ምኒ አንለከ ምኒ አመተኔሃ
1ህትን ምኒ አማኖ! ምኒ አናኖተ አዘዘሜ፤ ከን ሃሌን መት-መቱ መገን ላጋን አመዕንትበረ እኮጎሬ ምንሰ አማኑት መቱርቹሃ ጠወኡዕናን ጠለዕል ምንሰ አማኖ ሃሊን አመዕንቶተ አታልታአ።2ክዕኔቤቹ አሜቶተ አታልታኢሁ ሙጩሩ እኮለከ መነ ከበጄኖሃ እሁክዕኔ ለአራት።3ክዕኔ ደኑክዕኔ ሹሩበ ደዲን፥ ዎርቂን ሹልምሲንለከ ጤአተ ህዕሬን ኦደኤኖ ኦድኑተ ኦደኢን አብሌን ለኤኖ ሹልሚን እሁንከ።4ጠዉ እኮጎሬ ደኑክዕኔ መገን ብሬን ዋጉስ አበ ከበጀሞለከ በእበ ሹልሚን ጎደበ ላፍማንለከ ገዉ አገዕሪን ቀልቤን ኬዕምሰሞለከ በእቡ መክሲን ገዉ ሆፍሲንለከ አታዕሊን ሰውቲን ኣዝ ጅስሚን እሁን።5መሰንትስ ብሬ ዘማን መገኑ ተብሳ አታ ጠሊላኑ ሜንቱ መክጨንቶኢሁ ህትዪት እቅ፤ እሰን ምንሰ አናኖ ትዛዝ ቶጋ እቅ።6አዘዘንቶኢንኩ ሳረ እብራሂሚሃ «ኢ ቀርቾ» ይተን አዘዘንቶስ ደኒንት፤ አዕኑ ጡመ ጠወ አቴነንተረለከ መቱ ዋጅሲሰኖ ጠዉ ህልቅስባህዕኔጎሬ እሴተ እለ።7ህትን ምኒ አናኖ! ምኒክዕኔ አማኖን ሜጡበ አጥራመቲን ሄዕዬ፤ ክዕኔች በትስ ላፈ ክልቀት እኮቤቺሃለከ ክዕኔን ሜጡበ ሄእ ኣስቱተ ረገኣቤቺሃ ኬዕምሼሰ፤ ከን ሃሌን ዱእሃክዕኔ ጉፍቹ እሀኖርቹ ሄአኖበአ።ጡመ አኢን ኦሪሸተ ቶጉ
8ጉዕሙንኩክዕኔ መት-መቲንከክዕኔ ኢታን ሄዕዬ፤ ዎሎ መን ኦሪሸተ ገይክዕኔሀንገ አቴን ሰውይዬ፤ አመኦሶገ እኬን ኢተቀሜ፤ ጎደበ ላፋኑተለከ ገዉክዕኔ ሆፍሴነንተረ እኬ።9ህትን ማሰዕዬ ቤሉ ሂለርቹ ሂለርቺንለከ ቦሮሩ ቦሮሪን ፈንቀሽቶኖቼ፤ መሰንትስ አዕኑ ገአንቴንታሁ ህካን አቶኖታት፤ ህካን አኦንከክዕኔ በረከተ ረገኤነንተ።10ጠሊለ መጻፋን«ሙንዲኖን ዊሞ ሄኡ ሄኦተ ኢተኖሁለከ ጡመ በር ለኦተ ሀሰኖሁአረብስ ሂለ ጠወ ጠወኢችአፎስ ሂለ ተንኩተ ጠወኢች ገዉስ አገዕሩን።11ህትን ሂለ ጠወ አኢች ገዉስ አገዕሩን፤ ጡመ ጠወ አኡን፤ህትን ወገሬት ሀሱን፤ ወገሬትንከ አዎኑን፤12መሰንትስ ቀርች እልትጠሊላኑተ ለኣአ፤መጨንትስ ዱአሰ ሞጮጭቶተ ፈንተኦእታን፤ጠዉ እኮጎሬ ሂለ ጠወ አታ መን አሌንቀርቹ ኡሙዕሬ ሚኒተ ለሊሰኖ» የመሞኡ።13ጡመርቹ አቶኖተ ሃሸኤንተጎሬ ምዕረተ ኢልሰኖህዕኔሁ አዬት?14ጠዉ እኮጎሬ ጡመ ጠወ አቴን ኦርሸተ ቶጌንተጎሬ በረከተ ደእቴነንተ፤ መን ፎከረተ ዋጅቶኖቼ፤ ጨነቀንቶኖቼ።15ቀርቹ መሲህ ቀልቤንከክዕኔ ከበጅዬስ፤ ሄእሃክዕኔ ቀርቹ አዕዬስ፤ ክዕኔን ዮ ተብሴሃ ጠዕመኖህዕኔሀኒሃ ጉዕሚንከ መስለ ኣቶኖተ ጉዕመ ወክት ተቃጠቤ።16ጠዉ እኮጎሬ መስሉክዕኔ ጎደበ ላፍማንለከ ከበጂን እሁን፤ መሲህሃ እኬንተቤቺሃ ዮህዕኔ ጡመ ሃል አሌን ሂለርቹ ጠወኣ መኑ ሂለ ጠወኢንከሰ ሙልቶተ ጡሙ ሰዉቱ ሄኡንክዕኔ።17መገኑ ዬጎሬ አዕኑ ሂለ ጠወ አቴን ኦሪሸተ ቶጌነንተሀኒች ጡመ ጠወ አቴን ኦሪሸተ ቶጉ ቆሀኖ።18መሲህ ገዉስ መገን ቤቹ ሆንጠህሶህዕኔተ እስ ፈየ እሀን ፈየ እንኮምበእ ኒ ጩብ መሳን መንተኔሃ ሜጦረን ሬዮኡ፤ እስ ማሊን ሬይ አያኒን ሄአኖሃ እኮ።19ህከን አያኒን ኡሱር ምኔን ዮ ነፍሴቤቹ መር ተሽት ለገተ ዱዱብሴሰ።20ሁኩ ኡሱር ምኔን ዮ ነብሴቤቹ ሄጭ ኑህ ዘማን መርከቡ ቅጥየን መገኑ አደቢን አገራንሰ ሄዕዮገን ትዛዝ ቶጉ ግቦእራን፤ ህከ መርከብ ኣዝ ኣግ ዊ መሳን ጡምቶእሩ ዎሊንሹሰ ህዜቱሃ መነ እቅ።21ሁኩ ዉሁ ቴሱ ክዕኔተ ፌሰኖ ጥምቀትተ ምሳል፤ ኩ ጥምቀቱ ጅስሚች ጡር ከሙ እሁዕነ ሙጩሩ ቀልብ ደኢሃ መገን ቤቹ ሆንጠህሰኖሃ ዱአ፤ ፌሰኖህዕኔንኩ መሲህ ኢስ ኬእ መሳኒት።22እስ ሰማ ኦሮዕይ መገን መኬን ዮኡ፤ እሲንከ መላይከት፥ ዳኛኑትለከ ዎልቀት ዮሰሩ ጉዕሙንኩ ጠገንቶስ።