AGBÃ30
Agur Iwola Simai
1Agur, Yake ɔbibirɛrɛĩ ikpakpatɔ̃me i ngbe ne.Agur wɔgbe ɔɣere Itiel,Itiel gu Ukal sɔ,2"Mme nɖe nwɔ isɛ̃iɖo i maturi ndɛ̃;lona ara karɔ̃inɔ lɛ ɔturi awune awe.3Loisuã iwola,fiɛ loiɣe kuira i Ɔsekelea iso.4Kuwɛ̃ iikɛlɛ kato ɔkpese ɔba karɔ̃ ɔnya.Kuwɛ̃ iisa ɔwiri kanya ɔpia i ɔ̃ nrɔɔ̃tata ame ɔnya.Kuwɛ̃ iinyi ndu ɔɖuɖu ɔpia i ɔ̃ ɔkati ame ɔnya.Kuwɛ̃ iisɛra karɔ̃ kuwirikɔ̃ ame ɔɖuɖu.Si ɔrere ɔɔbara ara wagbe igbã ne ɣere me ɔ̃ iyere. Si ɔrere ɔɔbara ara wagbe igbã ne ɣere me ɔ̃ ɔbi iyere.Ɣere me si aɣe!5"Ɣaa itɔ̃me biara nɛ ɔɣɛ ɖe ɔnukuare.Ɔɖe akpiraifɔra ɔtã mma lobara katarikɔ̃ i ɔ̃ kɔrɛ.6Daasu itɔ̃me kuiwɛ̃ abua i ɔ̃ are iso.Si iiɖe ngbɔ ne ɔto ɔ̃anyagalagu-ɔ ɔte-ɔ sɔ ladze aɖe.7"Ara anyɔ nto lokarɛ-ɔ, O Bosate;bara wã tã me fiɛ loakpi, wã nɖe sɔ:8Rera iturisɔsɔla gu mila ila kama dzoroo i wũ kɔrɛ.Daatã me siwɛrɛba ɣee karana,ɣɛɛ tã me wũ ikpɛnɛ araɖea kere.9Si iiɖe ngbɔ ne, nto loana gbodzoo iyɔ loɔsɛ̃-ɔloɣɛ sɔ, 'Nna nɖe Bosate?'Ɣee loakpese wɛrɛba, losɛ loayu kayu,iyɔ loaɣɛra wũ Ɣaa iyere.Agur Agbã
10"Daanina ɔɖabo iyere i ɔ̃ ɔkɔse kɔrɛ.Si iiɖe ngbɔ ne, ɔɖabo to ɔ̃agbarĩ-ɔ, fiɛ aafɔ ne kuso.11"Maturi mawɛ̃ pia gɔ masɛ magbarĩ ma masefiɛ maisɛ mafere ma manyi kusɛkusɛ.12Mma nsɛ mabu so sɔ makpaɣɛɛ maifore ma anyini maɖi.13Mma mpia fiɛ masɛ manyɔ so,fiɛ masɛ makɔlɛ ma anɔ manyɔ maturi mama pupurii.14Mma mba anyɛ ɖe atekpefiɛ ma aregba ɖe apɛmiwa maasu makɛkɛ mawɛrɛba i karɔ̃ isogu maɣiãni maɖi i maturi awune ndɛ̃.15"Ndutoto ba mabibirɔ̃gomi inyɔ.Mato mabiɛ maɣɛ sɔ, "Tã bo! Tã bo!""Ara atɛ pia gɔ aisɛ ami kuiyikuiyi.Ana wa loisɛ aɣɛ sɔ, 'ka ilɛ!' Wã nɖe:16Ikpibiɔ, ɔlɛma ɔɣekoto,karɔ̃ ga loisɛ kami ku ndugu ɔtɔ wɔ loisɛ ɔɣɛ kuiyikuiyi sɔ, 'Ka ilɛ!'17"Inɔmi nɛ nsɛ ibara ɔse aɣiãra,fiɛ iisɛ iwarɛ ne ɔnyi ipia i kuira ame ne,ne i kagbolomi ame kakparodza aarui kaɖifiɛ akolomo aawe ne ne.18"Ara atɛ pia wa nsɛ abara me ɣaa gbaã,ara ana wa loisɛ lonɔkarɔ̃, wã nɖe:19kumɛgɔ i finikpo sɛ ɔfɛrɛrɛ i kuɖokpo ame,kumɛgɔ i aɣɛ sɛ asɛ i itasiare iso,kumɛgɔ i nduisoibuɛ sɛ isia i ɔpo iso ikɛlɛ,gu kumɛgɔ i ɔrɛrɛ̃ gu ɔbitɛ̃ ɔsɛ.20"Kumɛgɔgbe i rãrɔdze sɛ ɔsɛ:Ɔsɛ ɔɖe aɖera, ɔnukutu kanyaiyɔ ɔsɛ ɔɣɛ sɔ, "Loibara ku ira nyanyariã."21"Ara atɛ nsɛ atã karɔ̃ ɔti,ara ana ɔɖo kã isore, wã nɖe:22si ɔɖabo ɔkpese igara,si kadzunisɛĩ ɔɖe ara ɔmi,23si ɔrɔ̃go wɔ maisɛ maɖɔɛ ɔyiri kurã,gu si ɔɖaborɔgomi ɔba ɔ̃afɔ ɔ̃ ɔkɔnyi kasɛkɔ̃.24"Ara ana se tɛmi i karɔ̃ iso,ɣɛɛ aɣe iwola gbaã, wã nɖe:25Kubɔibi ɖe ara wa mabara ana ɔle,ɣɛɛ kusɛ kusira araɖea kanya kusɛ ku ɔraɖui ɔsɔrɛ̃wi.26Mamiɛĩ ɖe ara wa nna ɔle,ɣɛɛ masɛ mabara ma kawekɔ̃ ta ata ndɛ̃;27kugbadzedzei na igara,ɣɛɛ ma ɔɖuɖu ɔsɛ isia isia i ma siɖebia ame masakanya.28Ikpalamo ne, aawo ne ɔmɔɛ̃ ku kɔrɔ̃,ɣɛɛ isɛ iwe i igaraiyo ame.29"Ara atɛ pia wa nsɛ asɛ sigara ɔsɛ,ara ana sɛ asɛ ikɛrɛ ɔsɛ, wã nɖe:30dzata wɔ nɖe kpãrɛrɛĩ i mabɔi ndɛ̃,fiɛ ɔ̃isɛ ɔrui ɔtere i kuira kanya;31ikɔle nɛ lowarɛ abue, itekpã,igara wɔ i ɔ̃ makpakpɛ̃dze ɔki malɔ wũ.32"Si abara adzunisɛ̃ra fiɛ ato akɔlɛ so kato,ɣee si abara adzuni nyanyariã ne,lokanana!33Si mapɛ kakpei ɔraũ ne, isɛ ise kpɛ̃kpɛɛkpɛ̃,fiɛ si manyɛdɛ̃ ɔɣɔ̃ teteree ne, ima nsɛ ibɔrɛ.Ne ɔso si mapia sikpã lala ne isɛ ibɔ kulu."The Seed Company