Ɛbɛ1
1Kwokpo kwɔlɛ akwu ɛbɛ iyi bɔkɔ Ɔzhizɔsi Okrasi a wa yi a ta kwudu. Ukpo a zɔ wu apula ɛlɛ kaa la zɔ ɛmɛgba wu apula iyi bɔkɔ mɛga i nda laa iwomo fo. Okrasi a lɔ ɔlɔgbulɔ wu mbaa Ɔzhɔnu kaa laa zɔ wu apula ɛlɛ,2akwɛyi Ɔzhɔnu ba e so iyi bɔkɔ a ma lɛɛbi. Ɛlɛ gba akwiyi bɔkɔ a ma mekeka iyi iso iyi Ukpo mbala ongbulolo uwu bɔkɔ Ɔzhizɔsi Okrasi a wa wu a ta kwudu le.3Ɔnyɛ akwu uwu onzu uwu a wa kwokpo ungwu iso iyi Ukpo kwɔlɛ, mbala umba bɔkɔ o ngbɛ alu mu iso iyi bɔkɔ i yi mangwu akwɛyi o mbwalu yi! Moo kwuye kwu ndama fo bɔkɔ apula ɛlɛ lɛɛbi i bi wo.4Imi Ɔzhɔnu gba mi kakwupu kwɔlɛ le laa Ɛshɔshi erewo mu ɛzhi iyi Eshiya:
Esheshi mbala egbo-mɛzhi iyi bɔkɔ ii ngyi mbaa Ukpo uwu bɔkɔ e yi kekelele, e yi mekyi akwɛyi a ba nyɔ, mbala mbaa ɛndu erewo iyi bɔkɔ i yi mu keyi unga ukpa uwɛsu wu, lakwu iyayi lɛɛbi,5mbala mbaa Ɔzhizɔsi Okrasi, uwu bɔkɔ akwu u uzɔgɔ ongbulolo uwu Ukpo, uwu gba akwu uwu kwonze uwu bɔkɔ o yu wu mo mu kwuvɔ le, uwu tete gba akwu ɔsu uwu asu umba kwudu kwɔlɛ le.
E pwu idɛnyi nzu, akwɛyi mu lukwu wu, a wanzu ma mu ingbomo nzu,6akwɛyi e shi nzu kaa la ki kwu wa ri ɛsu mbala ebwoshi kaa la ki wo ɛduma laa Ukpo Ete wu. Iduma mbala ɛsu irimo lakwu iyi Ɔzhizɔsi Okrasi iyɔkpɔ ba ɔkpɔɔ! Liyi tayi.7Yese, e yi mu inyɔma mu amu! Uwewe a ma wu, ikyo umba bɔkɔ o la wu kwɔku. Enzu umba kwudu kwɔlɛ lɛɛbi oo wo ubugyi kwuwo wu. Tegba ii wo le!8Ɔkwu Ukpo edego, uwu e yi kekelele, uwu e yi mekyi, uwu a ba nyɔ a zɔ tee, <<Imi gba mi kwu uwu kwonze mbala umbwa kembo le.>>9Imi Ɔzhɔnu, umanyi yi u mbwalu Ɔzhizɔsi, mbala umanyi yi mu idu iyimo mbala inyashi imama iyi bɔkɔ wa ri ɛsu mbala wu o ma. O ka mya mu kutashi ungwu Ɔpatumɔ kwuwongu bɔkɔ mi tanu iyi iso iyi Ukpo mbala izɔgɔ mi izɔma meka iyi ongbulolo uwu bɔkɔ Ɔzhizɔsi a wawu kwudu.10Ɔnuwu kwɔfyi ungwu Ukpo ilɛma ungwu Ɔkwu, Kwundu e fye mami akwɛyi mi pwa opwu laa iso isomo gbogbogbo mizhikembo mi. Opwu ɔnwu u wanu kyamate kwongangaraki tayi.11Opwu ɔnwu u zɔ tee, <<Ka kiya ingyi ŋɔ ma ka lɔ kwokpo kwɔlɛ laa ɛshɔshi mu ese iyi: Ɛfɛsɔ, mbala Osimina, mbala Opagamu, mbala Otiyatira, mbala Osadisi, mbala Ofiladefiya, mbala Olawodisiya.>>12Mi geleyi kaa la mi ma onzu uwu e yi mu iso isomo mbala mi, akwɛyi mi ma lɔna undu ɔyi undu egolu lorowo.13Mi kyo mi ma kiya kyamate onzu tayi, te a rima mekeka iyi lɔna undu egolu ndɔlɛ, e lo origa uwɔzhi uwu a bɔ wu mu atakɛzhi, a ma kiya ingyi ogolu mu idu.14Inyi wu i wuluma puratata kyamate owuru nana akurungba tayi; eyi wu i yi kyamate ɔyi uwu bɔkɔ u yi mu izɛma baribari tayi.15Alɛ wu i lemo kyamate kwoso kwofyobyo ungwu o pyipyi ngwu anyi tayi. Opwu wu u wanu kyamate embyi umba o yi mu ikalama moshi tayi.16A rala elovyo ekperewo mu kwuwo ungwungyi wu, akwɛyi ukpandɛrɛ uwu lunzu lopo a wɔ mu kenzu wu. Ureyi wu u lemo kyamate ɔnu uwɔnɔnda tayi.17Tabɔkɔ mi ma wu, akwɛyi mi kpo mbwe midu wu kyamate ukpɛzhi tayi. E fulo mi kwuwo ungwungyi wu akwɛyi a za mi tee, <<Ki wiyi mo! Imi gba mi kwu uwu kwonze le, Imi gba mi kwu uwu imbwama le.18Imi mi yi reyi! Mi kpomo dɛ, kekelele ba mi yi la reyi ŋa iyɔkpɔɔ ba ɔkpɔɔ. Mi rala anu iyi lukwu mbala aleku.19Kwuwo ngwɔlɛ, ka ŋanɛ, apula iyi ŋɔ ma; apula iyi kekelele mbala iyi i bi wo mizhikembo.20Iluma iyi kwunvyeru iyi elovyo erewo iyi ŋɔ ma mu kuwo ungwungyi mi, mbala lɔna undu ɔyi undu egolu lorowo ndɔndu gba i yi tee: elovyo erewo ɛnyi akwu alɔgbulɔ umba ɛshɔshi erewo ɛnyi, lɔna undu ɔyi undu egolu lorowo ndɔndu ba akwu ɛshɔshi erewo ɛnyi.
Esheshi mbala egbo-mɛzhi iyi bɔkɔ ii ngyi mbaa Ukpo uwu bɔkɔ e yi kekelele, e yi mekyi akwɛyi a ba nyɔ, mbala mbaa ɛndu erewo iyi bɔkɔ i yi mu keyi unga ukpa uwɛsu wu, lakwu iyayi lɛɛbi,5mbala mbaa Ɔzhizɔsi Okrasi, uwu bɔkɔ akwu u uzɔgɔ ongbulolo uwu Ukpo, uwu gba akwu uwu kwonze uwu bɔkɔ o yu wu mo mu kwuvɔ le, uwu tete gba akwu ɔsu uwu asu umba kwudu kwɔlɛ le.
E pwu idɛnyi nzu, akwɛyi mu lukwu wu, a wanzu ma mu ingbomo nzu,6akwɛyi e shi nzu kaa la ki kwu wa ri ɛsu mbala ebwoshi kaa la ki wo ɛduma laa Ukpo Ete wu. Iduma mbala ɛsu irimo lakwu iyi Ɔzhizɔsi Okrasi iyɔkpɔ ba ɔkpɔɔ! Liyi tayi.7Yese, e yi mu inyɔma mu amu! Uwewe a ma wu, ikyo umba bɔkɔ o la wu kwɔku. Enzu umba kwudu kwɔlɛ lɛɛbi oo wo ubugyi kwuwo wu. Tegba ii wo le!8Ɔkwu Ukpo edego, uwu e yi kekelele, uwu e yi mekyi, uwu a ba nyɔ a zɔ tee, <<Imi gba mi kwu uwu kwonze mbala umbwa kembo le.>>9Imi Ɔzhɔnu, umanyi yi u mbwalu Ɔzhizɔsi, mbala umanyi yi mu idu iyimo mbala inyashi imama iyi bɔkɔ wa ri ɛsu mbala wu o ma. O ka mya mu kutashi ungwu Ɔpatumɔ kwuwongu bɔkɔ mi tanu iyi iso iyi Ukpo mbala izɔgɔ mi izɔma meka iyi ongbulolo uwu bɔkɔ Ɔzhizɔsi a wawu kwudu.10Ɔnuwu kwɔfyi ungwu Ukpo ilɛma ungwu Ɔkwu, Kwundu e fye mami akwɛyi mi pwa opwu laa iso isomo gbogbogbo mizhikembo mi. Opwu ɔnwu u wanu kyamate kwongangaraki tayi.11Opwu ɔnwu u zɔ tee, <<Ka kiya ingyi ŋɔ ma ka lɔ kwokpo kwɔlɛ laa ɛshɔshi mu ese iyi: Ɛfɛsɔ, mbala Osimina, mbala Opagamu, mbala Otiyatira, mbala Osadisi, mbala Ofiladefiya, mbala Olawodisiya.>>12Mi geleyi kaa la mi ma onzu uwu e yi mu iso isomo mbala mi, akwɛyi mi ma lɔna undu ɔyi undu egolu lorowo.13Mi kyo mi ma kiya kyamate onzu tayi, te a rima mekeka iyi lɔna undu egolu ndɔlɛ, e lo origa uwɔzhi uwu a bɔ wu mu atakɛzhi, a ma kiya ingyi ogolu mu idu.14Inyi wu i wuluma puratata kyamate owuru nana akurungba tayi; eyi wu i yi kyamate ɔyi uwu bɔkɔ u yi mu izɛma baribari tayi.15Alɛ wu i lemo kyamate kwoso kwofyobyo ungwu o pyipyi ngwu anyi tayi. Opwu wu u wanu kyamate embyi umba o yi mu ikalama moshi tayi.16A rala elovyo ekperewo mu kwuwo ungwungyi wu, akwɛyi ukpandɛrɛ uwu lunzu lopo a wɔ mu kenzu wu. Ureyi wu u lemo kyamate ɔnu uwɔnɔnda tayi.17Tabɔkɔ mi ma wu, akwɛyi mi kpo mbwe midu wu kyamate ukpɛzhi tayi. E fulo mi kwuwo ungwungyi wu akwɛyi a za mi tee, <<Ki wiyi mo! Imi gba mi kwu uwu kwonze le, Imi gba mi kwu uwu imbwama le.18Imi mi yi reyi! Mi kpomo dɛ, kekelele ba mi yi la reyi ŋa iyɔkpɔɔ ba ɔkpɔɔ. Mi rala anu iyi lukwu mbala aleku.19Kwuwo ngwɔlɛ, ka ŋanɛ, apula iyi ŋɔ ma; apula iyi kekelele mbala iyi i bi wo mizhikembo.20Iluma iyi kwunvyeru iyi elovyo erewo iyi ŋɔ ma mu kuwo ungwungyi mi, mbala lɔna undu ɔyi undu egolu lorowo ndɔndu gba i yi tee: elovyo erewo ɛnyi akwu alɔgbulɔ umba ɛshɔshi erewo ɛnyi, lɔna undu ɔyi undu egolu lorowo ndɔndu ba akwu ɛshɔshi erewo ɛnyi.
The Word for the World International