.Mi ta̱ a kuzuwa ka̱ɗu ka̱ va̱ ma kupana wovon ba.Adama a na Ka̱shile Vuzavaguɗu a̱yi ɗa katsura ka̱ va̱ n vishipa vu va̱.A̱yi ɗa wo okpoi kishi ka̱ va̱.>>3M ma̱za̱nga̱ ɗaɗa ve kukenuku mini a ayinva a̱ wishi.4A kanna ka nanlo vi ta̱ a kudana,<<Cikpai Vuzavaguɗu,ɗeke kula ku ni,ka̱sukpa̱ uma aduniyan e yeve i na Vuzavaguɗu u yaꞋin a kubana u uma a̱ ni,i dana kpamu a cikpa kula ku ni.5<<Cananai vishipa a kubana u Vuzavaguɗu adama a na a̱yi u yaꞋan ta̱ ili i mereve.ka̱sukpa̱ aduniyan ra̱ka̱ e yeve i singai i na u yaꞋin.6Orukpoi ka̱ta̱ i canana vishipa adama a̱ ma̱za̱nga̱, uma o Sihiyona.Adama a na a̱yi vuzagbayin ɗa a̱yi Vuza CIƊA vuza vi Isaraila a̱yi na wi o kuyongo e mere ma̱ nu.>>