IBURU6
1Kwuwo kwɔlɛ la ki shekeyi la ɛzɔ iyi bɔkɔ ikɔma mo iyi bɔkɔ o zɔ nzu mu igwumo kwuyengwu bɔkɔ ki na Okrasi awu kaa la ki sheyimo mu keyi mu ɛzɔ iyi ɛkɔ. La ki gbala ola uwu ɛduma iyi bɔkɔ i renzu mu lukwu awu igwumo fo kaa la ki kwu idu lu fulo mu Ukpo,2mbala ɛzɔ iyi obatisima mbala iso iyi ifulo onzu kwuwo; mbala iso iyi iyimo mu lukwu mbala ombu izɔma uwɔkpɔɔ.3La ki sheyimo mu keyi! Gba Ukpo a nyama ɛlɛ ki wo yi mo.4Moo enzu umba bɔkɔ o lafya la ikwu idu lu fulo mbo ba oo wo te bɔkɔ o gba mba o nyɔ mu itamɛzhi kpɔ? O yi mu ɛbɛ iyi Ukpo dɛɛ; o pwa rɛshi ngyi ri wɔ moshi kenzu ba o fya ogbo mbo uwu Kwundu uwu Ukpo;5o pwa esheshi iyi Ukpo ma ba o ma ekpasu iyi kwushi ungwu bɔkɔ Okrasi a ba nyɔ awu.6Umba ba o lafya la ikwu idu lu fulo mbo! Iwomo kaa lo gba mba lo bo mbaa itamɛzhi fo, kwuwongu o gbala umɛ uwu Ukpo o kpa mu kwuwɛyi ungwu lukwu ba o lo wu lovya gedegede.7Ɔnyɛ akwu uwu ɛzhi iyi bɔkɔ i wo embyi umba ukpo uwu e tumo e fu ma yi wɔrɔwɔrɔ akwɛyi i wala ewiri la umba bɔkɔ o gba yi.8Gba ba ɛzhi ɛnyi i wala awula mbala ɔsɛ; i yi ɛduma fo; Ukpo a nda te ee fu yi lunzu fo ba a ngbɛ yi ɛdɔ ma mɔyi.9Ta ki siso ɛlɛ le, ɛmɛza mi umba idɛnyi, egbo nzu akwu ikpɛnyi munyi yi. Ki yitu tee lu yi ɔnyɛ uwu a ka le, inyi gba i bo la isama yi le.10Ukpo akwu onzu uwura mo. A kalakwuleyi laa ɛduma iyi bɔkɔ lu wo naa idɛnyi iyi lu zɔ kwuwo wu akwɛyi lu mbwama la wambalu ba lu degbo mu iwomo awu mo.11Ki gyi tee uwewe yi la gyakpɔ nzhii ba li so mu imbwama, kaa apula iyi bɔkɔ ki sheyi yi awu la ki fya yi ma ngboro.12Ki gyi te la lu kpɔfɔ mo, ba la lu yi kyamate enzu umba bɔkɔ o kwu idu lu fulo ba o yidu, akwɛyi o na kiya ingyi bɔkɔ Ukpo e so mbo e shi mɛzhi awu.
Iso ishi mɛzhi Iyi Ukpo Akwu Ngboro
13Kwuye ungwu bɔkɔ Ukpo e siso e shi mɛzhi la Aburamu awu, a vungɔma te uwu e wo iyi bɔkɔ e so e shi mɛzhi awu. Mate bɔkɔ i yi onzu wu bɔkɔ a ka wu ma mo awu, a vungɔma e to la ɛnyi wu.14A zɔ tee, <<Imi mi vungɔma mii shi ŋɔ esheshi ba mii wo kaa ɛdɔ ŋɔ li yi riba.>>15Aburamu e yidu akwɛyi a na iyi bɔkɔ Ukpo e so e shi mɛzhi awu.16Kwuye ungwu bɔkɔ ki vungɔma, ki to la ɛnyi iyi onzu uwu bɔkɔ a ka nzu ma, akwɛyi ivungɔma ɛnyi i shi kambu ka bɔma.17Ukpo a gyi tee umba bɔkɔ uwu e siso e she mbo mɛzhi awu, lo yitu sɛsɛ tee, iyi bɔkɔ uwu e so awu a ŋanga egbo wu ma mo; akwɛyi e kyo a vungɔma.18Apula ikpepo iyi bɔkɔ Ukpo e so e shi mɛzhi awu, i ŋangama mo, Ukpo a mwangba mo. Kinzu umba bɔkɔ ki fya isama munyi wu awu la ki ra la eyi ifulomo nzu gbagiri.19Eyi ifulomo nzu ɛlɛ i yi kyamate utumutu tayi uwu egbo nzu, bɔkɔ ii shi ki yi egbo epo mo ba ki wiyi mo. Inyi gba i shi nzu ki ngbɛ yaa mu eregye iyi ɔtɛpu uwoshi kaa la ki fye mɛmi mu idu iyi Ukpo.20Ɔzhizɔsi e to keyi e fyemo mɔmɔ kwuwo nzu oo. Akwu obwoshi uwakɔ nzu iyɔkpɔɔ, kyamate Ɔmɛkizɛdɛ tayi.The Word for the World International