Omatiyu22
Kwɔba ungwu Odumudumu Uwu Oko Itomo
1Ɔzhizɔsi a gba e so mbo iso mu aba kpɔ. A zɔ tee,2<<Ɛsu iyi oshi i yi mate ɔsu uwu e wo odumudumu uwu oko itomo laa umɛ wu.3Akwɛyi ɔsu a lɔ ɛmɛgba wu te lo so lo fu enzu umba a lɔ la mba awu oga te lo bo odumudumu moo kwuye kwu wo-o, enzu mbamba ba o towo ibomo.4A gba a lɔ ɛmɛgba umbafo kpɔ akwɛyi a za mba tee la lu so kaa lu za laa enzu umba o lɔ la mba tee: <Kiya ingyinangyina ingyi odumudumu mi o mbwa-a; ɔgbɛbɛ uwu endo mbala endo uwakwu o ngbɛ mba-a, kiya ingyinangyina ki yi mu ɛzhi-e. La lu bo mbaa odumudumu uwu okopo biŋa!>5<<Enzu umba ba ɔ lɔ la mba awu ba o wo iso ɛnyi raa, o towo ibomo - uwufo a ka mu utu iyawu, uwufo a ka mbaa rishiwu iwomo,6umba bɔkɔ o shimo awu ba o yi ɛmɛgba umba o lɔmba ma awu o byi mba ɛmu, akwɛyi ɔ ngbɛ mba ma.7Amba o wo ɔsu awu ma gyɔɔ akwɛyi a lɔ asozha wu ɔ ka mu kwuse ungwu enzu mbamba, o pwu ngwu mo akwɛyi o ngbɛ enzu umba o ngbɛ alɔgbulɔ umba ɔsu awu ma.8<<Akwɛyi a za laa ɛmɛgba wu tee, <Iyinayina iyi odumudumu ele o mbwa-a, enzu umba mi lɔ la mba awu o fa mo.9La lu so mu akpulepo iyi ɛgwuzɛ, onzu uwunawuna uwu lu du wu la lu za wu tee le bo mbaa odumudumu.>10Akwɛyi ɛmɛgba mbɔlɛ o fye mu ɛgwuzɛ o kpala enzu ɛlu guruguru umba bɔkɔ o fya, umbeshi mbala umbira lɛɛbi o bo. Kizɛ ingyi odumudumu awu ki nyɔlɔma kpakiri mbala agboga.11<<Kwuye ungwu ɔsu e fye mo te kaa laa ma agboga akwɛyi a ma onzu uwufo uwu e lo ekpayi iyi odumudumu awu mo.12Akwɛyi ɔsu e yo wu tee, <Umɛza mi, ŋɔ wo la ŋɔ fye munɛ ba ŋɔ lo ekpayi iyi odumudumu ele mo?> Onzu awu ba a fa la opwu igbama.13<<Akwɛyi ɔsu a za la ɛmɛgba wu tee, <La lu gbawakyi mu alɛ mbala ewo, kaa lo ta wu mu kwudu mu ipwu kaa la ma inyashi iyɛku mbala oga ilomo mbala ɛnyi ilamesu.> >>14Ɔzhizɔsi a mbwa iso ɛlɛ isomo tee, o ya enzu gyɔɔ ma, umba o ŋa ba o yi bwɛ bi.>>Kwuyo Meka Iyi Ɔba Uwɛzhi Ishimo Laa Okesa
15Akwɛyi Afarisi o wɔ kwudu o ko ka amasa iyi ɔgwuzɛ uwu o wa wu kaa lo yi Ɔzhizɔsi mo mu iso wu.16O lɔ Wavɔngɔkiya mba mbala Wambwalu Ɛrɔdu ma mbaa Ɔzhizɔsi. O za wu tee, <<U zɔ kiya,>> <<Ki yitu tee ŋɔ kwu onzu u so ongbulolo, ŋɔ zɔ enzu ɔgwuzɛ ongbulolo uwu Ukpo. Onzu e do ŋɔ egbo ingangama mo moo ŋɔ loshi laa onzu kwuwongu kwunzu ungwu e yi ngwu mo.17So nzu imama iyaŋa, i sheshi tee lo shi oba uwɛzhi laa Osiza naa i sheshi mo ŋa?>>18Ɔzhizɔsi ba e yitu iyi egbo mbo iyira awu akwɛyi a za mba tee, <<Lunyi wamwangba mbɔlɛ! Kimbe ki shi lu gyi te la lu kpa mi kwuda?19La lu zɔ mi eduwo iyi bɔkɔ lu shi oba uwɛzhi ma mayi awu.>> Akwɛyi o ka wu laa odinari kwukpɛnyi,20akwɛyi e yo mbo tee, <<Ureyi ɔlɛ mbala ɛnyi ɛlɛ akwiyi uwe?>>21O gba wu opwu tee <<Akwiyi Osiza.>> Akwɛyi Ɔzhizɔsi a za mba tee, <<Ingyi akwu ingyi Osiza, lo shi ngyi Osiza, ingyi akwu ingyi Ukpo, lo shi ngyi Ukpo.>>22Tabɔkɔ o pwa ɛlɛ, izele i yi mbo mo; akwɛyi ɔ lu wu afyima o kama iyamba.Kwuyo Mɛka Iyi Iyimo Mu Kwuvɔ
23Mu ɔnɔnungawu, Asadusi umbafo, umba zɔ tee iyimo mu lukwu i yi mo awu, o bo mbaa Ɔzhizɔsi la kwuyo.24O za wu tee, <<U zɔ kiya,>> <<Omosisi a za nzu tee, gba ɔnumboko e kpomo e shi umɛ mo, umanyiwu le to oko awu kaa laa mbawu ɛmɛ.25Mekyi ki yi ɛmɛnɛ umbafo werewo munɛ. Umɛ uwakɔ e to oko, e kpomo e shi umɛ mo. Oko wu a ŋa laa umanyiwu kwuwongu e yi umɛ mo.26Inyinyi gba i du umanyiwu uwopo mbala uwɔla nzhii ba uworo le.27Mizhikembo iyi ɛlɛ, oko awu e kpomo tete.28So nzu ŋanɛ, ɔnu uwu iyimo mu lukwu, uwe, mu ɛmɛnɛ werewo mbɔlɛ, ba akwu ɔnu uwu oko ele moo kpɛkpɛmba lɛɛbi o to oko ele?>>29Ɔzhizɔsi a gba mba opwu tee, <<Lunyi lu ngbomo gyɔɔ kwuwongu lu yitu iyi iso iyi Ukpo mbala ekpasu wu mo!>>30Ɔnu uwu iyimo mu lukwu enzu o to eko mo ba o ya anu mo, enzu o yi kyamate alɔgbulɔ umba Ukpo tayi moshi.31Mekeka iyi iyimo iyi enzu umba bɔkɔ o kpomo: lu du wayi dɛ mo re iyi Ukpo e so yi mekeka iyi iyimo mu lukwu? A zɔ tee,32< Imi gba mi kwu Ukpo uwu Aburamu, Ukpo uwu Aziki mbala Ukpo uwu Ɔzhɛkɔbu le.> Uwu akwu Ukpo uwu enzu wareyi moo akwu uwu ɛkpɛzhi mo.>>33Tabɔkɔ enzu o pwa iso iyi Ɔzhizɔsi ɛlɛ, izele i wo mbo mo mu ɛzɔ wu ɛlɛ.Ɛrɛma Iyi I Kiika Le
34Tabɔkɔ Afarisi o pwa tee Asadusi o fa laa Ɔzhizɔsi opwu igbama, akwɛyi o kpala esu ɛlu,35akwɛyi ukpɛnyi mba uwu akwu ɔkɛtɛkpɛ mu ɛrama iyi Omosisi, a pwa Ɔzhizɔsi ma mu kwuyo.36A za wu tee, <<U zɔ kiya, ɛrama iyina bɔkɔ i kiika?>>37Ɔzhizɔsi a gba opwu tee, << <Pwu idɛnyi iyi Ɔkwu Ukpo ŋɔ mu akɔ ŋɔ, laa idu iyanana ŋa mbala egbo ŋɔ lɛɛbi.>38Ɛlɛ gba akwu ɛrama iyi kwonze iyi i ka iyinayina ma le.39Ɛrama iyopo iyi i kiika i yi mate iyi kwonze tete: <Pwu idɛnyi iyi onzu uwu a nɔ a kpa ŋa kyamate ɛŋɔ tayi.>40Ɛrama iyi Omosisi mbala ɛzu izɔma iyi anukenzu lɛɛbi i wɛlɛ mu ɛrama ekpepo ɛlɛ.>>Kwuyo Mɛka Iyi Omezaya
41Kwuye ungwu Afarisi o kpala ɛlu, Ɔzhizɔsi e yo mbo tee,42<<Egbo lu bi te meka iyi Omezaya? Uwu akwu umɛ uwu uwe?>> O gba wu opwu tee,<< Akwu Umɛ uwu Odevidi.>>43Akwɛyi Ɔzhizɔsi e yo mbo tee, <<Ba i wo la bɔkɔ Kwundu e shi Odevidi a ya wu tee <Ɔkwu>? Moo Odevidi a zɔ tee,44<Ɔkwu a za la Ɔkwu mi tee:Ŋɔma mu kwuwo ungwu ungyi mikaa la mi fulo ŋɔ mu kadu unga agewa ŋadɛ.>45Gba Odevidi a ya wu tee <Ɔkwu,> i wo la bɔkɔ Omezaya akwu umɛ wu?>>46Onzu u gba wu opwu e yi mo. Ngbaa mu ɔnungawu, onzu u do wu kwuyo iyomo e yi fo.
The Word for the World International