3 Oyohana1
1Bwebe ko onyakwase,
Gebe ko oya hin moshi Ogayos ni nyya yimu ko kwokwoshi ni.2Oya hin moshi, nyya tinarigwu shini ogbo ogege kikpiye kweyi ojoji na yawu neneshi dawo, byoni oya yawu neshi ipu ko Omaku ni.3Nshotunehe ni awogboso Okristi shishini wa ka dami mo hagye loshu ipu kokwokwoshi, byoni oya yagye wo ipu ko okwokwoshi ni.4Otunehe hin nwashika wa ko pwo mayi hin bagye ipu kokwokwoshi.5Oya hin moshi, oyo kwokwoshi ipu koko ni oya dawo gboso Okristi ni, koni awa awogboga ni.6Akela kimu wo do oda ko Owuso kebe ni. Nyya bo mo tuwabo shini ana gohobu kpi iyawu wa owe ni ya sho Owuso otu ni.7Ikweyi koni akwowe kiyawu wa ipu koko ko Okristi, anye eshi oyoye bwebe kawase ni gyo Owuso lo ni lo.8Mani oni aha awogboso Okristi, ashu ko tawase mani abo, shini ahan gbingbo ipu koko kokwokwoshi ni aba ya.9Ntenena do oda ko Owuso; Odiyotrefes ni ke ya yimu ko wa kikyikyo wa ni yakpaha tagye pwela ni aka ni lo.10Mani oni ishini nwwa nyya ka dala oza kpiri ni oya ni: oza bibi ni oka ikweyi kaha ni kpo okame ni oya ka ni! Omani fufunu ke gyo lo; otela ko za awogboso Okristi ni wa ni, oki wawase ni ba yimu ko zuwa ni obi kweyi nuwenya sho oda ko Owuso!11Oya hin moshi, ala ka gboza bibi lo, ala ke gboza neshi. Ino yoza neshi kpiri wa ko Owuso la: Ino yozalabi omo Owuso moma lo.12Kpiri kase kela neshi ikweyi ko Odemetriyos; okwokwoshi abiyinu kela neshi ikweyi nu. Aha yolobene kaha manu, kweyi awo gye mo oza ni aba ka ni wokwokwoshi.13Ngbela nwashika ko ka dawo, nke ya yimu ko tokpa lo.14Nyyiyitagye ko mo kwekwekwe mani, shini an kela iyi kpiyi.15Omene nayo kpawo.
Awoya wo kpiri mo na to ogbogba. Ta awoya ka kpiri ogbogba daha oyoye.
Gebe ko oya hin moshi Ogayos ni nyya yimu ko kwokwoshi ni.2Oya hin moshi, nyya tinarigwu shini ogbo ogege kikpiye kweyi ojoji na yawu neneshi dawo, byoni oya yawu neshi ipu ko Omaku ni.3Nshotunehe ni awogboso Okristi shishini wa ka dami mo hagye loshu ipu kokwokwoshi, byoni oya yagye wo ipu ko okwokwoshi ni.4Otunehe hin nwashika wa ko pwo mayi hin bagye ipu kokwokwoshi.5Oya hin moshi, oyo kwokwoshi ipu koko ni oya dawo gboso Okristi ni, koni awa awogboga ni.6Akela kimu wo do oda ko Owuso kebe ni. Nyya bo mo tuwabo shini ana gohobu kpi iyawu wa owe ni ya sho Owuso otu ni.7Ikweyi koni akwowe kiyawu wa ipu koko ko Okristi, anye eshi oyoye bwebe kawase ni gyo Owuso lo ni lo.8Mani oni aha awogboso Okristi, ashu ko tawase mani abo, shini ahan gbingbo ipu koko kokwokwoshi ni aba ya.9Ntenena do oda ko Owuso; Odiyotrefes ni ke ya yimu ko wa kikyikyo wa ni yakpaha tagye pwela ni aka ni lo.10Mani oni ishini nwwa nyya ka dala oza kpiri ni oya ni: oza bibi ni oka ikweyi kaha ni kpo okame ni oya ka ni! Omani fufunu ke gyo lo; otela ko za awogboso Okristi ni wa ni, oki wawase ni ba yimu ko zuwa ni obi kweyi nuwenya sho oda ko Owuso!11Oya hin moshi, ala ka gboza bibi lo, ala ke gboza neshi. Ino yoza neshi kpiri wa ko Owuso la: Ino yozalabi omo Owuso moma lo.12Kpiri kase kela neshi ikweyi ko Odemetriyos; okwokwoshi abiyinu kela neshi ikweyi nu. Aha yolobene kaha manu, kweyi awo gye mo oza ni aba ka ni wokwokwoshi.13Ngbela nwashika ko ka dawo, nke ya yimu ko tokpa lo.14Nyyiyitagye ko mo kwekwekwe mani, shini an kela iyi kpiyi.15Omene nayo kpawo.
Awoya wo kpiri mo na to ogbogba. Ta awoya ka kpiri ogbogba daha oyoye.
The Word for the World International