Ɛbɛ15
Alɔgbulɔ Umba Ukpo Umba Bɔkɔ O Ra laa Inyashi Imbwambwa
1Akwɛyi mi ma kɛzɔ ungakwuu ungafo, unga izele moshi. Alɔgbulɔ umba Ukpo werewo o ra laa inyashi erewo, inyi gba akwu iyi imbwambwa le, kwuwongu inyi gba akwu izɔma iyi amba umba Ukpo wa mbwambwa le.2Akwɛyi mi ma kiya mate risu ingyi umɛbɛ ki vyima mbala ɔyi. Mi gba mi ma enzu umba bɔkɔ o ri izɔfyi mbala u wɔ wu ma mbala enzu umba bɔkɔ kɛzɔ gba akwu ɛnyi mba le awu. Enzu mbamba o ri mu kenzu unga risu ingyi umɛbɛ ngyɛngyi, o ra la emburu iyi bɔkɔ Ukpo e shi mbo3akwɛyi o so kwɔmu ungwu Omosis, Umɛgba uwu Ukpo, mbala kwɔmu ungwu Umɛ Ilɔ awu tee:<<Ɔkwu Ukpo edego-ala,ɛduma ŋa akwu iyɛku ba i yi izele!Ɔsu uwu ɛzhi lɛɛbi,ɛgwuzɛ ŋɔ akwu ongbulolo mbala ototo!4Ɔkwu, uwe ba a wiyi ŋɔ mo?Uwe ba a nyama tee aa du ŋɔ ma mo?Moo uŋɔ kɛɛkyi gba ŋɔ yi kɛrikɛri le.Enzu lɛɛbi o nyɔakwɛyi oo gbo ŋɔ oya,kwuwongu o ma ɛduma ŋa iyi ototo lɛɛbi.>>5Mizhikembo iyi ɛlɛ, akwɛyi mi ma ɔtɛpu moshi te e yɛwu, Kwunu Ɔkɛrikɛri ba kwu yi mangwu.6Akwɛyi alɔgbulɔ umba Ukpo werewo umba bɔkɔ o ra la inyashi ekperewo, o wɔma mu ɔtɛpu awu, o lo apula ɛsɛsɛ iyi ɔlinɛ iyi ilemo akwɛyi o ma kwumagba ungwu ogolu mu idu mbo.7Akwɛyi ukpɛnyi meka iyi apula iyi i yi la reyi endo ɛnyi i shi alɔgbulɔ umba Ukpo mbamba lɔɔtu lorowo undu egolu la amba umba Ukpo duduu, uwu bɔkɔ e yi iyɔkpɔ ba ɔkpɔɔ.8Uwu uwu bɔkɔ u ngyi mbaa inzumbɛku mbala idomo iyi Ukpo u nyɔlɔ Ɔtɛpu awu ma, akwɛyi onzu u domo tee e fyemo mu ɔtɛpu awu e yi mo nzhii ba inyashi erewo iyi bɔkɔ alɔgbulɔ umba Ukpo o bo yi awu i bomo dɛ.The Word for the World International