Nunei Reantenangfo10
1Noki ne kaisung mantoru mani, Semi, Yafeti tuti Hami itone ririafoi mani sonina. Na foa fiabaifoi sirua kiai mani, itone kaisung manea kontai.2Yafeti ne ririafoi mani sonina. Yafeti dawingno Gomeri, Magoki, Madai, Yawani, Tubali, Meseki tuti Tirasi.3Tuti Gomeri dawingno Askenasi, Rifati, tuti Togarmai.4Mae Yawani dawingno Elisai, Tarsisi, Kitimi tuti Dodanimi.5Yawani ne riria nini saino ewe kaiwasa mano enayai na nafarengfo tuti wenufo. Yafeti ne ririfoi kiai mano eminohi na ene katai kariri ene ririafoi, ene kaiwo tateraifa tuti ene kaiwasa tateraifa.6Hami ne ririafoi mani sonina. Hami dawingno Kusi, Misraimi, Puti tuti Kanani.7Kusi ne arikang fosa mani, Sebai, Hawilai, Sabtai, Raemai tuti Sabtekhai. Raemai ne ririafoi mani, Syebai tuti Dedani.8Kusi ne arikang mang manei aha, wonong fino Nimroti, andino reantenang parifo mani weinontarai ne mambiriu we yu parenta na nunei.9I mani inontaraio wewonong sera we andowa terirai we miungsa, tuti wemambiriu paria weo Yahweh fiatari fefe. Nanai aino inontaraine emadu we manei mani eteyo, “Kadono Yahwei niari wau we inontaraio wewonomu we mung andowa terirai kariri Nimroti.”10Andino we mananu reantenang pari weparenta bendari Babeli, Erekhi tuti Akati, bendari nanai na kahofa Sineari.11Na Sineari, Nimroti da to Asyuri, na wanai biaung bendari Niniwe, Rehobot-Iri, Kalahi12tuti Reseni, bendari nini wiatai rahang bendari Niniwe tuti Kalahi. Bendari nanai kai mani bendario baba fine.13Misraimi ne ririafosa mani, inontarai Ludimi fosa, Anamimi fosa, Lehabimi fosa, Naftuhimi fosa,14Patrusimi fosa, Kasluhimi fosa tuti Kaftorimi fosa. Na inontarai nini saino eweriria we inontarai Filistini fosa ne.15Kanani ne kaisung mandu mani, Sidoni tuti Heti. Mayeai Sidoni tuti Heti une ririafoi mani,16Yebusi fosa, Amori fosa, Girgasi fosa,17Hewi fosa, Arki fosa, Sini fosa,18Arwadi fosa, Semari fosa tuti inontarai Hamati fosa. Kanani ne riria ninisa eha tatesa wairoi.19Ene kataifo mani, na Sidoni to do wanang sai foi to Gerari kefang we Gasa. Tuti to do wanang murangfoi to Sodomi, Gomorai, Admai, tuti Seboimi, kefang we Lasa.20Ampefe Hami ne ririafoi dinani, eaino eminohi na ene katai kariri ene ririafoi, tuti ene kaiwo tateraifa.21Semi mani, Yafeti ne tahafuai dine. Semi nini mani inontarai Eberi fosa ene wereng dine.22Semi ne kaisung fosa mani, Elami, Asyuri, Arpakhsati, Ludi tuti Arami.23Arami ne kaisung fosa mani, Usi, Huli, Geteri tuti Masi.24Arpakhsati dawingno Selahi, tuti Selahi dawingno Eberi.25Eberi ne kaisung mandu amani, manei wonong fino Peleki, weo rabuang bo saubaunungfo mani, inontarai na nunei ehatatesa, tuti mano fui foi mani wonong fino Yoktani.26Yoktani dawingno Almodadi, Selefi, Hasar-Maweti tuti Yerahi,27Hadorami, Usali, Diklai,28Obali, Abimaeli, Syebai,29Ofiri, Hawilai tuti Yobapi. Yoktani ne arikang sainanai kiai.30Inontarai ninisa enayai na Mesai paria sobu katai we uai na Sefari, do wanang murangfoi.31Ampefe Semi ne ririafoi dinani, eaino eminohi na ene katai kariri ene ririafoi, tuti ene kaiwo tateraifa.32Tonanaifa riria na Noki ne kaisung mantorufo. Tuti ehatatesa towana tonina na nunei, na kutu foa fiabaifoi sirufo. Inontarai nini saino ewe riria we kaiwasa sentenang na nufi nina.
The Seed Company