Oluku8

1Mizhikembo iyi ɛlɛ Ɔzhizɔsi mbala Wavɔngɔkiya wu wewo laa wepo mbamba o gɔma mu ese iyɛku mbala iyɛri, mu anu itama iyi Ilɔ Iyesheshi iyi Irɛsu iyi Ukpo.2eko umbafo tete umba bɔkɔ a wa mba laa ɛndu iyira ma a gba e bo mbo efya ma o mbwalu wu: Omeri (uwu o ya wu tee Omagadali), uwu bɔkɔ eyo umbeyi werewo o wɔma ma wu awu;3Ozhuwana, oko uwu Okuza uwu bɔkɔ akwu u bɔ eyi mu apula iyi Ɛrɔdu; Osuzana; mbala eko umbafo guruguru umba bɔkɔ o ra laa kiya ingyi ewo mbo o mbwama laa Ɔzhizɔsi mbala Wavɔngɔkiya wu.
4Kwuye ungwu enzu riba o wɔ mu ese ese o bo o kpala ɛlu mu idu iyi Ɔzhizɔsi, akwɛyi a ba mba kwoba tee:5<<Ɔnu uwufo onzu uwufo a ka mbaa isomo mu utu. Tabɔkɔ e le mu eyi iyi ewiri itomo, akwɛyi iyifo i fu mu ɔgwuzɛ, akwɛyi o kpa yi ata akwɛyi afyi ba o koyimo.6Iyifo i fu mu ɔzɔ, kwuyengwu i wɔma, akwɛyi i shirima kwuwongu oloto u yi mo.7Eyi iyifo i fu mɛmi iyi awula, i bulɔma mbala awula ɛlɛ kya akwɛyi awula i riyimo.8Eyi iyifo ba i fu mɛzhi iyesheshi; i bulɔma akwɛyi kwɔmbu ugwunangwuna kwu wa la eyi uwo ekpuwo.>>
Tabɔkɔ Ɔzhizɔsi a mbwa iso ɛlɛ i somo akwɛyi a za mba tee, <<Onzu uwu e yi alu iyi ipwama ba la pwa!>>
9Akwɛyi Wa vɔngɔ kiya wu o yo kwuyo ungwu iluma iyi kwoba kwɔlɛ,10akwɛyi a za mba tee, <<O nyayima ka la lu yitu iyi kwunvyeru ungwu Irɛsu iyi Ukpo, umbafo ba mi so mbo mu aba, kaa gba o yese mo lala o ma mo, ɔ ngbɛɛ alu lala ɔ zɔngɔma mo.
11<<Iluma iyi kwoba kwɔlɛ gba i ŋɔ le: Eyi iyi ewiri akwu iso iyi Ukpo.12Eyi iyi ewiri iyi bɔkɔ i fu mu ɔgwuzɛ awu akwu enzu umba o pwa iso iyi Ukpo; akwɛyi onzu uwoyi a wa laa iso ɛnyi ma mu egbo mbo kaa lo kwu idu lu fulo kaa lo fya isama ma mo.13Eyi iyi bɔkɔ i fu mu ɔzɔ awu akwu enzu umba bɔkɔ o na iso ɛnyi ma la ɔnyɛ kwuyengwu bɔkɔ o pwa yi. Ɔbulɛ ɔ bɔ akpa mo; o kwu idu lu fulo iyi kwuye bwɛɛ akwɛyi kwuyengwu ipwama i du mbo, akwɛyi o gba kembo.14Eyi iyi bɔkɔ i fu mu awula akwu enzu umba bɔkɔ o pwa; ɔbulɛ idu gidigidi mbala ekweyi iyi apula iyi kwudu kwɔlɛ mbala ugyɔ i nya mba ma kaa lɔ bulɔma kaa lɔ wa laa imuma iyeshi mo.15Ishi eyi iyi i fu mu ɛzhi iyesheshi akwu enzu umba bɔkɔ o pwa iso ɛnyi akwɛyi o ra yi kpakiri mu egbo mbo, o yi idu nzhii ba o wa laa imuma iyesheshi.

Kambu Unga Ɔyi Mu Ɛmi Iyi Kwɔbulɛ

16<<Onzu uwu bɔkɔ a byi kambu ɔyi akwɛyi e kpo ngo kiya nana e shi ngo mu ubu uwu kwukodo e yi mo. E fulo ngo mu kana unga ɔyi kaa enzu umba bɔkɔ o fye mogba lo ma ɛbɛ.
17Kiya ingyinangyina ingyi ki nvyemo oo ta ngyi kwudu ndunduu, tatayi kiya ingyinangyina ingyi bɔkɔ o nvye ngyi mo oo wa ngyi kwudu gedegede.
18Kwuwo kwɔlɛ la lu ngbɛndu mu iso iyi lu pwa; moo onzu uwu e yi kiya o kyo wu ngyi mo, onzu uwu bɔkɔ e yi kiya kinyinyi mo ba ingyi bɔkɔ a ma tee e yi ngyi awu lala oo na wu ngyi ma.>>

Anyi wu Ɔzhizɔsi Mbala Ɛmanyi wu

19Akwɛyi anyi wu Ɔzhizɔsi mbala ɛmanyi wu o ka tee kaa lo ma wu, ba o turu o gba wu kego mo kwuwongu riba ingyi enzu.20Akwɛyi onzu uwufo o za wu tee, <<Ɛnɛ ŋɔ mbala ɛmɛnɛ ŋɔ o rima mu kwudu o gyi tee lo ma ŋa.>>21Ɔzhizɔsi a gba mba lɛɛbi opwu tee, <<Ɛnɛ mi mbala ɛmɛnɛ mi gba akwu umba bɔkɔ o pwa iso iyi Ukpo akwɛyi o mbwalu yi.

Ɔzhizɔsi A Kpaa Kwokpo Ɛyi Akwɛyi Kwu Gbo ndii

22Ɔnu uwufo Ɔzhizɔsi e fye mu kwoda ungwu embyi mbala Wavɔngɔkiya wu akwɛyi a za mba tee, <<La ki sama ki so mu ɛsɛ ɛnyi iyi risu.>> Akwɛyi o fye mu kwoda o fulomo.23Tabɔkɔ o sheyimo akwɛyi ondo u to Ɔzhizɔsi mo. Kporo ba ombirikizhi e yimo mu risu, akwɛyi kwoda kwu le mu inyɔlɔma laa embyi, akwɛyi o ndomo zhigaa.
24Wa vɔngɔ kiya wu o ka o nyi wu eyi mo, o za wu tee, <<Adakwogba, Adakwogba! Ki ŋi kpɛdɔ-ɔ!>>
Ɔzhizɔsi e yimo a kpa kwokpo kwɔngu mbala agba iyi embyi ɛnyi ɛyi; kwokpo kwu gbomo akwɛyi kizɛ ki gbo ndii.
25Akwɛyi Ɔzhizɔsi e yo Wavɔngɔkiya wu tee, <<Ikwidufulo yi i yi muna?>>
Iyi mbala izele i wo mbo mo, akwɛyi o yo esu kwuyo tee, <<Onzu ele akwu uwe? A kpa kwokpo mbala agba iyi embyi ɛyi ba i lowu mo!>>

Ɔzhizɔsi a ralaa Ɛndu Iyira Ma Mu Ɛnwu Iyi Onzu Uwufo

26Ɔzhizɔsi mbala Wavɔngɔkiya wu ɔ zɛ mu embyi o ka mu ɛzhi iyi Ogerasa, iyi bɔkɔ i yi mu ɛsɛnyi iyi risu ingyi Ogalili.27Tabɔkɔ Ɔzhizɔsi a wɔma mu kwoda, akwɛyi onzu uwufo uwu bɔkɔ e yi eyo iyeyi a wɔ mu kwuse e kpolo wu. I to kwuye e bɔkɔ onzu ele e lo ekpayi mɛnwu mo ba a ŋɔ mogba mo, mu agariwu gba a ŋɔ le.28Tabɔkɔ a ma Ɔzhizɔsi, a tara ikyakwokwo akwɛyi a ta mɛzhi mu idu wu, a wanu mu opwu uwɔkwu tee, <<Kimbe ba ŋɔ ngyi mbala mi, Ɔzhizɔsi, Umɛ uwu Ukpo edego-ala? Mi kpa ŋa ɛshɛku tee ki lo mi inyashi mo!>>29E siso ɛlɛ kwuwongu Ɔzhizɔsi a kpa kwundu ungwu ira ɛyi kaa la ku wɔma ku shi ɛnwu iyi onzu le-e. Ku koko ku yi wu wɔwɔ, ba o lo wu ɛyɛ mewo mbala alɛ, o gbo wu mo, tetete a zɛ ɛyɛ ɛnyi ma akwɛyi kwundu kwu rawuma kwu kawa mu ɔsɛ.
30Ɔzhizɔsi e yo wu tee, <<O ya ŋa tee?>> A gba wu opwu tee <<O ya mi tee <riba,>>> kwuwongu eyombeyi riba i yi mawu.31Eyombeyi ɛnyi i kpa Ɔzhizɔsi ɛshɛku kaa le fu mbo mu kwuvɔ ungwu indomo ngwu kwu yi ibɔma mo.
32Uzhi riba uwu erusu ba o yi mu irimo kɛlɛ mbala mba mu odudu mɔmɔ. Akwɛyi ɛndu iyira ɛnyi i nda Ɔzhizɔsi kwoya tee le shi mbo kaa lo fye mu uzhi uwu erusu ɔwu, akwɛyi Ɔzhizɔsi a nya mba ma tee lo fye.33I wɔ kwudu mu onzu awu akwɛyi i fye mu uzhi uwu erusu ɔwu. Uzhi uwu erusu ɔwu ndii u kpɛdɔma tabakɔ erusu mbamba o solomo o fu mu risu akwɛyi embyi o ka mba ma.
34Enzu wa pya erusu mbamba o ma kiya ingyi ki wo, akwɛyi o rɛnya o fu oga mu kwuse kwɔngu mbala itu.35Enzu o wɔ kwudu kaa lo ma kiya ingyi ki wo, akwɛyi tabɔkɔ o bo mbaa Ɔzhizɔsi, o du onzu uwu bɔkɔ eyombeyi i wɔma ma wu awu, a ŋɔma mu idu iyi Ɔzhizɔsi, laa ekpayi mɛnwu, egbo wu i gbama mogba-a; akwɛyi iyi i wombo mo lɛɛbi.36Enzu umba bɔkɔ o ma iyi bɔkɔ i wo le, o ba enzu ɛza iyi onzu uwu e yi eyombeyi awu o wawu yi ma.37Akwɛyi enzu umba ɛzhi ɛnyi lɛɛbi o za la Ɔzhizɔsi tee la pyama ka shi mbo, kwuwongu iyi iyɛku i wo mbo mo. Akwɛyi e fye mu kwoda a kama.
38Onzu uwu bɔkɔ eyombeyi i wɔma i shi wu awu a kpa Ɔzhizɔsi ɛshɛku a za wu tee, <<Mi rimo mbala ŋa.>> Ɔzhizɔsi ba a nya wu ma mo, a lu wu a gbama akwɛyi a za wu tee,39<<Gba ka sheyimo mogba kaa ba ɛza laa enzu kiya ingyɛkwu ingyi bɔkɔ Ukpo e wo ŋɔ le.>> Akwɛyi onzu ele a kama a ka e so mu kwuse ndii kiya ingyi Ɔzhizɔsi e wo wu.

Umɛ Okokpayi Uwu Ozhayirusu Mbala Okokpayi Uwu A Pwafyi Mu Ɔriga Uwu Ɔzhizɔsi

40Kwuye ungwu bɔkɔ Ɔzhizɔsi a gbama a ka mu ɛsɛnyi iyi risu, enzu o bwa wu ma, kwuwongu lɛɛbi mba uwu gba o rigbo wu le.41Akwɛyi onzu uwufo uwu bɔkɔ o ya wu tee Ɔzhariyɔ, utokeyi mu udaba uwu ɛlu ikpalama uwu Azhu e bo e kwumo mu idu iyi Ɔzhizɔsi akwɛyi a kpawu ɛshɛku tee le so mogba wu,42kwuwongu umɛ wu okokpayi ukpɛnyi kɛɛkyi uwu e yi wu, uwu lɔri luwo la lopo, a ŋe kpo wu mo.
Tabɔkɔ Ɔzhizɔsi e sheyimo, enzu riba o mbwalu wu ba o kpawa fyifyi munamuna.
43Oko uwufo ba e yi mɔmɔ uwu bɔkɔ e yi ofya umbu ɛzhi ifumo umbwu lɔri luwo la lopo; a ngbɛ kiya ingyi kwuwo wu mo lɛɛbi mbaa walepu igagyima ba a fya onzu uwu bɔkɔ e do te e bo wu ofya mbwɔmbwu ma mo.
44A zɛ mekeka iyi riba ingyi enzu akwɛyi a ka mu izhikembo iyi Ɔzhizɔsi, a pwu wu afyi mu ɛtu iyi ɔriga wu, akwɛyi mu kwotota kwɔngu ɛnzhi wu ɔ zɛma.
45Akwɛyi Ɔzhizɔsi e yo kwuyo tee, <<Uwe bɔkɔ a pwumi afyi?>> Onzu uwunawuna a zɔma, akwɛyi Opita a zɔ tee, <<Adakwogba, enzu o yi riba ba o ye ŋɔ mu ikpama fyifyi le kɔ.>>
46Ɔzhizɔsi ba a zɔ tee, <<Onzu uwufo a pwumi afyi, moo mi pwa kwuyengwu ekpasu i wɔma mu ɛnwu mi.>>
47Tabɔkɔ oko ele a ma tee o dawuma-a, akwɛyi a wɔ kwudu laa ipwulama e ke kpombaa mu idu iyi Ɔzhizɔsi. Mu eyi iyi enzu mbamba lɛɛbi, e so kiya ingyi ki shi bɔkɔ uwu a pwu wu afyi mbala ewo iyi bɔkɔ ofya wu u bomo mu kwotota.48Akwɛyi Ɔzhizɔsi a za wu tee, <<Umɛ mi, ikwu idu lu fulo ŋɔ i bo ŋɔ ofya ma-a. Somo moloto.>>
49Ɔzhizɔsi a rala opwu uwu iso mbala oko awu bɛnɛ, akwɛyi ɔlɔgbulɔ a wɔ mu kwogba ungwu Ozhariyusu akwɛyi a za laa Ozhariyusu tee, <<Umɛ ŋɔ e kpomoo; ki loo Omale inyashi shaa mo.>>50Tabɔkɔ Ɔzhizɔsi a pwa ɛlɛ a za laa Ozhariyusu tee, ki riyi mo uŋɔ kwu idu fulo bi akwɛyi a gba lakwunyɔ.51Kwuye ungwu bɔkɔ e bo mu kwogba ungwu Ozhariyusu e shi uwewe tee le fyemo mbala wu mo, Opita mbala Ɔzhɔnu mbala Ozhemisi mbala ada uwu umɛ mbala ɛnɛ uwu umɛ kɛɛkyi gba a nya mba ma tee lo fyemo le.52Enzu umba o yi mɔmɔ lɛɛbi o le mu oga ilomo mbala obobyi iwomo kwuwongu umɛ awu. Akwɛyi Ɔzhizɔsi a za mba tee, <<La lu lafya la oga ilomo; umɛ ele e kpomo mo-ondo gba e yi mu ikpolomo le!>>
53Enzu mbamba lɛɛbi ba ɔ nyɔngɔ wu ma, moo o yitu tee umɛ awu e kpomoo.54Ɔzhizɔsi ba e yi wu mu kwuwo akwɛyi a ya wu ma mu opwu uwɔkwuu tee, <<Umɛ mi, yimo!>>55Ɛndu wu igbama akwɛyi e yimo kɛlɛlɛ. Akwɛyi Ɔzhizɔsi a za mba tee lo shiwu kiya ingyirimo kaa le ri.56Izele i yi anyi wu mbala ete wu mo, Ɔzhizɔsi ba a za mba tee lo so onzu ɛnyɛnyi kiya ingyi bɔkɔ ki wo le mo.

The Word for the World International

https://app.library.bible/content/9bdcb02a06f659e3