Ibru10
1Ono ka Awoyahuda le byo oyi koza neshi ni ya wa ni la lo, owoza ni ya wa ni tata tiriri lalo. Oyi mani woza neshi abiyinu lalo, ikweyi koni oya gege ko ngmase sho ozalabi lo, bwebe ko peshi ashayi ashayi.2Owoni awase ba geyagye do Owuso abi yuwa na sho ozalabi la, abi ba gbepwo ko ozalabi oyoye kelo, abi ba sho opopa ni aba pa ni bita.3Byoni ole ni, eshi ni aba pa kweno ashayi mani wowe ni ya ra ase ozalabi wa ni la.4Oyi ke ena nyakwu kpi ikpowu ya gege ya no ozalabi lo.5Ikweyi koni, ishini Okristi ya wipu kese ni, oka do Owuso mo,<<Opopa kpe eshi oya yimu lo,ikpiye pini oke ya kyanutu dami la.6Otuwo ya sha lo, owoni ayo obize kpiri yi pwa okpe ko Owusokwe opopa ni ya yo ozalabi kasuse ya na ni.7Ebeni nkamo, <Nyyoma Owuso,nwa ko yoza ko otu wo, byoni ayitota ikweyi hin ipu ko okpa ko Ono ni.>>>8Ikyikyo okamo, <<Ozani oya yimu ni wo opopa kpe eshi lalo, eshi ko yo ola ko obize kpiri kpo peshi ko ozalabi oya yimu lo,>> koni Ono ya yimu shini ana ya mani.9Ebeni okamo, <<Nyyoma Owuso, ko yoza kotu wo.>> Owuso yo popa kikyikyo yi bize kweyi byo opopa ko Okristi wa wo opepe.10Ikweyi koni Oyesu Okristi yoza ni Owuso yaha na bwebe ko opopa ki ikpiye ko Okristi igboye ikweyi kase kpiri.11Osapa ka Awoyahuda wonyonya ya hagye kweyi ya yo oko nu ko osapa kurutu kweyi ya peshi mani ishi nwashika; opopa mani ke ya gege no ozalabi kashe lo.12Ishini Okristi ke zeshi oye mani pa ikweyi ko ozalabi ni aya igboye ni, oga yagye abore ko Owuso.13Ebeni oyagye gbishini Owuso ya awomonyekwotu nu wo oka ko yi ikpo nu so.14Bwebe ko opopa oye mani, oya wase ni ayo ozalabi wa na mani gye ko gbogbo-gbogbo.15Omaku ko Owuso ki yo olobene daha ikweyi ko omani. Ikyikyo okamo,16<<Okoyi ni nyya ya kpa awa ni yomaishi oni Adole kamo:nyya yo ono hin ya tipu ko otu wa,kweyi nyya yi ta ipu ko otu wa.>>17Ebeni oki kamo, <<Nyya rela ko ozalabi wa kelo kpo obibi wa ni aya ni.>>18Ishini ayo ozalabi wa na, aba peshi oyoye ikweyi ko ozalabi kelo.19Mani oni, ayene hin, byoni aha gbo oshu ko go Okpe ko Owuso sere bwebe ki ikwu ko Oyesu.20Anu pini gwo owe pepe daha, owe ko olayi pepe ni bwebe ka ayiki kpitiri ni yo ohobu ko Okpe ko Owuso. Owe mani wi ikpiye nu la.21Kweyi aha gbo osapa nyakwu ni wo oteyi ipu kole ko Owuso.22Ahan webe ko Owuso kpo otu ka aha oye ko okwokwoshi kpo otusose, kweyi ahan ka gbotu lo, kweyi aba yi ikpiye kaha kpiri ya yi na kpinyawo neshi ko.23Ahan hagye loshu kpi iyitagye ka ni ahafu ni koni Owuso ni sho okoyi ya byo koyi nu no ya.24Ahan rela kiyi ka kweyi tiyi ka abo, ahan sayi kimu kweyi ki yo neshi.25Ahan ka sho gbayi dudu bita lo, byoni ashini baya ni, ahan ke ta ananoho kaha otugbagba, koni ahan gye mo Eno kowowa ka Adole ya gbeji kelo.26Owoni agyo oza ni aba ya ni kweyi ayo ozalabi kpo okyokye otu ka, itikpi koni agyo kwokwoshi ni, opopa oyoye ya no ozalabi kelo.27Ozani ke shishini daha ni wa ko gbeyi koshi kepwo kpo ola ni ya gebi lo ni ni wa ya awomonyekwotu ko Owuso ayi ni!28Kpiri kase ni yo ono ko Omusa kyigbo, oya gekwu gbiyinyinyi lo, bwebe ko olobene kase epa kweta.29Oya lemoji dase ni mo Oyi ko Owuso nye ni? Ozo okoyi ko oyi ko Owuso ni yo ozalabi nu na ni wo ojije lo, oki so Omaku ni ya no ozalabi ni esa! Ala ra, edo ko owe wonya labi ni shu ko dase mani!30Ikweyi koni ahagye mo, ase ni kamo, <<Ore sosa wa akaka hin la, ami ya sore.>> Oki kamo, <<Adole ya kepwo kawase nu.>>31Owoza koshi owoni ase gbo abo ko Owuso ine ko olayi.32Ala rela koza ni gbodagye kpa ala itikpi ni, ishi oni ni ola ko Owuso yu dala ni, ala mowe gogo-gogo, owe mani ke shala oshu lo.33Ishi oye aba sala esa ese kya, ishi shishini ke ala sokugba ko gipu kikpo kawase ni ba mowe mani.34Ikweyi koni ala gipu ko owe kawase ni akwuwa shoruduru ni, ala ki shotunehe ishini aya ala iyo kpo ni, ikweyi koni ala gye mo ala tayoyo gbo odu neshi ni ya gbeji gbogbo-gbogbo ni.35Ala ka gbo otu lo; ikweyi koni aba dala abola nyakwu.36Ala shu ko zotu, shini ala ba yoza kotu ko Owuso, ala ba pyoza ni oshokoyi ikweyi nu ni.37Okpa ko Owuso kamo, oya gbeji lo,<<Ase ni yawa ni, ya ngmishi kelo.38Awase neshi hin ke ba gbo olayi bwebe kotuse wa.Kweyi owoni ashe ipu wa kwikye itikpi,nyya shotunehe kpanu lo.>>39Aha ke lema bya awase ni gbotuse kweyi nyo owe ni lalo, aha ke wase ni kyogwu kweyi angmaha.
The Word for the World International