Iwomo19
Ɔpɔlu Mu Ɛfɛsɔ
1kwuye ungwu bɔkɔ Apɔlɔsi e yi mu Ɔkɔrɛti, Ɔpɔlu a zɛ mu ese iyi Ofirigiya mbala ɛzhi iyi Ogalatiya akwɛyi a ka mu Ɛfɛsɔ. Mɔmɔ e du enzu wa mbwalu Ɔzhizɔsi umbafo2akwɛyi e yo mbo kwuyo te, <<kwuyengwu bɔkɔ lu na Ɔzhizɔsi awu, Kwundu uwu Ukpo e bo ma yi?>>O gba opwu te, <<Ayimo, kinzu lala ki pwa te Kwundu uwu Ukpo e yi dɛ mo.>>3Akwɛyi Ɔpɔlu e yo mbo te, <<Ba obatisima uwuna bɔkɔ o wo yi?>>
O gba opwu te, <<Obatisima uwu Ɔzhɔnu uwu bɔkɔ e siso mekeka wu awu.>>4Ɔpɔlu a zɔ te, <<Obatisima uwu Ɔzhɔnu akwu uwu enzu lo kwu ira ɔsu. A gba a za la enzu te lo shi egbo mu onzu uwu e yi mu inyɔma mu izhikembo wu, uwu gba akwu, Ɔzhizɔsi.>>5Tabɔkɔ enzu o pwa iso iyi Ɔpɔlu e so awu, akwɛyi o wo mbo obatisima mu ɛnyi iyi Ɔkwu Ɔzhizɔsi.6Mizhikembo iyi ɛnyi, Ɔpɔlu e fulo mbo ewo mu reshi, akwɛyi kwundu uwu Ukpo e fye ma mba, akwɛyi o so iso mu lunzu undepo akwɛyi o zɛ ilɔ iyesheshi iyi Ukpo.7O yi ta enzu wewo te lɛɛbi mba.8Evya ɛla Ɔpɔlu e koko a ka mu udaba uwu Azhu, mɔmɔ e so mbo iso mu iyi mo, e koko e bwu mbo mo mu iso isomo mekeka iyi iso iyi irɛsu iyi ukpo.9Enzu umbafo mba o kɔ egbo mo ba o nyama la iso iyi Ukpo iyi bɔkɔ Ɔpɔlu e so mbo le mo akwɛyi, o so iso iyira iyi iso ɛlɛ pepee. Kwuwo kwɔngu Ɔpɔlu a lu mba afyima, a zɛ mbala wa mbwalu Ɔzhizɔsi umbafo ma mbala wu, akwɛyi kwɔfyi kwɔfyi a ka mba mu ɛzu izɔma mu igwu iyɛkwu iyi ɛzu izɔma iyi Otiranu.10Ɔpɔlu e koko wo ɛlɛ nzhii ba lɔri lopo, ɛlɛ i shi Azhu lɛɛbi mbala enzu umba Ogiriki umba bɔkɔ o yi mu ɛzhi iyi Eshiya o pwa iso iyi Ɔkwu.11Ukpo e shi Ɔpɔlu ekpasu akwɛyi e wo apula iyi kenzu iyama iyɛku gyɔɔ,12kwuwo ngwɔlɛ enzu, kukokpayi ungwu anu wu mbala ɔmu uwu ɛduma wu o kawa mbaa enzu umba efya o kpa yi mba mɛnwu, akwɛyi efya mba i bomo; ɛndu iyira tete i lu mba afyima.13Azhu umbafo, tete o kpa ɛvyɛ munamuna mu ɛndu iyira iwɔma, o gyi te lo wo ɛduma mu ɛnyi iyi Ɔkwu Ɔzhizɔsi ka lo rala ɛndu iyira ma mu ɛnwu iyi enzu umba bɔkɔ o yi ɛndu iyira. O zɔ te, <<Mu ɛnyi iyi Ɔzhizɔsi, uwu Ɔpɔlu a tanu iyi Ɔzhizɔsi awu, mi za ŋa te wɔma.>>14Ɛmɛ umba Osiva, u to keyi uwu ebwoshi uwu Azhu, o yi mu ɛlɛ iwomo tete.15Ɔnu uwufo ɛndu iyira i gba mba opwu te, <<Imi mi yi Ɔzhizɔsi mbala Ɔpɔlu, uŋɔ ba ŋɔ kwu uwe?>>16Akwɛyi onzu ele uwu e yi ɛndu iyira le e ye piriri a la ma mba, akwɛyi a bi mba ɛmu nzhii ba a nɛ mba kanɛ, e pye mbo ɛriga ma akwɛyi o wɔ kwudu la ɛnya mu kwogba kwɔngu.17Kwuye ungwu bɔkɔ Azhu mbala enzu umba Ogiriki umba bɔ o yi Ɛfɛsɔ o pwa iso ɛlɛ, lɛɛbi mba iyi i wo mbo mo, akwɛyi ɛnyi iyi Ɔkwu Ɔzhizɔsi i fya iduma gyɔɔ.18Enzu umbafo gyɔɔ umba bɔkɔ o nyama la iso iyi Ɔzhizɔsi, o bo o ta mɛzhi akwɛyi o kwo mu enzu isomo ira iyi bɔkɔ umba o wo pepee.19Enzu gyɔɔ wa kwu ɛpa o bo la ekpo iyi apula iyi ɛpa ikwumo mba akwɛyi o pwu yi mo mu eyi iyi enzu. O lo eduwo iyi apula ɛnyi mesu, abwa yi akwu eduwo edubu uwɛkpɛlɔ.20kwongwu ɔlɛ, rɛnu ingyi Ukpo ri so mu iyama munamuna akwɛyi enzu gyɔɔ ba o na ngyi ma.21Mizhikembo iyi ɛlɛ lɛɛbi, Ɔpɔlu a ka amasa te e re mu Ɔzhɛrusalɛ, a zɛ mu Omasedoniya mbala Akaya. A za la ɛnwu te, <<Gba mi ka mɔmɔ, mi re mu Oromu megaa.>>22A lɔ enzu wepo umba o mbwa wu ma mu ɛduma iwomo, Otimoti mbala Erasitu mu Omasedoniya, uwu ba a gyi e wɔ afyi epo mu ɛzhi iyi Eshiya.23Kwuye kwɔngu obirigo uwakwu a wɔ la enzu umba o yi mu ɔgwuzɛ uwu Ɔzhizɔsi imbwaluma.24Onzu u ndo kwondo uwufo o ya wu te Ɔdimɛtirɔ e yi mu kwuse kwɔngu. Mu kwunu ungwu eshi mɔmɔ, onzu ele e ndo eshi iyi Atemisi mu esiliva. Ɛlɛ i ka laa wa ndo kwondo rishi gyɔɔ25Ɔdimɛtiri e lo ɛlu enzu wa ndo kwondo umbafo lɛɛbi, akwɛyi a za mba te: <<Reshi ingyi udaba mɛɛ, lunyi lu yitu te ki wo rishi gyɔɔ mu ɛduma nzu ɛlɛ.26Lu yi mu imama mbala ipwama iyi onzu ele Ɔpɔlu uwu bɔkɔ enzu gyɔɔ o shi egbo munyi wu, e kyoro enzu ma lɛɛbi munɛ mu Ɛfɛsɔ mbala ɛzhi iyi Eshiya. A za la enzu te, <<Ukpo uwu bɔkɔ onzu gba e ndo le akwu Ukpo mo ndii.27Gba ki gbo oshoshimo, rishi nzu ngyɛlɛ ri fya ɛnyi iyira mekeka iyi enzu akwɛyi enzu o nyama te o shi kunu ungwu eshi nzu iyɛkwuu, Atemisi igba fo, eshi ɛlɛ iyi bɔkɔ enzu o lɛ mu ɛzhi iyi Eshiya mbala kwudu kwɔlɛ ndii, o gbo yi oya fo.>>28Tabɔkɔ o pwa iso ɛlɛ, amba o wo mbo mo, akwɛyi o le mu ovyo iwomo mu opwu uwɔkwuu te: <<Atemisi uwu Ɛfɛsɔ gba akwu uwakwu le!>>29Akwɛyi uwewe akwu ovyo iwomo mu kwuse kwɔngu. Enzu mbɔlɛ o yi Ɔgayɔ ma mbala Arisitaku ɛmɛza umba luzɛ umba Ɔpɔlu, enzu umba Omasedoniya o kamba mu udaba uwu ɛlu ikpalama uwu kwuse.30Ɔpɔlu a gyi te le rima mu idu iyi enzu kaa le siso, wa mbwalu Ɔzhizɔsi ba o nya wu ma mo.31Enzu umbakɔ umbafo umba kwuse umba bɔkɔ akwu ɛmɛza umba Ɔpɔlu o lɔ ilɔ la Ɔpɔlu te, o kpa wu ɛshɛku te la nɛnɛ le fye mu udaba uwu ɛlu ikpalama awu mo.32Enzu mba bɔkɔ o kpala ɛlu awu o mwa gbu: Umbafo o ya ngyɛlɛ, umbafo ba o ya ngyewa. Enzu riba o yi ingyi ki kpalamba ɛlu mo.33Azhu o wala Alɛkizanda kudu te la rima mu keyi mba, umbafo mba o zɔ te e yi kwuwo mɛmi iyi ovyo ele. Alɛkizanda e wombo ewo te onzonzu la kpala kenzu wu ma, a gyi te le fu ombu wu.34Tabɔkɔ enzu mbɔlɛ o zɔngɔma ma te akwu Azhu, akwɛyi kpɛkpɛmba mu opwu ukpɛnyi o le mu ovyo iwomo nzhii ba awa epo mu iyama te: <<Atemisi uwu Ɛfɛsɔ gba akwu uwakwu le!>>35Akwɛyi u ka kwupu uwu kwuse kwɔngu a za la enzu te lo kpa la kenzu mbo ma, akwɛyi a za mba te, <<Ɛmɛnɛ mi umba Ɛfɛsɔ, uwe ba e yitu te akwu kinzu umba kwuse kwɔlɛ gba ki gbo Ɔtɛpu uwu Atemisi uwakwu mbala kwoki ɔkɛrikɛri ungwu bɔkɔ kwu wɔ moshi kwu ta mɛzhi le mo?36Kwuwo kwɔlɛ, i yi iyi bɔkɔ o ri kaambu mu ɛlɛ mo awu, onzonzu le gbo ndii le wo kiya ingyi bɔkɔ ki nya la obirigo munɛ mo.37Lunyi lu bo la enzu mbɔlɛ munɛ, o wo nzu ɛlɔ iyi apula ɔkɛrikɛri iyi ɔtɛpu mo, ba o kpa eshi nzu ari mo.38Ishi gba Ɔdimɛtirɔ mbala enzu wa wo ɛduma iyawu o yi amba mbala onzu uwufo, idaba iyi ombu ifumo iyi ɛwu kwɔfyi kwɔfyi mbala wa zɔ ombu39Ishi ba lu yi ombu uwufo uwu lu gyi te la lu bo wu, uwu o bo so wu mu udaba uwu ombu40Gba ki gboshoshi mo, o yi nzu ombu uwu ovyo iwomo mu kwuse ɔnɛ. ki do ata ifulomo marimari iyi ovyo ele mo, kwongwu kwuyi ungwu ovyo iwomo nzu kwu yi mo.41Mizhikembo iyi u ka kwupwu uwu kwuse awu a mbwa ɛlɛ isomo, akwɛyi a za la uwewe te lo kpasha.
The Word for the World International