YESAYA24
Bosate To Ɔ̃akpadzɛ̃ Karɔ̃ Kutsue
1Nyɔ, Bosate to ɔ̃awɔra karɔ̃ɔnina kã;ɔ̃anina kã isofiɛ ɔ̃asamera kã iso maturi -2ngbɔ ame iaseitã masɔrɛdze lɛ maturi fefea,itã ɔkɔse lɛ ɔɖaborɛɛrɛ̃,itã ɔkɔnyi lɛ ɔɖaborɔ̃go,itã rarɔdɛ̃se lɛ nwɔ nto ɔɣa ara,itã nwɔ mato manyɛ ara matã lɛ nwɔ nto ɔnyɛ ara;itã sose lɛ nyɛtãse.3Karɔ̃ to kaawɔ pelepelekanina pelepele.Bosate loɔɣɛ ɔ̃ itɔ̃me.4Karɔ̃ to kakore katsue,kayiiso to kawãna katsue,mma lofɔ iyere i kayiiso to mawãna.5Kayiiso maturi ɔɔnina karɔ̃;maito mabara i mmara iso,mata maya i ara wa matɛ̃ ɔri isomatu ndamu mɛ maibatu manya.6Ne ɔso sigbarĩ to sime karɔ̃;kã maturi loatã ma iɣɛrɛ kuso.Ne ɔso kayiiso maturi to matsueikuti maturi kɛkɛĩ.7Ndã ɣɛtɛ to misɔ̃ fiɛ wain adziri to atsue;isoɣɔ maɖese ɔɖuɖu to mamararã so.8Akasa itidza silɔ ɔɔlo,isoɣɔ lalaa manase kulu ɔɔlo,isoɣɔ siwɛ̃ sango ɔɔlo.9Maisibanɛ ndã maka kuka,ndã mɔɛã ka miba ma ɔɖo.10Maturi ɔɔro i ɔmagɛ̃siare wɔ lobiɛ ame;maɔtɛ̃ iyo biara kayogodɔ̃.11I sivurã iso ne, mato mabiɛ ndã kaku;isoɣɔ ɔɖuɖu ɔɔkpese isoma,maɔtɛ̃ isoɣɔ ɔɖuɖu kulu ɔri.12Ɔmagɛ̃siare ɔɔbiɛmabibiɛ ɔ̃ kayogodɔ̃ wɔsɔwɔsɔ.13Ngbɔ iase i karɔ̃ isogu nɖebi ndɛ̃,lɛ si matidza oliva kudziri,ɣee lɛ akutu wa nsɛ akuti si maɔsɔrɛ̃ wã maro ne.14Makɔlɛ ma silɔ kato mala kulu i isoɣɔ ame;ibɔrɛ i kuɣɛ̃iyokabokɔ̃ ne, male Bosate ɔle.15Ne ɔso i kuɣɛ̃kabɔrɛkɔ̃ isɛ ne, misu ile mitã Bosate;mikɔlɛ Bosate wɔ nɖe Israel Ɣaa iyere katoi ɔpo ndukilɔnrɔ̃ iso.16Ta karɔ̃ katsɔrakɔ̃ ne, boto bonɔ aka sɔ:"Ile itã Ɔbɔlɔlɔa."Ɣɛɛ loɣɛ sɔ, "Loto lowɔ lo, loto lowɔ lo!Ndzo mitã me!Ku kanɔbɛbɛ ne, mato maɖi maturi matã!Matilese to maɖi maturi matã i kanɔbɛbɛ ame!"17Ifɔ̃, iwo nɛ makuri gu iyebi nɛ magbere nse isia mi,O, mi ma nsi i karɔ̃ iso.18Nwɔ nsɛ ɔtere ala ifɔ̃ kulu ɔsoaakpase ɔbo i iwo ame;nwɔ loya ɔbɔrɛ i iwo ame ne,iyebi aamɔɛ̃ wũ.Maɔbusi kuɖokpo imuta karɔ̃ sikaĩ to siti.19Karɔ̃ ɔɔbibiɛ,karɔ̃ ɔɔfã kakɛ ,karɔ̃ to kati ta karɔ̃ ame.20Karɔ̃ to kakpa so lɛ tarɛ̃dze,kato kasɛ kakpese lɛ ikpayo i awɛ ame;kã ituridaawarɛ ipɔ nɛ kaɖe sia i kã isosɔ kabɔrɛ karɔ̃, kaisibata kanya.21Ɔwi wɔmɔ ame ne, Bosate to ɔ̃akpadzɛ̃sile dzɛ i kuɖokpo amegu magara ma i karɔ̃ iso kutsue.22Maapia ma ɔɖuɖu kugbagɔrɔĩ masakanyalɛ mayorɛdze ma manyi marara i iyo;maasɛ̃ ma mapia i iyomakpadzɛ̃ ma kutsue ayi gbodzoo.23Iabara ɔgbaleti ɣii kunuarɛ ɔkpɛ̃ kuɣɛ̃;alasɔ Bosate Ɔlesate to ɔ̃aɖeisoi Zion Kube iso gu i Yerusalem,i Yerusalem makpakpa katɔ̃ i ikpawaĩ ame.The Seed Company