YESAYA22
Kaɣɛkasɛ I Yerusalem Iso
1Kaɣɛkasɛ i Kaɖikate Kagbolomi iso:Be nto iɖaa mi kiniɔ,ɔso fiɛ mi ɔɖuɖu ɔtere miya misia i mi asã,2Oo, ɔmagɛ̃ wɔ loyigu kuluOo, ɔmagɛ̃siare wɔ loyigu ikpɔkpɔtɔ gu ɔnɔle?Mma lokpi i fɔ ame ne, iiɖe ipɛmi loɖoe mafiɛ iiɖe kakpã ame makpi.3Fɔ matɔ̃ɖedze ɔɖuɖu ɔɔsikanya matere;maisu kuta fiɛ mamɔɛ̃ ma.Mi ɔɖuɖu ma mamɔɛ̃ ne, mabara mi mayorɛdze kanyakawɛ̃,mitere ku ɔwi wɔ i tsirise ɔdzorogu mi.4Ne ɔso loɣɛ sɔ, "Mirui me i kɔrɛ;tã me lobiɛ teteree.Daabie sɔ aalora mei wũ maturi iwɔra iti."5Sate, Bosate, Ɔlesate ɔɔsɛ iyinɛ loyigu ikpɔkpɔtɔ, ifɔ̃ gu sikpatɔrɛ̃ itutuĩ i karɔ̃i Kaɖikate Kagbolomi ame,iyi nɛ maabibiɛ bo aberefiɛ bo kaku ɔre i ta abe iso.6Elam ɔɔsu mirɛ̃,gu ɔ̃ abuɛ wa i apɔngɔ to akpadzɛ̃ gu apɔngɔKir ɔɔɖi ɔ̃ ikpirafɔra.7Fɔ kugbolomi sɛɛ ɔɖuɖu ame ɔɔyigu abuɛ wa i apɔngɔ sɛ akpadzɛ̃fiɛ maɣedza mma nsi i apɔngɔ iso i ɔmagɛ̃ kuyogodɔ̃8maɔbɛ ara wa lokɔla Yuda.Fiɛ ɔwi wɔmɔ ame ne,asiaiti i kakpã akpɛ̃ra wa nse i iyo nɛ marɔ Ipo ame Iyo iso;9aanya sɔ i David Ɔmagɛ̃siare ame ne,ngbegɔ i abere ɔbibiɛ fiɛ tsirise aaki ɔbo ɔsi;miɣedza ndui Ibu nɛ i Kala ame.10Aka ayo wa i Yerusalem,aabibiɛ awɛ̃ asu apia ibere ɔle.11Atsue ndu kaɣedzakɔ̃ i abere anyɔ ndɛ̃atã ndu mɛ i Ibu Kuere ame,ɣɛɛ mi anɔ na i Nwɔ lobara wã iso,ɣee miwarɛ Nwɔ loɖo wã kokooko.12Bosate, Bosate Ɔlesate,to ɔkpere-ɔ ku iyi nɛmɔ sɔbiɛ si apɛ sikpabosasamera fɔ siwɛrɛ̃ si anyɔme ipundukoto.13Ɣɛɛ nyɔ, isoɣɔ gu adzodzo to,mato maɖoe manantsuĩ gu masɛrɛ,mawe sina ne manɛ ndã!Mato maɣɛ sɔ, "Mitã boɖe si bonɛalasɔ kɔrãkaɖe boto boakpi!"14Bosate Ɔlesate ɔɖi nnɛgbe ɔte me lonɔ sɔ, "Maibasu fɔ ikpi nɛgbe matsɛ-ɔ isɛ iabo fɔ ikpiyi." Bosate Ɔlesate loɣɛ.Maɣere Sebna Sɔ Ɔnyɔ So
15Bosate Ɔlesate sɔ,"Kɛlɛ aaɣere iyonyɔisose,Sebna wɔ nto ɔnyɔ igaraiyo iso sɔ:16Be ato abara i ngbe fiɛ nna lotã-ɔ ɔrisɔ aaɖi ikpibiɔ atã so i ngbeaɖi fɔ ikpibiɔ i kato i ngbeabiɛ ita aɖi kawãrakɔ̃ atã so?17"Tsue sɔ Bosate to ɔ̃amɔɛ̃-ɔ tetereeɔfuĩdza-ɔ ɔɖi, fɔ ɔrɛrɛ̃ barani.18Ɔ̃akarĩ-ɔ gudugudu lɛ kagbufiɛ ɔ̃afuĩdza-ɔ ɔsese karɔ̃ siare iso.Mmɔ aakpifiɛ mmɔ i fɔ abuɛ sɛɛ wa i apɔngɔ sɛ akpadzɛ̃ aakamuakpese kunuarɛ atã mi ɔkɔse iyo!19Loasa-ɔ i fɔ karabara amefiɛ loaɖi-ɔ lobɔrɛgu i fɔ kaɖekɔ̃.20"Iyi nɛmɔ ne, loakpere wũ ɔɖabo Eliakim wɔ nɖe Xilkiya ɔbi.21Loasu fɔ arapia lopia wũ, losu fɔ abɔso lonyi wũ fiɛ loasu fɔ ɔle lotã wũ. Ɔ̃aɖe ɔse ɔtã mma mpia i Yerusalem gu Yuda iyo.22Loasu David ɔbɔi losia wũ i imɔiti fiɛ nnɛ ɔsese ne, kuwɛ̃ iibawo ɔsɛ̃, fiɛ nnɛ ɔsɛ̃ ne, kuwɛ̃ iibawo ɔsese.23Loapɛ wũ lɛ iyoi lopia i karɔ̃ ame teteree fiɛ loasɛra wũ i ɔ̃ ɔse kuwarɛ sigaraiyara iso.24Ɔ̃ iyo maturi ɔɖuɖu, ma mabi gu mawa ɔɖuɖu aakpese ato masia wũ iso lɛ kumɛgɔ masɛ masasarã akɔi gu akuku i iyoi iso.25"Bosate sɔ ɔwi wɔmɔ ame ne, "Ɔsɔdziriku wɔ mapɛ mapia i karɔ̃ ame teteree aaɣɔ ɔrui, iyɔ ɔ̃akpase, ato wa nsarã i ne iso aatutu." Bosate loɣɛ ngbɔ.The Seed Company