Oluku4
Onzu Uwoyi A Pwa Ɔzhizɔsi Ma
1Ɔzhizɔsi a gbama mu Ɔzhɔda laa inyɔlɔma mu Kwundu uwu Ukpo, akwɛyi Kwundu e to wu a kawa mu ɛzhi ɛngbarara,2mbaa bɔkɔ onzu uwoyi a pwa wu ma nzhii ba afyi uwekpendo. Mu afyi uwekpendo ɛlɛ, Ɔzhizɔsi e ri kiya kinyinyi mo akwɛyi lonzu lu wo wu mo.3Akwɛyi Onzu uwoyi a za wu tee, <<Gba ŋɔ kwu Umɛ uwu Ukpo ngboro de ba za laa kwoki ngwɔlɛ tee la ku vindɔ kiya ingyirimo nɛ.>>4Ɔzhizɔsi ba a gba wu opwu tee, << Iso iyi Ukpo i zɔ tee: <Akwu mu kiya ingyirimo kɛɛkyi gba onzu e yi kwunyɔ le mo.>>>5Onzu uwoyi a gba e to wu a kawa mu ikperembe akwɛyi mu eyipere, a zɔ wu ɛzhi iyi kwudu kwɔlɛ lɛɛbi.6Akwɛyi Onzu uwoyi a za wu tee, <<Mii shi ŋɔ ɛsu iyi ɛzhi ɛlɛ lɛɛbi mbala woshi yi, moo kpɛkpɛyi i yi mu kwuwo mi, onzu uwu mi gyi gba mi shi wu yi le.7Gba ŋɔ lemo ŋɔ gbo mi ɔya, mii shi ŋɔ yi lɛɛbi.>>8Ɔzhizɔsi ba a gba wu opwu tee: <<Iso iyi Ukpo i zɔ tee, < Ŋɔ gbo ɔya laa Ɔkwu Ukpo ŋɔ kɛɛkyi, uwu kɛɛkyi gba ba ŋɔ gbo wu rinye le tete!>>>9Akwɛyi Onzu uwoyi e to wu a kawa mu Ɔzhɛrusalɛ akwɛyi e shi wu a rima mu ikperembe iyi Ɔtɛpu, akwɛyi a za wu tee, <<Gba ŋɔ kwu Umɛ uwu Ukpo ngboro de ba yimo piriri munɛ kaa la mɛzhi nɛ.10Moo iso iyi Ukpo i zɔ tee: <Ukpo aa za la alɔgbulɔ wu tee lo gbo ŋɔ mo ɔnyɛ ɔnyɛ.>11Ikyo i zɔ tee, <oo ra ŋa mu ewo mbo kaa kwu la kwɔlɛ mu kwokyi mo.>>>12Ɔzhizɔsi ba a gba wu opwu tee, <<Iso iyi Ukpo i zɔ tee: < Ki pwa Ɔkwu Ukpo ŋɔ ma mo.>>>13Tabɔkɔ onzu uwoyi a mbwa Ɔzhizɔsi ipwama ma akwɛyi a lu wu afyima e gbo la kwuye kwowa.Ɔzhizɔsi E Ye Laa Ɛduma Wu Mu Ogalili
14Akwɛyi Ɔzhizɔsi a gbama a ka mu Ogalili, ekpasu iyi Kwundu uwu Ukpo ba i yi mbala wu. Ɛza wu i fulama muna muna mu ɛzhi ɛnyi.15A zɔ ɛzu mu idaba iyi ɛlu ikpalama mba akwɛyi onzu uwunawuna a pwɔ wu ma.16Akwɛyi Ɔzhizɔsi ka mu Ɔnazarɛti mbaa bɔkɔ o yi wu le, akwɛyi ɔnu uwu kwɔfyi ungwu ɛnwu igbomo mbo, e fye mu udaba uwu ɛlu ikpalama kyamate bɔkɔ e koko e wo awu. Akwɛyi e yimo tee la wa ɛzu iyi Iso iyi Ukpo,17akwɛyi o shi wu kwokpo ungwu anukenzu Azaya. A wungwuma akwɛyi a ma mbaa bɔkɔ ɔ ka tee,18<<Kwundu uwu Ɔkwue yi mami,kwuwongu a ŋa mitee la mi ka laa ayirewa ɛza iyi esheshi.A lɔ mi kaa la mi tanu teeo wala enye mo mu rinye,epeyi o gba laa ɛbɛ imama,umba bɔkɔ o nya mba nyanya baoo shi mbo ɛnwu igbomo.19akwɛyi mi tanu teekwuye kwu bo-oungwu bɔkɔ Ɔkwu a sa enzu wu ma.>>20Akwɛyi a gba la kwokpo kwongwu ikwumo, a gba ngwu e shi onzu uwu ɛduma uwu udaba uwu ɛlu ikpalama akwɛyi a ŋɔma. Onzu uwunawuna uwu bɔkɔ e yi mu udaba uwu ɛlu ikpalama mɔmɔ, a bɔ wu eyi ngoo,21akwɛyi a za mba tee, <<Ɔnɛnɛ iso iyi Ukpo iyi o ka munɛ le i nyɔlɔma leyi yi-e.>>22Enzu lɛɛbi o siso iyesheshi mu reshi wu, izele i yi mbo mo kwuwongu iso iyi esheshi iyi i wɔ mu kenzu wu. Akwɛyi o yo tee, <<Ele akwu umɛ uwu Ɔzhɔsɛfu mo re?>>23Akwɛyi Ɔzhizɔsi a za mba tee, <<Ee mi yitu lu ba mi kwoba tee, <U lo epu, bo ɛŋɔ ofya ma nɛ.> Mi yitu lu kyo lu za mi tee apula iyi ki pwa tee ŋɔ wo mu Okapanawu awu, wo yi mu kwuse ŋɔ tete ŋa nɛ.24Ɔzhizɔsi ba a za mba tee, ongbulolo gba mi so yi le te, <<anukenzu uwu o na wu mu kwuse wu e yi mo.25La lu ngbɛ alu kaa lu pwa: Te gba i yi le te, kwuye ungwu Elazha, eko wakpanuma o yi gyɔɔ mu Izirɛ, kwuye ungwu bɔkɔ Ukpo e tumo mo nzhii ba lɔri lola la kwurizhi akwɛyi ɔ ya lonzu undɔkwu mu ɛzhi ɛnyi lɛɛbi.26Tete ɔ lɔ Elazha mbaa ukpukpɛnyi mba mu Izirɛ mo, mba oko ukpɔnuma uwu Ozarefa mɛzhi iyi Ɔsidɔ kɛɛkyi gba ɔ lɔ wu le.27Tatayi kwuyengwu anukenzu ƐIasha, enzu umba ofya umbu embyimbɔyi mu Izirɛ o yi gyɔɔ tete; tete o bo uwewe mbo ofya ma mo, Onaama uwu Osiriya kɛɛkyi gba o bo wu ofya ma le.>>28Tabɔkɔ enzu umba bɔkɔ o yi mu udaba uwu ɛlu ikpalama awu lɛɛbi o pwa iso ɛlɛ, o wo amba gyɔɔ.29Akwɛyi o yimo o pyipyi Ɔzhizɔsi o wawu ma mu kwuse kwɔngu, akwɛyi o to wu ɔ kawa mu ikperembe iyi lowa undu bɔkɔ o mbo kwuse mbo ma ndu. Ɔ gyite kaa lɔ bɔ wu ewo la ta mɛzhi,30uwu ba a zɛ meka mba a kama iyawu.Onzu Uwufo Uwu E Yi Kwundu Ungwura
31Akwɛyi Ɔzhizɔsi a ka mu kwuse ungwu Okapanawu mu ɛzhi iyi Ogalili, akwɛyi Ɔnu uwu kwɔfyi ungwu ɛnwu igbomo mbo, e le mu enzu ɛzu izɔma.32Tabɔkɔ Ɔzhizɔsi e le mu enzu ɛzu izɔma, akwɛyi izele i yi mbo mo kwuwongu e siso laa idomo.33Onzu uwufo uwu e yi kwundu ungwura e yi mu udaba uwu ɛlu ikpalama mɔmɔ; akwɛyi a tara oga kpaa mu opwu uwɔkwu a zɔ tee,34<<Kyakwokwo! Ɔzhizɔsi uwu Ɔnazarɛti, ŋɔ gyi mbe mbaa nzu? Ŋɔ bo tee kaa ngbɛ nzu ma re? Mi yi ŋɔ: uŋɔ gba ŋɔ kwu ɔlɔgbulɔ Ɔkɛrikɛri uwu Ukpo le!>>35Akwɛyi Ɔzhizɔsi a kpa kwundu ungwura kwɔngu ɛyi tee, <<Kpala kenzu mo kaa wɔma mu onzu ele!>> Akwɛyi kwundu ungwura kwɔngu kwu yi wu kwu fya wapwu mɛzhi mu eyi mbo lɛɛbi akwɛyi kwu wɔma ma wu, ba kwu nɛ wu kanɛ mo.36Izele i yi enzu mo lɛɛbi akwɛyi o za la esu tee, <<Ɛlɛ akwu kwuwongu mbe? Mu idomo mbala ekpasu a kpa ɛndu iyira ɛyi tee li wɔma mu ɛnwu iyi onzu ba i wɔma iyayi bi!>>37Akwɛyi ɛza iyi Ɔzhizɔsi i fula ɛzhi ɛnyi ma lɛɛbi.Ɔzhizɔsi E Bo Enzu Gyɔɔ Efya Ma
38Ɔzhizɔsi a lafya laa udaba uwu ɛlu ikpalama akwɛyi a ka mogba uwu Ɔsamɔ. E du anyi uwu oko uwu Ɔsamɔ tee e yi okpakyi a nɔ mɛzhi iyi ofya, akwɛyi o siso mbala Ɔzhizɔsi kaa la mbwa wu ma.39Ɔzhizɔsi e fyemo akwɛyi a rima kɛlɛ mbaa wu akwɛyi a kpa ofya umbu ɔkpaki mbwɔmbu ɛyi te lu wu afyi ma. Mɔmɔɔmɔ okpakyi a lu wu afyima akwɛyi e yimo e le mbo mu kiya ingyirimo iwomo.40Kwuye ungwu ɔnu u yi mu ibomo-o, akwɛyi enzu umba bɔkɔ o yi ɛmɛza umba efya ikikɔ ikikɔ o kamba laa Ɔzhizɔsi; e fulo mbo ewo kɛnyi kɛnyi akwɛyi efya mba lɛɛbi i bomo.41Ɛndu iyira tete i wɔma mu ɛnwu iyi enzu gyɔɔ, laa ikyakwokwo itarama tee, <<Uŋɔ gba ŋɔ kwu Umɛ uwu Ukpo le loo!>>Ɔzhizɔsi ba a kpa yi ɛyi, a nya yi ma tee li siso mo kwuwongu i yitu tee uwu gba akwu Omezaya le.42Mu eyi ilama Ɔzhizɔsi a wɔ kwudu a ka ŋɔ kɛɛkyi wu mu riyi ingyifo. Enzu o le wo mu igagyima. Tabɔkɔ o ma wu, o gyite la lu mba afyima mo.43Akwɛyi a zamba tee, <<akwu ega tee mi tanu iyi Iso iyesheshi iyi Irɛsu iyoshi iyi Ukpo ɛlɛ mu ese iyifo tete, kwuwo ngwɔlɛ gba Ukpo a lɔ mi le.>>44Akwɛyi a kpakpɛɛ mu anu itama mu idaba iyi ɛlu ikpalama iyi Azhu mu ɛzhi iyi Ozhudiya lɛɛbi.The Word for the World International