YESAYA15
Kaɣɛkasɛ I Moab Iso
1Kaɣɛkasɛ ga i Bosate ɔtã i Moab iso i ngbe ne:Mawɔra Ar ɔmagɛ̃ i Moab,mawɔra wũ i kasɛ̃ ame!Mawɔra Kir ɔmagɛ̃ i Moab,Mawɔra wũ i kasɛ̃ ame!2Dibon maturi ɔkɛlɛ ma isɔrɛyomakɛlɛ ma kubemi iso sɔ maabiɛ kaku;Ma Moabse to mawana ala Nebo gu Medeba ɔso.Makparɛ̃ iti biara dolodolofiɛ makparɛ̃ ɔkore biara.3Manyɔme ipundusikoto i sivurã iso,i asã iso gu kusarɛkɔ̃mato mabiɛ teteree,mapɛ mamɛrɛ̃.4Xesbon gu Eleale to mapɛ sikpabo,ma silɔ to sire ta Yaxaz.Ne ɔso Moab makpãrɛrɛĩ to mapɛ sikpabo,fiɛ ma situ ɔbiɛ ma iso.5Nto lobiɛ i wũ ɔtu ame ala Moab ɔso;ɔ̃ kakpã maturiterea ɔɔsɛ maabo ta Zoar;maɔsɛ maabo ta Eglat Selisiya.Maya makɛlɛ Luxit kabemi isomasɛ ne mabiɛ;i ɔri wɔ nkpa Xoronayim iso ne,masɛ ne mamararã so i ma itikpi iso.6Nimrim ndu ɔɔsɔ̃itã sikua ɔkore.Sikuayuɛ kusiwɛ̃ siinairayuɛ kuiwɛ̃ iikuti.7Ne ɔso ma karana ga maɔbie mafu ne,maasore kã mawara Adziri Kawɛlagbolomi.8Ma sikpabo aare sitɔ̃rɛ̃ ta Moab kume iso;Ma kaku aare ta Elglayim,fiɛ ma sipini aabo ta Beer-Elim.9Dibon ɔwore ame ndu aakpese imaɣɛɛ loatã mina ibo mibua.Madzata aamɔɛ̃ Moab maturitereagu mma lokuti mawe i karɔ̃ gamɔ iso.The Seed Company