EZEKIEL19
Isoma Ɔnɔ Itã Israel Matɔ̃ɖedze
1"Ezekiel, ka ɔkpibiɛnɔ tã Israel matɔ̃ɖedze.2Ɣɛ sɔ," 'Mme dzatarɔ̃go i fɔ ɔnyi ɔɖei madzata ndɛ̃!Ɔfu i karɔ̃ i dzata abi ndɛ̃ne ɔnyɔ ɔ̃ abi iso ne.3Ɔkpadzɛ̃ ɔ̃ ibi iwɛ̃ i abi ndɛ̃,ne ɔkpese dzata wɔ mba ɔle.Ɔsuã kumɛgɔ ɔ̃akɛkɛ bɔine ɔkɛkɛ maturi ne.4Nɖebi ɔnɔ ɔ̃ iyere,ne mamɔɛ̃ wũ i ma iwo ame.Makɔra wũ ku kugodaine makɔ wũ makɛlɛgu i Egipte karɔ̃ iso.5" 'Ɔwi wɔ i dzatarɔ̃go ɔnya sɔ ɔ̃ ɔriinyɔ iiba i kame ne,ɔ̃ nnɛ ɔnyɔ ɔri ka ikpa ne,ɔɖi ɔ̃ ibi mamane ɔbara dzata wɔ mba ɔle.6Ɔgbere ku madzata mama,ala ka ɔɖe dzata wɔ mba ɔle ɔso.Ɔsuã kumɛgɔ ɔ̃akɛkɛ nnɛ ɔmɔɛ̃ne ɔkɛkɛ maturi ne.7Ɔbibiɛ ma ɔlekusɛkɔ̃ne ɔwɔra ma simagɛ̃.Karɔ̃ gu mma ɔɖuɖu lowe i kã isoɔti makpakpa ala ɔ̃ sifafã iti.8Kere ne nɖebi ɔta maya ɔ̃ iso,maturi ma lobɔrɛ i abuiti wa loki alɔ ame.Magbere ma asabu masɛ wũ,ne mamɔɛ̃ wũ i ma iwo ame.9Makpadzɛ̃ wũ ku kugodai mapia i kugbagɔrɔĩ i ɔme amene makɔ wũ makɛlɛgu Babilon igara kɔrɛ.Masu wũ marara i iyo,ne ɔso maisinɔ ɔ̃ sifafãi Israel abe iso.10" 'Fɔ ɔnyi ɔse lɛ iwɛĩ i fɔ wainkakpɛkɔ̃ amene mapia ne i ndu kɔrɛ.Akpai ɔsi fiɛ iɣɔ̃ abiala ndu gbodzoo ɔso.11Ne akpai ɔwe ɔle,ikote itã ɔɖeisoi kugarapɛ.Ikɔlɛ kato iɖoadziri ɔɖuɖu ku wã ayata kpirikpiria,ne ɔbiara ɔnya ne ala ne kukɔlɛmegu ne akpai gbodzoo iti.12Ɣɛɛ marui ne maɖi i sikpã amene masu ne mapɛyu i karɔ̃.Kuɣɛ̃kabɔrɛkɔ̃ ɔwiri ɔtã iɣɔ,ne ne abi ɔkore,ne akpai wa mba ɔle ɔɣɔne ɔtɔ ɔtsuedza wã.13Kiniɔ ne mapia ne i fafuĩ ame,i karɔ̃ korea ga nna ndu iso.14Ɔtɔ ɔwara ɔɣa ɔbɔrɛ i ne adzirikpai siare iwɛ̃ amene ɔtsuedza ne adziribi.Ikpai nɛ mba ɔle kuiwɛ̃ iikuti i ne isoialɛ itã ɔɖeisoi kugarapɛ.'Kukpibiɛnɔ ɔɖe i ngbe fiɛ maaka kɔ̃ lɛ isoma ɔnɔ."The Seed Company