1 TESALONIKA1
1We maneta pa mia na jemaati Tesalonika, aino nyontarai we mesomi we Yai Allai kong Sen Yesus Kristusi pa mia.
Weraungnei na antoru, aino yau Paulusi, Silasi kong Timotiusi. Antosanesara we Allai ne weweng dona pinoma pa kong ne madori piboki pa derua mia.Pelabuang na bendari Tesalonika pai2Antoru antorong we piboki pampang we Allai tutu mia mengkai kong antorao mia na antontandau pa rarong.3Wo antoru anemai mamo antosaneo pitoai piana metona pa tutu mendoao Kristusi pa, mia piana memariwa kangkuna tutu mesanewiwu we Allai kong nyontarai ea wauya, kong na menukepana mesanesara kangkuna we tane Sen Yesusi Kristusi na tane Yai Allai renapa.4Maneta we Allai anewiwu miapa, antoru antondearoana we I piana diri mia we ne nyontarai to.5Tutu Arera Weweng we antombuwui we mia nei na kawione meari wa, mana na Duainunung Mamarang ne paya pa donane, antoru antosanesara kia we pitarai na Arera Weweng pai. Mesaneaoa we topitotoi antoru mariwa we antondu we mene weweng pa na awe antonai kong mia pa.6Kong mia piana memunuara we piwe antoronapa kong we memunuara we Seni; na metadu uira we memba kia, toyana ki mana mia metamamang Allai ne Arera pai na mararising we Duainunung Mamarang pai dona pa.7Na toyana pa mia memunuara we nyontarai endoaoa pa kuira we enai na raora Makedonia kong Akayai pai.8Tutu na mia Seni ne Arera pa tetera na raora Makedonia kong Akaya meariwa, mana ra sisu nupa kai we piana antompaioa pa. Piyanapa meari wa mana kawio parari topitotoi mendoaoa na pitarai we Allai pa tato. Impaina antontopang pianea parari mia wa.9Wo mantau ya engkawiora we antoru, parari topitotoi metamamang we antoru na wemai pa kong topitotoi mempika nyombatangnai paya mae mesanetaweri wu Allai we wieng kong we pitaraipai, we mewesarawiri I,10kong we metamamang Allai Antung we ingkai riana Rora Marising ma pai, we piana doni suwi warui kaidapa, aino Yesusi, we piana periri tata warui Allai ne kayou kangkuna we ingkai ramapa.
Weraungnei na antoru, aino yau Paulusi, Silasi kong Timotiusi. Antosanesara we Allai ne weweng dona pinoma pa kong ne madori piboki pa derua mia.Pelabuang na bendari Tesalonika pai2Antoru antorong we piboki pampang we Allai tutu mia mengkai kong antorao mia na antontandau pa rarong.3Wo antoru anemai mamo antosaneo pitoai piana metona pa tutu mendoao Kristusi pa, mia piana memariwa kangkuna tutu mesanewiwu we Allai kong nyontarai ea wauya, kong na menukepana mesanesara kangkuna we tane Sen Yesusi Kristusi na tane Yai Allai renapa.4Maneta we Allai anewiwu miapa, antoru antondearoana we I piana diri mia we ne nyontarai to.5Tutu Arera Weweng we antombuwui we mia nei na kawione meari wa, mana na Duainunung Mamarang ne paya pa donane, antoru antosanesara kia we pitarai na Arera Weweng pai. Mesaneaoa we topitotoi antoru mariwa we antondu we mene weweng pa na awe antonai kong mia pa.6Kong mia piana memunuara we piwe antoronapa kong we memunuara we Seni; na metadu uira we memba kia, toyana ki mana mia metamamang Allai ne Arera pai na mararising we Duainunung Mamarang pai dona pa.7Na toyana pa mia memunuara we nyontarai endoaoa pa kuira we enai na raora Makedonia kong Akayai pai.8Tutu na mia Seni ne Arera pa tetera na raora Makedonia kong Akaya meariwa, mana ra sisu nupa kai we piana antompaioa pa. Piyanapa meari wa mana kawio parari topitotoi mendoaoa na pitarai we Allai pa tato. Impaina antontopang pianea parari mia wa.9Wo mantau ya engkawiora we antoru, parari topitotoi metamamang we antoru na wemai pa kong topitotoi mempika nyombatangnai paya mae mesanetaweri wu Allai we wieng kong we pitaraipai, we mewesarawiri I,10kong we metamamang Allai Antung we ingkai riana Rora Marising ma pai, we piana doni suwi warui kaidapa, aino Yesusi, we piana periri tata warui Allai ne kayou kangkuna we ingkai ramapa.
The Seed Company