Read Hosiya 13

Hosiya13

Wupa u Vuzavaguɗu wa aza a Isaraila

¹Ana Ifirayimu u yaꞋin kadanshi, ɗa uma a̱ ka̱na̱i kujeꞋeke ikyamba,a cikpa yi ta̱ a̱ ka̱tsuma̱ ki Isaraila.Ama u yaꞋan ta̱ unushi a̱ ubuta̱ u kutono ka̱ma̱li ka Balu, ɗa u kuwa̱i.²Ali n anana i ta̱ a kulyaꞋa kelime n kuyaꞋan unushi,ɗa u yaꞋankai ka̱ci ka̱ ni ka̱ma̱li,ayimi a na a fuɗai ɗa a ci yaꞋan ka̱ma̱li ka azurufa.a̱ma̱li a ra̱ka̱ ulinga we ekiye u ɗa.u tsu dana ta̱ uma e neke le alyuka,<<Oɓongu iyoci i kobomburon ka.>>³Adama a nannai i ta̱ o ko okpo tsu egele a usana,tsu ciza tsu na tsu laza gogo lo,tsu kopo ka na wunla̱i u tsu pura̱ a̱ ubuta̱ wu ulanga u kulapu ki ishina.tsu ka̱nga̱ e kenle.⁴Ama mpa ɗa Vuzavaguɗu Ka̱shila̱ ka̱ ɗa̱,ili i na i ɗikai a iɗika i masar.I yeve Ka̱shile koyoku ba sai mpa,mpa ɗa kishi koci babu koyoku.⁵Mpa ɗa n la̱na̱i ɗa̱ e meremune,a iɗika i na yi n mini ba.⁶Ama a na i ciya̱i uciyi wi ili i kuzuwa,i lyaꞋi ɗa i cuwa̱i, wuma u ɗa̱ u panai uyoꞋo,ɗa i yaꞋin a̱ra̱ɗi,i cinukpai nu mpa.⁷Mi ta̱ a̱ kuta̱wa̱ ɗa̱ tsu kawu,m puta̱ ɗa̱ tsu mesheꞋe ma kakamba.⁸Mi ta̱ a̱ kuta̱wa̱ le tsu Ka̱kunzu,ka na a̱ pura̱i muku n ni.mi ta̱ a ku saza nka̱nga̱ n le, n takuma le tsu kawu,tsu manama ma kakamba mi ta̱ a ku sazasa le.⁹A̱ɗa̱ uma a Isaraila, mi ta̱ a ku una ɗa̱,Yayi wi a kufuɗa kuɓa̱nka̱ ɗa̱?¹⁰Gogo na teɗai mogono ma̱ ɗa̱?Ɗekei ni adama a na u ɓa̱nka̱ ɗa̱,Te ɗai aza e kelime a̱ likuci i ɗa̱?Aza a na i folonoi mu n neke ɗa̱,<<YaꞋan ele a̱ ɓa̱nka̱ ɗa̱.>>¹¹N wupa u ɗa n nekei ɗa̱ mogono,ɗa mu n takpai ni n asuvusuɗukpi.¹²O ɓolongu ta̱ unushi wa aza a Ifirayimu,a zuwai unushi u le o mopon.¹³atakaci a̱ ta̱wa̱ yi ta̱ tsu vuka vu limata,ama wi ta̱ tsu maku ma na mi n ugboji ba,vuza na u iwain a matsai yi a makyan ma na ma gaꞋin.¹⁴M shiba̱ le a̱ ubuta̱ wu utsura wu ukpa̱N wawa le a̱ ubuta̱ wu ukpa̱Avu ukpa̱ teɗai ma̱dukpa̱ ma̱ nu?Kasaun teɗai munuka ma̱ nu mi?Mpa mi o kudoku kupana asuvayali e le kpamu ba.¹⁵Ko a na wo okpoi aza a Isaraila i ta̱ a kuyimkpa tsu mita̱,wunla̱i u kasana wi ta̱ a̱ kuzuwa le e ɗekpe.Wunla̱i u Vuzavaguɗu u ɗa u kulapa ɗe a kakamba.a̱shi a̱ mini i ta̱ e kuɗekpe,ayinva e le i ta̱ e kuɗekpe.wunla̱i wa wi ta̱ a̱ kupura̱ ucanuku u kuzuwa u singai u le ra̱ka̱,u la̱nga̱sa̱ ili i na i gaꞋin dem.¹⁶Aza a Samariya i ta̱ a ku isa katsupu ku unushi u le,adama a na yaꞋanka ta̱ Ka̱shila̱ ke le ugbami u kaci.I ta̱ a kubana ukpa̱ u kotokobi,i ta̱ a kuɓasangu su aci e nreɓu n le a iɗika,ka̱ ta̱ kpamu a ɓatsa a̱ma̱ci e le a na i n a̱tsuma̱.