ܐ ܬܣܠܘܢܝܩܝ̈ܐ3aii_abt
1ܗܵܕܟ݂ܵܐ ܐܝܼܡܲܢ ܕܠܵܐ ܡܨܹܐ ܠܲܢ ܠܸܚܡܵܠܵܐ ܒܘܼܫ ܙܵܘܕܵܐ، ܒܣܝܼܡ ܠܵܗ̇ ܠܲܢ ܕܦܵܝܫܲܚ ܗܘܵܘ ܫܒ݂ܝܼܩܹܐ ܒܢܲܦ̮ܫܲܢ ܓܵܘ ܐܵܬܹܢܘܿܣ.2ܒܘܼܬ ܐܵܗܵܐ ܫܘܼܕܸܪܲܢ ܠܛܝܼܡܵܬܹܐܘܿܣ ܐܲܚܘܿܢܲܢ ܘܦܲܠܵܚܵܐ ܕܐܲܠܵܗܵܐ ܥܲܡܲܢ ܒܐܹܘܲܢܓܲܠܝܼܘܿܢ ܕܡܫܝܼܚܵܐ، ܕܡܲܩܘܹܐ ܠܵܘܟ݂ܘܿܢ ܘܝܵܗܒܹܠܔ ܠܵܘܟ݂ܘܿܢ ܠܸܒܵܐ ܒܗܲܝܡܵܢܘܼܬܵܘܟ݂ܘܿܢ،3ܗܵܕܵܐ ܕܐܘܼܦ ܚܲܕ ܡܸܢܵܘܟ݂ܘܿܢ ܠܵܐ ܦܵܐܹܫ ܫܥܝܼܫܵܐ ܒܐܲܢܹܐ ܐܘܼܠܨܵܢܹ̈ܐ. ܣܵܒܵܒ ܒܓܵܢܵܘܟ݂ܘܿܢ ܟܹܐ ܝܵܕܥܝܼܬܘܿܢ ܠܐܲܢܹܐ ܐܘܼܠܨܵܢܹ̈ܐ ܦܝܼܫܹܐ ܝܘܲܚ ܪܫܝܼܡܹܐ.4ܣܵܒܵܒ ܐܘܼܦ ܐܝܼܡܲܢ ܕܝܼܘܲܚ ܗܘܵܘ ܥܲܡܵܘܟ݂ܘܿܢ، ܐܡܝܼܪܲܢ ܐܸܠܵܘܟ݂ܘܿܢ ܩܲܕܡܵܝܬܵܐ ܕܒܸܬ ܦܵܝܫܲܚ ܡܘܼܠܝܸܨܹܐ؛ ܘܗܘܹܐ ܠܵܗ̇ ܗܵܕܟ݂ܵܐ، ܐܲܝܟ݂ ܕܒܝܼܕܵܥܵܐ ܝܬܘܿܢ.5ܒܘܼܬ ܐܵܗܵܐ ܐܝܼܡܲܢ ܕܠܵܐ ܡܨܹܐ ܠܝܼ ܠܸܚܡܵܠܵܐ ܐܚܹܪܢܵܐ ܒܘܼܫ ܙܵܘܕܵܐ، ܫܘܼܕܸܪܝܼ ܕܝܵܕܥܹܢ ܠܗܲܝܡܵܢܘܼܬܵܘܟ݂ܘܿܢ، ܕܠܵܐ ܗܵܘܝܵܐ ܕܓ̰ܲܪܸܒ ܠܵܘܟ݂ܘܿܢ ܓ̰ܲܪܒܵܢܵܐ ܒܚܕܵܐ ܐܘܼܪܚܵܐ، ܘܗܵܘܹܐ ܦܘܼܠܚܵܢܲܢ ܓܵܘܵܘܟ݂ܘܿܢ ܕܠܵܐ ܝܘܼܬܪܵܢܵܐ.
ܣܗܕܘܬܐ ܡ̣ܢ ܛܝܡܬܐܘܣ
6ܐܝܼܢܵܐ ܐܵܕܝܼܵܐ ܐܬܹܐ ܠܹܗ ܛܝܼܡܵܬܹܐܘܿܣ ܡ̣ܢ ܟܸܣܠܵܘܟ݂ܘܿܢ ܠܟܸܣܠܲܢ ܘܡܘܼܝܬܹܐ ܠܹܗ ܐܸܠܲܢ ܚܲܒܪܹ̈ܐ ܡܲܚܕܝܼܵܢܹ̈ܐ ܒܘܼܬ ܗܲܝܡܵܢܘܼܬܵܘܟ݂ܘܿܢ ܘܚܘܼܒܵܘܟ݂ܘܿܢ، ܘܕܐܝܼܬ ܠܵܘܟ݂ܘܿܢ ܕܟ݂ܵܪܲܢ ܛܵܒ݂ܵܐ ܒܟܠܔ ܥܕܵܢܵܐ، ܘܫܲܗܘܘܼܬܹܐ ܝܬܘܿܢ ܠܸܚܙܵܝܲܢ ܐܲܝܟ݂ ܕܐܲܚܢܲܢ ܫܲܗܘܘܼܬܹܐ ܝܘܲܚ ܠܸܚܙܵܝܵܘܟ݂ܘܿܢ.7ܒܘܼܬ ܐܵܗܵܐ، ܐܲܚܘܿܢܘܵܬܹ̈ܐ، ܦܝܼܫ ܠܲܢ ܝܘܼܗܒܹܐ ܠܸܒܵܐ ܒܝܼܵܘܟ݂ܘܿܢ ܥܲܠܔ ܟܠܵܝܗܝ ܥܵܘܩܵܢܲܢ̈ ܘܐܘܼܠܨܵܢܲܢ̈ ܒܝܲܕ ܗܲܝܡܵܢܘܼܬܵܘܟ݂ܘܿܢ.8ܣܵܒܵܒ ܐܵܕܝܼܵܐ ܒܸܚܵܝܵܐ ܝܘܲܚ، ܐܸܢ ܐܲܚܬܘܿܢ ܟܵܠܹܝܬܘܿܢ ܩܸܘܝܹܐ ܒܡܵܪܲܢ.9ܣܵܒܵܒ ܡܘܼܕܝܼ ܫܲܟܲܪܬܵܐ ܡܵܨܲܚ ܠܸܦܪܵܥܵܐ ܠܐܲܠܵܗܵܐ ܒܘܼܬ ܕܝܼܵܘܟ݂ܘܿܢ ܥܲܠܔ ܟܠܵܗ̇ ܚܲܕܘܼܬܵܐ ܕܒܸܚܕܵܝܵܐ ܝܘܲܚ ܒܝܼܵܘܟ݂ܘܿܢ ܩܲܕܡ ܐܲܠܵܗܲܢ،10ܟܲܕ ܦܲܪܦܘܼܠܹܐ ܝܘܲܚ ܪܵܒܵܐ، ܒܠܲܝܠܹܐ ܘܒܐܝܼܡܵܡܵܐ، ܕܚܵܙܲܚ ܠܵܘܟ݂ܘܿܢ ܦܲܪܨܘܿܦܵܐܝܼܬ ܘܬܲܡܸܡܲܚ ܡܸܢܕܝܼ ܕܒܵܨܘܿܪܵܐ ܝܠܹܗ ܒܗܲܝܡܵܢܘܼܬܵܘܟ݂ܘܿܢ؟11ܘܐܲܠܵܗܵܐ ܒܵܒܲܢ ܒܓܵܢܹܗ، ܘܡܵܪܲܢ ܝܼܫܘܿܥ ܡܫܝܼܚܵܐ، ܥܵܒܹܕ ܠܵܗ̇ ܐܘܼܪܚܲܢ ܦܫܝܼܛܬܵܐ ܠܟܸܣܠܵܘܟ݂ܘܿܢ.12ܘܡܵܪܝܵܐ ܡܲܙܝܸܕ ܘܡܲܦܪܹܐ ܠܚܘܼܒܵܘܟ݂ܘܿܢ ܚܲܕ ܠܟܸܣ ܗ̇ܘ ܐܚܹܪܢܵܐ ܘܠܟܸܣ ܟܠܵܝܗܝ ܐܢܵܫܹ̈ܐ، ܕܵܐܟ݂ܝܼ ܕܐܲܚܢܲܢ ܟܹܐ ܡܲܚܸܒܲܚ ܠܵܘܟ݂ܘܿܢ،13ܘܡܲܩܘܹܐ ܠܸܒܵܘܟ݂ܘܿܢ ܕܠܵܐ ܡܘܼܡܵܐ ܒܩܲܕܝܼܫܘܼܬܵܐ ܩܲܕܡ ܐܲܠܵܗܵܐ ܒܵܒܲܢ، ܐܝܼܡܲܢ ܕܡܵܪܲܢ ܝܼܫܘܿܥ ܐܵܬܹܐ ܥܲܡ ܟܠܵܝܗܝ ܩܲܕܝܼܫܘܼ̈ܗܝ.No translations available.