Oluku17
Ingbomo
1Ɔzhizɔsi a za laa Wavɔngɔkiya wu tee: <<Apula iyi i shi enzu o ngbomo mɛga i nyɔ, tetete gbetu akwiyi onzu uwu bɔkɔ i zɛ mawu gba i bo le!2Gba o ma wu riko mu kwɔrɔ akwɛyi o ta wu mu risu lala i kpo wu i ka iyi bɔkɔ ee shi tee ɛmɛ mbɛri mbɔlɛ tee lo ngbomo.3Kwuwongwu ɔlɛ la lu lu gboshoshi!<<Gba umɛnɛ ŋɔ e ngbo ŋɔ mo, to wu mo, gba a ta ŋa mɛzhi, gba yi kpa wu.4Gba e ngbo ŋɔ mo izhi erewo ɔnuyi, a gba e bo munyi ŋɔ izhi erewo a zɔ tee, <Mi ta mɛzhi,> mɛga gba yi kpa wu.>>5Wa zɛ ilɔ o za laa Ɔkwu tee, <<Kyo nzu ikwu idu lu fulo nzu mo.>>6Ɔzhizɔsi a gba mba opwu tee, <Gba lu yi ikwu idu lu fulo iyɛri mate kwuyi ungwu omusita tee, lu do tee lu za laa uwɛyi uwu omuberi ɔlɛ tee, <Ngbɛ bwu so kaa ta mu risu!> Uwu ba u wo iyi bɔkɔ lu so awu.7<<Uwe mekeka yi uwu bɔkɔ e yi umɛgba uwu bɔkɔ a gba wu ma naa a pya wu ilɔ, tabɔkɔ umɛgba wu a gbama mu utu akwɛyi a za wu tee, <bo kekelele kaa ŋɔma ka ri kiya>?8Ayimo ŋɔ so wu tayi mo! Ŋɔ za wu tee, <Wo mi kiya ingyirimo, yi ɛnwu ŋɔ ma kaa rigbo mi kaa la mi ri, la mi wo dɛ; akwɛyi mizhikembo iyi ɛlɛ ŋɔ nɔma kaa ri kiya.>9O gbɛlɛ umɛgba ɛnyi kwuwongu e wo kiya ingyi bɔkɔ ifate le wo?10Tatayi gba i yi le mbala yi; kwuyengwu lu mbwa kiya inginangyina ingyi o za yi tee la lu wo iwomo, la lu zɔ te, <Kinzu ki kwu ɛmɛgba bi; ɛduma iya nzu gba ki wo le.>>>
Ɔzhizɔsi E Bo Enzu Wewo Ofya Ma
11Tabɔkɔ Ɔzhizɔsi e yi mu luzɛ e she mu Ɔzhɛrusalɛ, a zɛ mu ufye uwu Osamariya mbala Ogalili.12Tabɔkɔ e yi mu luzɛ tee e fye mu kwuse ungwɛri ungufo, akwɛyi enzu wewo umba o yi ofya umbu embyi umbɔyi o kpolo wu. O ri shaaru,13akwɛyi o yama kpaa tee, <<Ɔzhizɔsi! Adakwogba! Ma eyembembyi nzu!>>14Tabɔkɔ Ɔzhizɔsi a ma mba, akwɛyi a za mba tee, <<La lu so kaa ebwoshi umba Ukpo lo yese yi mo.>> Tabɔkɔ o fulo mo akwɛyi ofya mba u bo mo.15Tabɔkɔ ukpɛnyi mekeka mba a ma te ofya wu u bomo, a lugbama laa Ukpo iduma mu opwu uwɔkwu.16A ta ɛnwu mɛzhi mu idu Ɔzhizɔsi akwɛyi a gbɛlɛ wu ɛnyi. Onzu ele ba akwu onzu uwu Osamariya.17Akwɛyi Ɔzhizɔsi e yo kwuyo tee, <<Akwu enzu wewo gba o bo mbo ofya ma le mo re? Werendo washimo mbamba o yi mu na?18O fya onzu ukpɛnyi tee la gbama le gbo oya laa Ukpo mo, ugboga ele kɛɛkyi gba a gbama le?>>19Akwɛyi Ɔzhizɔsi a za wu tee, <<Yimo kaa kwuluzɛ ŋɔ; ikwu idu fulo ŋɔ i bo ŋɔ ofya ma-a.>>20Ɔnu uwufo Afarisi umbafo o yo Ɔzhizɔsi kwuyo meka iyi kwuye ungwu bɔkɔ Irɛsu iyi Ukpo i nyɔ. A gba mba opwu tee, <<Irɛsu iyi Ukpo i nyɔ mu ɔgwuzɛ uwu bɔkɔ o mayi mo.21Onzu a zɔ tee, <Yese, i ŋɔ le!> naa <I ŋaawu>; kwuwongu Irɛsu iyi Ukpo iyi mbala yi.>>22Akwɛyi Ɔzhizɔsi a za la Wavɔngɔkiya wu tee, <<Kwuye kwu yi mu inyɔma ungwu lunyi lu gyi tee la lu ma kwɔfyi kwunyi mu afyi iyi Umɛ uwu Onzu, ishi ba lu ma ngwu mo.23Enzu o za yi tee, <Yese, a ŋaawu!> naa, <Yese, munɛ!> La lu wɔ kwudu kaa lu gagyi yi mo24Kwɔfyi ungwu igbama ungwu Umɛ uwu Onzu kwu yi mate imingɔma iyi lɔwu tayi akwɛyi ɛbɛ i zɔ munamuna.25Uwu ba a ma wɔnu gyɔɔ dɛ akwɛyi enzu umba ɔyi ɔlɛ o towumo.26Matee bɔkɔ i wo mu kwuyengwu Onowa awu tatayi gba i wo le mu kwuyengwu igbama ungwu Umɛ uwu Onzu.27Enzu o kpakpɛɛ mu irimo mbala iwomo, eko itomo mbala anu iyama, nzhii ba kwɔfyi ungwu bɔkɔ Onowa e fye mu kwoda, akwɛyi Ukpo e tumo uwakwu, embyi o lomo akwɛyi o ri mbo mo lɛɛbi.28I wo mate kwuyengwu Ɔlɔtu tayi tete. Enzu o kpakpɛɛ mu irimo mbala iwomo, ewo ifulomo, apula isomo, mbala agba imbomo.29Ɔnu uwu bɔkɔ Ɔlɔtu a lafya la Ɔsɔdɔmu, ɔyi mbala akurungba iyi ɔyi iwɔ mu oshi i wolo mbo mo lɛɛbi.30Tayi gba i yi le ɔnu uwu o bɔ zɔ Umɛ uwu Onzu ma awu.31Mu kwɔfyi kwɔngu, onzu uwunawuna uwu e yi mu kɛnu unga kwogba wu, la kalama tee le bo le to apula wu mogba mo; tatayi onzu uwu e yi mu utu la gba le so mogba mo.32La lu lolo oko uwu Ɔlɔtu!33Onzu uwu bɔkɔ a gyikpɔ tee ee gbo kwunyɔ wu ma, kwu to wu mo; onzu uwu bɔkɔ e towo kwunyɔ wu ma ba, ee gbo ungwu mo.34Imi mi so yi, mu utu uwu bɔkɔ ɛlɛ i bi wo awu, enzu wepo o yi mu ondo ikpolomo mu ɔkyɔ ukpɛnyi: o to onzu ukpɛnyi ma ba o lafya la uwufo.>>35Eko wepo o yi mu ikpomo kyaa: o to ukpɛnyi ma ba o lafya la uwufo.36Enzu wepo o yi mu utu: o to ukpɛnyi ma ba o lafya la uwufo.37Wa vɔngɔ kiya wu o yo wu tee, <<Akwu muna ŋa, Ɔkwu?>>Akwɛyi Ɔzhizɔsi a gba mba opwu tee, <<Mbaa bɔkɔ abwu o yi le gba eperemi o kpala ɛlu le.>>
The Word for the World International