2 Otimoti3
1Ra kamo eno ko kweyi, oza ya labi kotata da ase.2Asuse ba wawo yimu ki iyiwa, ba yimu kikwiri, ba zikweyi iso, ba gwabo otu, ba sesa, ba geyagye dase ni muwa ni lo, ba shotunehe dase ni yoza dawa ni lo, kweyi ba gyo Owuso lo;3ase ba yase oneshi lo, ba gbi iyinyinyi lo, ba yase ishi, ba yimu ka apwo, ba ngmase, ba yimu ko oza neshi lo;4aba rotu kiyiwa, aba yoza waya kweyi ba zikweyi iso, aba yimu ko monye ki ikpiye sho Owuso;5aba ya bya agyo Owuso, ake ba tela ko oshu nu. Ala ka rema ke edo ka asuse mani lo.6Ashishini kase ba bwole-bwole ba gboso anya ni ba kwi iyiwa lo ni kweyi gyuwegya, koni enu ko ozalabi yuwa byi kpi imu ko ozalabi ni,7anya ni ba takirikwu ko gyoza kwikyikyeni ake gyo okwokwoshi lo.8Byoni Ojanes kpo Ojambres taso Omusa eyi ni, mamani awase mani ba tela kokwokwoshi awase ni otu wa gekwu kweyi agbotuse lo.9Ake ba ge ebe lenu lo, ikweyi koni ananaho ba gye ma awikyo. Byoni ogbodagye kpo Ojanes kpo Ojambres ni.
Obulus do Otimoti Ela
10Awo ke kwobonu gboso oza fofu hin, kpoza yoya hin, kpimu yoya hin, kpo otu ko oyagye hin; omo otuse hin, kpo otumene hin, kpi imu yoya hin, kpo ozotu hin,11ome egye ni nma ni, kpo owe moma hin. Ogyoza kpiri ni gbodagye kpa ami ogya ka Antakiya, kpi Ikoniyo kpo Olistra ni, ogye edo ke egye ni nzotu kpanu ni! Adole ke ngma ami shi ipu nu kpiri.12Kpiri kase ni ya yimu ko yagye neshi ipu ke ema kpo Okristi Oyesu aba danu egye;13ase bibi kpa awo gyase egya ba gohobu ko yishi kurutu, aba gyase egya, kweyi awa abiyiwa aki ba gyuwegya.14Awo ke, gohobu ipu kokwokwoshi ni afo ni kweyi kyogwu kpanu kpo otu wo oye. Ogya awase ni fo oza ni,15kweyi ora bwishi ni owo oyi leke ni, ogyo Okpa ko Owuso, ni gege ko dawo oziyi ni byo go ominyo bwebe ko otuse ipu ko Okristi Oyesu.16Ela kpiri ni yo Okpa wela ko Owuso kweyi aba yoko kpanu ko fo okwokwoshi, oya gbase ni yo oza gyogye lo apwo, oya kya ase ni gbepwo ni yatu, kweyi ya fase ela ko yagye neshi,17shini ase ni ya yoko ko Owuso na gye neshi kweyi pyoshu ko yoko neshi owe wonyonya.The Word for the World International