Read እብራውያን 2

እብራውያን2alw_wtw

ቀርቾን አመዕኔን ጡምተኔሃ

¹አይደጎ ነኡ ሞጮጭኖም ጠዊች ኤተሩ ዋልን ኡምባምበእገ አገዕሩ ሀስሰኖኔ።²መላይከ አዲን ኩለንቶ ላገት ሀንቂተ እኮጎሬ ህተ ላገተ ቶጉ ግበኖ መንቹ ሀስሰኖ ሃሊን ቀጠአመኖሃ እኮጎሬ³ነኡ ህከ ሎረ ጡሙ ሀምቦምጎሬ ሀት እንክ ፉሸእኖተ አታልናም? ከ ጡሙኔ ወዕና ኩሎኔሁ ቀርቹ ገዋስ፤ ህካን ጠረኝስ ኩልቶኔሩ እሲች ሞጮጭቶእሃ መነ።⁴ህትን መገኑሁ ህከን ጡምተኔሃ መላተ፥ አበ አጀብሲሰኖ ሆጎን፥ አደደ ገረምሲጬኖ ጠዊን፥ እስ ሀሾ ሃሊን ኣሴ ጠሊለ አያን ኣስቶን መሰከሮኡ።

መን ዘሬተ ጡምሳንቹ ኢሰ እሁስ

⁵ነኡ «ከ ኤተሩ አሜታአ» ይን ጠወዕናም ኣዱንያ አል መገኑ መላይከስ ጠቅቶተ ኣስዮበአ።⁶መጻፍ ኣዜን መቶ ቤቾን መቱ መንቹ«አት እሱ ሰው ይቶተ መኑ መርቾሃን?ህትን ጨነቀንቶስተ መን እለት መርቾሃን?⁷እሱንከ መላይካች ቀዎ ወክቲሃ ሆፍሶንትስ፤ኬዕምኝለከ ገለት ዘዉደሃ ዎርቶንትስ፤አንገክ ሆጎ አሌንን መክሶንትስ፤⁸መገኑ ጉዕመርቹንከ ሹምነቲችስ ዎሮን አቶንት» ህት ይ መሰከሮኡ።ጉዕመርቹንከ ደኞመስ ኣዜን አአኖረ፤ ዳኞማስ ኣዜን አኡዕነ ፌሾርቹ መቱርቹሁ ዮበአ። እኮጎሬ ቴሱ ጉዕሙርቹንኩ እስ ሹምነት ኣዜን እሁስ ለዕኖምበአ።⁹ጠው እኮጎሬ መገን ኣስቶን ጉዕማንከ መንተኔ ሬሁተ ለዕኖተ ቀዎ ወክቴን መላይካች ዎሮ አዲን እክ ለሌ ኢስ ሬሆ ኦርሸተ ቶጎቤቺሃ ኬዕምኝለከ ገለት ዘውደ ዎሮሃ ለዕናም። እስ መገን ኣስቶን ጉዕምኔተኔሃ ሬዮኡ።¹⁰መገኑ ጉዕመርቹንከ ከለቆ፤ ጉዕሙርቹንኩ ህትን ሄኦተ አዕዮ፤ ኢሰ ኦርሸ ኣዜን ህግሲን ጉዕመርቺሃ በቀዕዮሃ እሀኖገ አኡ እሲሃ ገበአኑሃን፤ መነ ጡምቤቹ አዎንሰኖሁለከ ልግብ ኦሱተ መገን ኬዕምኝ ቤቀንታገ አአኖሁ ኢሳት።¹¹መነ ጠሊላኑተ አአኖሳሁለከ እሶን ጠሊላኑተ እኮ መኑ መቶ አንተ ኦሱ፤ ህከን መሳን ኢስ እሰንተ «አመኤ ኦሶ» ይ ገኦተ ሙለኖበአ።¹²ህካን እኮቤቺሃ አን መገኒሃ«ሱዕመክ አመኤ ኦሶተ ኩላም፤አመዕናኖ ጭምት በላን ኬሳሃ ገለትጫንኬ» የኖ።¹³ህትን «አመዕነቱኤ እስ አሌን አኣም» ህትን «አንለከ መገኑ ኣሴኤ ኦሱት ሁኩዕኑን» የኖ።¹⁴ኦሱት ማሉለከ ቄጉ ዮእረ እኮገን ኢስሁ እሰገን መንቹ እኮ፤ ሁኩንን ሬሆንከስ ሬሆ አሌን ወልቀት ዮስ እልቢስ ቤሶታት።¹⁵ህትን ሄአኖ ዘማኔን ጉዕማንን ሬሆገ ዋጄኖ ሮሶመ ኣዜን ጠገንቶረ ጉዕመንከ ዎዝሃት።¹⁶ሀንቅ እሀኖረ ኢስ ሀሾ መላይከተ ሀዕሎተ እሁዕነ እብራሂም ዘርተ ሀዕሎታት።¹⁷ህካን እኮቤቺሃ ማርቱተ አአኖለከ አመዕነሞ ሎረ ቂስቹ እክ መገኒሃ አኦተለከ መን ጩብ አጉሮተ መ ጠዋኒ አመስ ኦሱተ አጉዱ ገበዕዮስ።¹⁸እስ ገዉንኩስ ፌተነም ኦርሸተ ቶጎቤቺሃለከ ፌተነሞቤቺሃ ፌተናን ኣጋእረ ሀዕሎተ አታለኖ።

እብራውያን 2 / alw_wtw

ቀርቾን አመዕኔን ጡምተኔሃ

መን ዘሬተ ጡምሳንቹ ኢሰ እሁስ

እብራውያን2alw_wtw